తెలంగాణ, అమెరికాల మధ్య ద్వైపాక్షిక సంబంధాలను మరింత బలోపేతం చేసే దిశగా కీలక పరిణామం చోటుచేసుకుంది. రాష్ట్ర ముఖ్యమంత్రి ఎ.రేవంత్ రెడ్డి, భారతదేశంలో అమెరికా రాయబారి సెర్జియో గోర్తో న్యూఢిల్లీలో సౌజన్యపూర్వకంగా సమావేశమయ్యారు. దాదాపు 30 నిమిషాలకు పైగా సాగిన ఈ భేటీలో విద్య, ఉపాధి, పెట్టుబడులు, సాంకేతికత, పరిశోధన రంగాల్లో సహకారంపై ఇరువురు నేతలు విస్తృతంగా చర్చించారు.
వీసా ఇంటర్వ్యూ స్లాట్లు పెంచాలని విజ్ఞప్తి
ఉన్నత విద్య కోసం అమెరికా వెళ్లే తెలంగాణ విద్యార్థులకు ఎదురవుతున్న వీసా సమస్యలను ముఖ్యమంత్రి రాయబారి దృష్టికి తీసుకెళ్లారు. విద్యార్థుల వీసాల సంఖ్యను పెంచాలని, సమయానికి ఇంటర్వ్యూ స్లాట్లు అందుబాటులో ఉంచేలా చర్యలు తీసుకోవాలని కోరారు. ఇంటర్వ్యూ స్లాట్ల సంఖ్యను పెంచి, వీసా దరఖాస్తుల పరిశీలనను వేగవంతం చేయాలని విజ్ఞప్తి చేశారు.
అలాగే అమెరికాలో వివిధ రంగాల్లో పనిచేస్తున్న తెలంగాణ ఉద్యోగుల ఆందోళనలను ప్రస్తావించారు. హెచ్-1బి (H-1B) వీసా జారీ, రెన్యూవల్స్, వీసా స్టాంపింగ్ ప్రక్రియను సరళీకృతం చేసి జాప్యాన్ని నివారించాలని కోరారు. వీసా నిబంధనల్లో ఏవైనా మార్పులు ఉంటే ముందుగానే సమాచారం అందించే వ్యవస్థను అందుబాటులోకి తేగలరని సూచించారు. అక్కడ చదువుకుంటున్న విద్యార్థుల రక్షణ, సంక్షేమంపై ప్రత్యేకంగా చర్చించారు.
తెలంగాణలో పెట్టుబడుల ఆహ్వానం
రాష్ట్రంలో అందుబాటులో ఉన్న అపారమైన పెట్టుబడి అవకాశాలను సీఎం రేవంత్ రెడ్డి వివరించారు. సమాచార సాంకేతికత (IT), ఆర్టిఫిషియల్ ఇంటెలిజెన్స్ (AI), లైఫ్ సైన్సెస్, ఫార్మాస్యూటికల్స్, స్టార్టప్లు, అధునాతన సాంకేతిక రంగాల్లో అమెరికా సంస్థలతో భాగస్వామ్యానికి తెలంగాణ సిద్ధంగా ఉందని స్పష్టం చేశారు.
అమెరికా విశ్వవిద్యాలయాలు తెలంగాణలోని విద్యాసంస్థలతో చేతులు కలిపేలా ప్రోత్సహించాలని కోరారు. విద్యార్థుల మార్పిడి ప్రోగ్రామ్లు (Student Exchange), ఉమ్మడి పరిశోధనలు, నైపుణ్యాభివృద్ధి కార్యక్రమాలను విస్తరించాలని ప్రతిపాదించారు.
తెలుగు భాష ప్రాధాన్యం.. రాయబారి హామీ
అమెరికాలో అత్యంత వేగంగా విస్తరిస్తున్న భారతీయ భాషల్లో తెలుగు ఒకటని ముఖ్యమంత్రి పేర్కొన్నారు. భారత చరిత్ర, సంస్కృతిపై అంబాసిడర్ సెర్గియో గోర్కు ఉన్న అవగాహనను సీఎం ప్రశంసించారు. తెలంగాణ సంస్కృతి, సంప్రదాయాలు, వంటకాలపై రాయబారి చూపిన ఆసక్తిని అభినందించారు.
{{/usCountry}}అమెరికాలో అత్యంత వేగంగా విస్తరిస్తున్న భారతీయ భాషల్లో తెలుగు ఒకటని ముఖ్యమంత్రి పేర్కొన్నారు. భారత చరిత్ర, సంస్కృతిపై అంబాసిడర్ సెర్గియో గోర్కు ఉన్న అవగాహనను సీఎం ప్రశంసించారు. తెలంగాణ సంస్కృతి, సంప్రదాయాలు, వంటకాలపై రాయబారి చూపిన ఆసక్తిని అభినందించారు.
{{/usCountry}}"తెలంగాణ, అమెరికా మధ్య వాణిజ్య, పెట్టుబడి, సాంస్కృతిక బంధాలను, ప్రజా సంబంధాలను మరింత బలోపేతం చేసేందుకు సంపూర్ణ సహకారం అందిస్తాం" అని రాయబారి సెర్జియో గోర్ హామీ ఇచ్చారు.