Bathukamma Young Filmmakers Challenge 2026 : తెలంగాణ సంస్కృతి, సంప్రదాయాలకు సజీవ ప్రతీక అయిన బతుకమ్మ పండుగను ప్రపంచవ్యాప్తంగా ఘనంగా ప్రచారం చేయడంతో పాటు యువతలో దాగి ఉన్న సృజనాత్మక ప్రతిభను వెలికితీసేందుకు రాష్ట్ర ప్రభుత్వం ప్రత్యేక వేదికను సిద్ధం చేసింది. తెలంగాణ ఫిలిం డెవలప్మెంట్ కార్పొరేషన్ (TGFDC) ఆధ్వర్యంలో ‘బతుకమ్మ యంగ్ ఫిలిం మేకర్స్ ఛాలెంజ్–2026’ పోటీలను నిర్వహిస్తోంది.
షార్ట్ఫిలింలు, పాటలు, క్రియేటివ్ వీడియోల ద్వారా యువత తమ ప్రతిభను చాటుకోవడానికి ఈ పోటీ ఒక అద్భుతమైన అవకాశం. తెలంగాణ రాష్ట్ర విశిష్టత, మన జానపద కళలు, సంప్రదాయాలతో పాటు ప్రస్తుత ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలను ప్రజాదరణ పొందేలా సృజనాత్మకంగా ఆవిష్కరించడానికి ఈ వేదిక ఎంతగానో ఉపయోగపడుతుంది.
పోటీల థీమ్లు….
ఈ పోటీల్లో పాల్గొనే అభ్యర్థులు క్రింది రెండు ప్రధాన థీమ్ల ఆధారంగా తమ షార్ట్ ఫిలింలు లేదా పాటలను రూపొందించాల్సి ఉంటుంది.
- తెలంగాణలో ప్రజా పాలన : తెలంగాణ రాష్ట్రంలో ప్రజాపాలన ప్రారంభమైన నాటి నుంచి ప్రభుత్వం అమలు చేస్తున్న వివిధ సంక్షేమ పథకాలైన ఉచిత బస్సు ప్రయాణం (మహాలక్ష్మి), గృహ జ్యోతి, ఇందిరమ్మ ఇండ్లు, స్కిల్స్ యూనివర్సిటీ, యంగ్ ఇండియా రెసిడెన్షియల్ స్కూల్స్ వంటి అభివృద్ధి పథకాలపై కథా చిత్రాలు.
- తెలంగాణ చరిత్ర, సంస్కృతి, పండుగలు, కళారూపాలు : మన సంస్కృతి, బతుకమ్మ పండుగ విశిష్టతను ప్రతిబింబించే చిత్రాలు.
పోటీ కేటగిరీలు :
- షార్ట్ ఫిలింమ్స్ : నిడివి గరిష్టంగా 3 నిమిషాలకు మించకూడదు.
- పాటలు : నిడివి 5 నిమిషాలకు మించకుండా ఉండాలి.
- ప్రభుత్వ స్కీమ్స్ : ప్రభుత్వ సంక్షేమ కార్యక్రమాలపై మౌఖిక వ్యాసాలకు ఆహ్వానం (రూ. 1 లక్ష బహుమతి).
- ప్రథమ బహుమతి : రూ. 3,00,000
- ద్వితీయ బహుమతి: రూ. 2,00,000
- తృతీయ బహుమతి: రూ. 1,00,000
- కన్సోలేషన్ బహుమతి: ఐదుగురికి ఒక్కొక్కరికి రూ. 20,000 చొప్పున ప్రదానం చేస్తారు.
విజేతలకు అక్టోబర్ 18, 2026న రవీంద్ర భారతిలో జరిగే ప్రధానోత్సవంలో నగదు బహుమతితో పాటు శాలువా, ప్రశంసా పత్రం, మెమెంటో అందజేస్తారు. అంతేకాకుండా, విజేతలకు భవిష్యత్తులో ప్రభుత్వం నిర్మించే చిత్రాల్లో ప్రాధాన్యత లభిస్తుంది.
అర్హతలు….
- అభ్యర్థుల వయస్సు 40 సంవత్సరాల లోపు ఉండాలి.
- వీడియోలు తప్పనిసరిగా 4K రిజల్యూషన్లో ఉండాలి.
- షార్ట్ ఫిలిం లేదా వీడియో సూచించిన థీమ్పైనే ఆధారపడి ఉండాలి.
- ఈ పోటీలో అర్హత సాధించిన షార్ట్ ఫిలింస్, పాటల సర్వ హక్కులు తెలంగాణ ఫిలిం, టెలివిజన్, థియేటర్స్ డెవలప్మెంట్ కార్పొరేషన్ (ఎఫ్డీసీ)కే చెందుతాయి.
- ఆసక్తి కలిగిన వారు సెప్టెంబర్ 15లోపు youngfilmmakerschallenge@gmail.com మెయిల్ కు గానీ, 8125834009 వాట్సాప్ నంబరుకు గానీ పంపాలి. అనంతరం నిపుణులతో కూడిన జ్యూరీ విజేతలను ప్రకటిస్తుంది.
విజేతలకు అక్టోబర్ 18, 2026న రవీంద్ర భారతిలో జరిగే ప్రధానోత్సవంలో నగదు బహుమతితో పాటు శాలువా, ప్రశంసా పత్రం, మెమెంటో అందజేస్తారు. అంతేకాకుండా, విజేతలకు భవిష్యత్తులో ప్రభుత్వం నిర్మించే చిత్రాల్లో ప్రాధాన్యత లభిస్తుంది.
అర్హతలు….
- అభ్యర్థుల వయస్సు 40 సంవత్సరాల లోపు ఉండాలి.
- వీడియోలు తప్పనిసరిగా 4K రిజల్యూషన్లో ఉండాలి.
- షార్ట్ ఫిలిం లేదా వీడియో సూచించిన థీమ్పైనే ఆధారపడి ఉండాలి.
- ఈ పోటీలో అర్హత సాధించిన షార్ట్ ఫిలింస్, పాటల సర్వ హక్కులు తెలంగాణ ఫిలిం, టెలివిజన్, థియేటర్స్ డెవలప్మెంట్ కార్పొరేషన్ (ఎఫ్డీసీ)కే చెందుతాయి.
- ఆసక్తి కలిగిన వారు సెప్టెంబర్ 15లోపు youngfilmmakerschallenge@gmail.com మెయిల్ కు గానీ, 8125834009 వాట్సాప్ నంబరుకు గానీ పంపాలి. అనంతరం నిపుణులతో కూడిన జ్యూరీ విజేతలను ప్రకటిస్తుంది.