TG EAPCET Mock Seat Allotment 2026 : టీజీ ఈఏపీసెట్ -2026 ప్రవేశాల ప్రక్రియకు సంబంధించి కీలక అప్డేట్ వచ్చేసింది. తొలి విడత కౌన్సెలింగ్కు సంబంధించి శనివారం (జులై 4) అధికారులు మాక్ అలాట్మెంట్ను పూర్తి చేశారు. ఈ ప్రాసెస్ లో మొత్తం 79,313 మంది విద్యార్థులకు మాక్ సీట్లను కేటాయించారు. అభ్యర్థులు వెబ్ ఆప్షన్లలో నమోదు చేసుకున్న కాలేజీలు, కోర్సుల ప్రాధాన్యత ఆధారంగా ఈ కేటాయింపులు జరిగాయి.
మాక్ అలాట్ మెంట్ - డౌన్లోడ్ ఇలా
విద్యార్థులు తమ వ్యక్తిగత లాగిన్ ఐడీ నంబర్, ఎప్సెట్ హాల్టికెట్ నంబర్, పాస్వర్డ్, పుట్టిన తేదీ మరియు క్యాప్చా కోడ్ను ఎంటర్ చేసి తమ మాక్ అలాట్మెంట్ ఆర్డర్ను సులభంగా డౌన్లోడ్ చేసుకోవచ్చు. అధికారిక వెబ్ సైట్ ( https://tgeapcet.nic.in ) నుంచి మాక్ అలాట్ మెంట్ వివరాలను చెక్ చేసుకోవచ్చని అధికారులు సూచించారు.
రాష్ట్రవ్యాప్తంగా ఉన్న 179 ఇంజినీరింగ్ కళాశాలల్లో కన్వీనర్ కోటా కింద విద్యార్థులకు 89 వేలకు పైగా సీట్లు అందుబాటులో ఉన్నాయి. టీజీ ఈఏపీసెట్ -2026 కౌన్సెలింగ్ కోసం దాదాపు 94 వేల మంది విద్యార్థులు స్లాట్ బుకింగ్ చేసుకోగా…… వారిలో 88 వేల మంది అభ్యర్థులు ఆన్లైన్ ద్వారా తమకు నచ్చిన కాలేజీల ఆప్షన్లను నమోదు చేశారు.
ఆప్షన్లు మార్చుకోవచ్చు….
ఈ మాక్ అలాట్మెంట్ అనేది విద్యార్థులకు తాము పెట్టిన ఆప్షన్ల ప్రకారం ఏ కాలేజీలో సీటు వచ్చే అవకాశముందో ముందే ఊహించుకోవడానికి ఒక అంచనా మాత్రమే. ఈ కేటాయింపులో వచ్చిన సీటు నచ్చకపోయినా.. లేదా అంతకంటే మెరుగైన కళాశాలలో సీటు ఆశించినా అభ్యర్థులు తమ ఆప్షన్లను పునఃసమీక్షించుకోవచ్చు.
కాలేజీల ప్రాధాన్య క్రమాన్ని మార్చుకునేందుకు జులై 5 నుంచి జులై 7 వరకు అవకాశం ఉంటుంది. ఒకవేళ ఏ మార్పులు అవసరం లేదనుకుంటే…. విద్యార్థులు తొలుత ఇచ్చిన ఆప్షన్లనే తుది సీట్ల కేటాయింపునకు పరిగణనలోకి తీసుకుంటారు. తొలి విడత అసలు సీట్ల కేటాయింపు ఫలితాలను జులై 10న ప్రకటిస్తారు. సీట్లు పొందిన అభ్యర్థులు కళాశాలల్లో ప్రవేశాలు పొందేందుకు జులై 14ను తుది గడువుగా నిర్ణయించారు.
{{/usCountry}}కాలేజీల ప్రాధాన్య క్రమాన్ని మార్చుకునేందుకు జులై 5 నుంచి జులై 7 వరకు అవకాశం ఉంటుంది. ఒకవేళ ఏ మార్పులు అవసరం లేదనుకుంటే…. విద్యార్థులు తొలుత ఇచ్చిన ఆప్షన్లనే తుది సీట్ల కేటాయింపునకు పరిగణనలోకి తీసుకుంటారు. తొలి విడత అసలు సీట్ల కేటాయింపు ఫలితాలను జులై 10న ప్రకటిస్తారు. సీట్లు పొందిన అభ్యర్థులు కళాశాలల్లో ప్రవేశాలు పొందేందుకు జులై 14ను తుది గడువుగా నిర్ణయించారు.
{{/usCountry}}ఒకవేళ నిర్ణీత గడువులోగా ఎలాంటి మార్పులు చేయకపోతే…. మాక్ కౌన్సెలింగ్ సమయంలో ఉంచిన ఆప్షన్లనే తుది ఆప్షన్లుగా సాఫ్ట్వేర్ ఆటోమేటిక్గా పరిగణిస్తుంది. కాబట్టి ఈ విషయంలో విద్యార్థులు…. జాగ్రత్తగా ఉండాలని అధికారులు సూచిస్తున్నారు.
జులై 17 నుంచి రెండో విడత కౌన్సెలింగ్
టీజీ ఈఏపీసెట్ - 2026 మొదటి విడత సీట్ల కేటాయింపు ముగిసిన అనంతరం….. జులై 17వ తేదీ నుండి రెండో విడత కౌన్సెలింగ్ ప్రక్రియ ప్రారంభం కానుంది. జులై 18న సర్టిఫికెట్ల వెరిఫికేషన్ ప్రక్రియ నిర్వహించనుండగా, జులై 18, 19 తేదీల్లో విద్యార్థులు రెండో విడత వెబ్ ఆప్షన్లను ఎంచుకోవాల్సి ఉంటుంది. ఈ ప్రక్రియ మొత్తాన్ని కూడా విద్యార్థులు పైన పేర్కొన్న అధికారిక వెబ్సైట్ ద్వారానే పూర్తి చేసుకోవాల్సి ఉంటుంది.