తెలంగాణపై ఎల్‌నినో(El Nino) ప్రభావం తీవ్రంగా ఉందని, రాబోయే ఏడాది ఫిబ్రవరి నెల నాటికి ఇది ఎక్కువగా ఉండనుందని రాష్ట్ర ప్రభుత్వ ప్రధాన కార్యదర్శి సంజయ్ జాజు ఆందోళన వ్యక్తం చేశారు. నైరుతి రుతుపవనాల వైఫల్యం, ఉష్ణోగ్రతలు సాధారణం కంటే 2 నుంచి 3 డిగ్రీలు పెరగడానికి ఎల్‌నినోనే ప్రధాన కారణమని ఆయన స్పష్టం చేశారు.
సంగారెడ్డి జిల్లా పరిధిలోని సింగూర్, మంజీరా జలాశయాలను సందర్శించిన సీఎస్, క్షేత్రస్థాయిలో నీటి నిల్వలు, పంటల పరిస్థితి, భవిష్యత్ కార్యాచరణపై ఉన్నతాధికారులతో సమీక్ష నిర్వహించారు.
సింగూర్ ప్రాజెక్టును పరిశీలించిన అనంతరం సీఎస్ సంజయ్ జాజు మీడియాతో మాట్లాడారు. ప్రస్తుతం చేతికి వచ్చే దశలో ఉన్న పంటలను కాపాడుకోవడానికి రాబోయే 15 నుంచి 20 రోజులు అత్యంత కీలకమని తెలిపారు. వ్యవసాయం, విద్యుత్, నీటిపారుదల, ఇతర సంబంధిత శాఖల అధికారులు నిరంతరం సమన్వయంతో పనిచేయాలని ఆదేశించారు.
వ్యవసాయ అవసరాలకు, పంపుసెట్లకు ఎలాంటి అంతరాయం లేకుండా విద్యుత్ సరఫరా అందించాలని విద్యుత్ శాఖ అధికారులకు స్పష్టమైన సూచనలు చేశారు సీఎస్. రాష్ట్రంలో నెలకొన్న ఈ పరిస్థితిపై ముఖ్యమంత్రి రేవంత్ రెడ్డి స్వయంగా ఎప్పటికప్పుడు సమీక్షలు నిర్వహిస్తూ దిశానిర్దేశం చేస్తున్నారని వెల్లడించారు.
రాష్ట్రంలో తీవ్ర వర్షాభావం, భూగర్భ జలాలు గణనీయంగా పడిపోతున్న నేపథ్యంలో ప్రభుత్వ ప్రాధాన్యతలను సీఎస్ వివరించారు. ఏ పరిస్థితుల్లోనూ తాగునీటి కొరత రాకుండా చూడడమే ప్రభుత్వ ప్రథమ కర్తవ్యమని తెలిపారు. హైదరాబాద్ నగరంతో పాటు సంగారెడ్డి, కామారెడ్డి, నిజామాబాద్, మెదక్ జిల్లాలకు తాగునీటి సరఫరాలో ఇబ్బందులు లేకుండా అత్యవసర ప్రణాళికను సిద్ధం చేశారు.
భూగర్భ జలాలు అట్టడుగుకు పడిపోయినందున, ఒకవేళ ఉచిత విద్యుత్ సరఫరా చేసినప్పటికీ బోరుబావుల్లో నీరు లభించని పరిస్థితి ఉందన్నారు. అందుకే రాబోయే యాసంగి సీజన్లో రైతులు క్రాప్ హాలిడే ప్రకటించాల్సిన పరిస్థితి రావచ్చని సూచించారు.
{{/usCountry}}భూగర్భ జలాలు అట్టడుగుకు పడిపోయినందున, ఒకవేళ ఉచిత విద్యుత్ సరఫరా చేసినప్పటికీ బోరుబావుల్లో నీరు లభించని పరిస్థితి ఉందన్నారు. అందుకే రాబోయే యాసంగి సీజన్లో రైతులు క్రాప్ హాలిడే ప్రకటించాల్సిన పరిస్థితి రావచ్చని సూచించారు.
{{/usCountry}}వర్షాభావ పరిస్థితులు, కరువు ప్రభావాలను పర్యవేక్షించేందుకు ప్రతి జిల్లాకు ప్రత్యేక నోడల్ అధికారులను నియమిస్తున్నట్లు సీఎస్ వెల్లడించారు. అధికారులు కేవలం సమీక్షలకే పరిమితం కాకుండా నేరుగా క్షేత్రస్థాయికి వెళ్లి రైతులు, స్థానిక ప్రజలతో మాట్లాడాలని సూచించారు. వారి అవసరాలను అర్థం చేసుకుని, ప్రభుత్వం చేపడుతున్న ముందస్తు చర్యలపై ప్రజల్లో అవగాహన కల్పించాలని కోరారు.
ఎల్‌నినోపై అఖిలపక్ష సమావేశం
ఎల్‌నినో ప్రభావం ఎక్కువ అవుతున్న నేపథ్యంలో తెలంగాణ సర్కార్ కీలక నిర్ణయం తీసుకుంది. ఎల్‌నినో పరిస్థితులపై అఖిలపక్షం సమావేశం నిర్వహించేందుకు సిద్ధమైంది. శుక్రవారం ఉదయం 11.30 గంటలకు సచివాలయంలో అఖిలపక్ష సమావేశానికి ఏర్పాట్లు చేసింది.