TG TET 2026 Online Application : తెలంగాణ ఉపాధ్యాయ అర్హత పరీక్ష (TG TET) దరఖాస్తు ప్రక్రియ కొనసాగుతోంది. అయితే జూన్ సెషన్కు సంబంధించి ఆన్లైన్ దరఖాస్తుల స్వీకరణ గడువు నేటితో (ఏప్రిల్ 30, గురువారం) ముగియనుంది. ఇప్పటికే లక్షలాది మంది దరఖాస్తు చేసుకోగా,…చివరి నిమిషంలో సాంకేతిక ఇబ్బందులు తలెత్తకముందే ప్రక్రియ పూర్తి చేయాలని విద్యాశాఖ అధికారులు అభ్యర్థులను కోరుతున్నారు.
ఇవాళే చివరి తేదీ…
విద్యాశాఖ విడుదల చేసిన టెట్ షెడ్యూల్ ప్రకారం, ఏప్రిల్ 15వ తేదీన దరఖాస్తుల ప్రక్రియ ప్రారంభమైంది. ఇవాళ (ఏప్రిల్ 30) రాత్రి 11:59 గంటల వరకు ఫీజు చెల్లింపుతో పాటు దరఖాస్తు సమర్పించేందుకు వీలుంటుంది. దరఖాస్తు చేసుకున్న అభ్యర్థులు తమ వివరాల్లో ఏవైనా తప్పులు ఉంటే సవరించుకునేందుకు ) ఏప్రిల్ 29 నుంచే అవకాశం కల్పించారు. ఈ ఎడిట్ ఆప్షన్ మే 3వ తేదీ వరకు అందుబాటులో ఉంటుంది.
దరఖాస్తుకు మరికొన్ని గంటలు మాత్రమే గడువు ఉన్న నేపథ్యంలో…. దరఖాస్తు చేసుకోని వారు… వెంటనే ఫీజు చెల్లించి ప్రాసెస్ పూర్తి చేసుకోవచ్చు. ఇక అప్లికేషన్ పెండింగ్లో ఉంచిన వారు తక్షణమే ఈ ప్రక్రియను పూర్తి చేసుకోవాలని అధికారులు సూచించారు. దరఖాస్తు పొడిగించే అవకాశం లేదని తెలుస్తోంది. చివరి నిమిషంలో సర్వర్ సమస్యలు తలెత్తకముందే దరఖాస్తును సమర్పించడం ఉత్తమం.
టీజీ టెట్ దరఖాస్తు విధానం:
అభ్యర్థులు అధికారిక వెబ్సైట్ ద్వారా ముందుగా నిర్ణీత పరీక్ష ఫీజును ఆన్లైన్లో చెల్లించాల్సి ఉంటుంది. ఫీజు చెల్లించిన తర్వాత వచ్చే 'జర్నల్ నంబర్' ఆధారంగా పూర్తి వివరాలతో దరఖాస్తును సబ్మిట్ చేయాలి. కేవలం ఫీజు చెల్లించి వదిలేస్తే దరఖాస్తు పరిగణనలోకి తీసుకోబడదు.
- ముందుగా https://tgtet.aptonline.in/ వెబ్ సైట్ లోకి వెళ్లాలి.
- హోం పేజీలోని అప్లికేషన్ ఫీజు లింక్ పై క్లిక్ చేసి ఫీజు చెల్లించాలి.
- ఆ తర్వాత అప్లికేషన్ లింక్ పై క్లిక్ చేస్తే ఫామ్ ఓపెన్ అవుతుంది.
- మీ వివరాలతో పాటు ఫొటో, సంతకం కూడా అప్ లోడ్ చేయాల్సి ఉంటుంది.
- చివరగా సబ్మిట్ చేస్తే మీ టెట్ రిజిస్ట్రేషన్ పూర్తవుతుంది.
- ప్రింట్ లేదా డౌన్లోడ్ ఆప్షన్ ద్వారా రిజిస్ట్రేషన్ కాపీని పొందొచ్చు.
టీజీ టెట్ 2026 ఫీజు కింద…. జనరల్, బీసీ అభ్యర్థులు ఒక పేపర్కు రూ. 750, రెండు పేపర్లకు కలిపి రూ. 1000 చెల్లించాలి. ఎస్సీ, ఎస్టీ మరియు దివ్యాంగులు అయితే ఒక పేపర్కు రూ. 700, రెండు పేపర్లకు కలిపి రూ. 950 చెల్లించాల్సి ఉంటుంది.
ముఖ్యమైన తేదీలు ఇవే:
- దరఖాస్తుకు చివరి తేదీ: ఏప్రిల్ 30, 2026
- మే నెలలో నిర్ణీత తేదీల్లో కంప్యూటర్ ఆధారిత పరీక్ష (CBT) విధానంలో టెట్ పరీక్షలను నిర్వహిస్తారు.
- పరీక్షకు వారం రోజుల ముందు అధికారిక వెబ్సైట్లో అందుబాటులో హాల్ టికెట్లను ఉంచుతారు.
టీజీ టెట్ 2026 ఫీజు కింద…. జనరల్, బీసీ అభ్యర్థులు ఒక పేపర్కు రూ. 750, రెండు పేపర్లకు కలిపి రూ. 1000 చెల్లించాలి. ఎస్సీ, ఎస్టీ మరియు దివ్యాంగులు అయితే ఒక పేపర్కు రూ. 700, రెండు పేపర్లకు కలిపి రూ. 950 చెల్లించాల్సి ఉంటుంది.
ముఖ్యమైన తేదీలు ఇవే:
- దరఖాస్తుకు చివరి తేదీ: ఏప్రిల్ 30, 2026
- మే నెలలో నిర్ణీత తేదీల్లో కంప్యూటర్ ఆధారిత పరీక్ష (CBT) విధానంలో టెట్ పరీక్షలను నిర్వహిస్తారు.
- పరీక్షకు వారం రోజుల ముందు అధికారిక వెబ్సైట్లో అందుబాటులో హాల్ టికెట్లను ఉంచుతారు.
టెట్ పరీక్షలో ఒక్కసారి అర్హత సాధిస్తే ఏ డీఎస్సీ పరీక్షనైనా రాసుకోవచ్చు. అర్హత సాధించిన అభ్యర్థులు ఎన్నిసార్లు అయినా టెట్ రాయవచ్చు. ఎక్కువ స్కోర్ ఉన్న టెట్ పరీక్షనే పరిగణనలోకి తీసుకుంటారు. మొత్తం 150 మార్కులకు ఈ ఎగ్డామ్ నిర్వహిస్తారు. ప్రస్తుతం సర్వీస్లో ఉన్న టీచర్లకు కూడా టెట్ తప్పనిసరి కావడంతో చాలా మంది హాజరయ్యే అవకాశం ఉంటుంది.