తెలంగాణ ఉపాధ్యాయ అర్హత పరీక్ష (TG TET - June 2026) రాసిన అభ్యర్థులకు కీలక అప్డేట్. విద్యాశాఖ సోమవారం (జూలై 13న) మధ్యాహ్నం 2:30 గంటలకు టెట్ ఫలితాలను అధికారికంగా విడుదల చేయనుంది. పాఠశాల విద్యాశాఖ డైరెక్టరేట్ కార్యాలయం నుంచి ఈ ఫలితాలను ప్రకటించనున్నారు.
ఈ ఏడాది జూన్ 16 నుండి జూన్ 22 వరకు రాష్ట్రవ్యాప్తంగా ఆన్లైన్ విధానంలో టెట్ పరీక్షలను నిర్వహించారు. ఈ జూన్ సెషన్కు సంబంధించి మొత్తం 1,53,752 మంది అభ్యర్థులు దరఖాస్తు చేసుకున్నారు. వీరిలో ప్రాథమిక తరగతుల (1 నుండి 5 తరగతులు) బోధనకు ఉద్దేశించిన పేపర్-1 పరీక్షకు 50,113 మంది, ఉన్నత ప్రాథమిక తరగతుల (6 నుండి 8 తరగతులు) బోధనకు ఉద్దేశించిన పేపర్-2 పరీక్షకు 1,03,639 మంది అభ్యర్థులు రిజిస్టర్ చేసుకున్నారు.
అభ్యర్థులు తమ హాల్ టికెట్ నంబర్, పుట్టిన తేదీ వివరాలను వెబ్సైట్లో నమోదు చేసి ఫలితాలను తెలుసుకోవచ్చు. ఉపాధ్యాయ నియామకాల్లో (DSC) టెట్ మార్కులకు 20 శాతం వెయిటేజీ ఉంటుంది కాబట్టి అభ్యర్థులకు ఈ మార్కులు అత్యంత కీలకం. కాగా తెలంగాణ ప్రభుత్వం టెట్ క్వాలిఫైయింగ్ సర్టిఫికేట్కు లైఫ్టైమ్ (జీవితకాల) చెల్లుబాటు కల్పించిన సంగతి తెలిసిందే.
పరీక్ష ముగిసిన అనంతరం ఇప్పటికే ప్రాథమిక కీ విడుదల చేసి, అభ్యంతరాలను స్వీకరించిన విద్యాశాఖ, తుది కీతో పాటు ఫలితాలను కూడా ఇవాళే అందుబాటులో ఉంచనుంది. టెట్లో క్వాలిఫై అయిన అభ్యర్థులు తదుపరి వచ్చే ఉపాధ్యాయ నియామక పరీక్షలకు దరఖాస్తు చేసుకోవడానికి అర్హత సాధిస్తారు.
ఫలితాలు విడుదలైన వెంటనే అభ్యర్థులు తమ స్కోర్కార్డులను అధికారిక వెబ్సైట్ https://tgtet.aptonline.in/ లేదా https://schooledu.telangana.gov.in/ ద్వారా డౌన్లోడ్ చేసుకోవచ్చు.
{{/usCountry}}ఫలితాలు విడుదలైన వెంటనే అభ్యర్థులు తమ స్కోర్కార్డులను అధికారిక వెబ్సైట్ https://tgtet.aptonline.in/ లేదా https://schooledu.telangana.gov.in/ ద్వారా డౌన్లోడ్ చేసుకోవచ్చు.
{{/usCountry}}తెలంగాణ ఉపాధ్యాయ అర్హత పరీక్ష రాష్ట్రంలో ఉపాధ్యాయులు కావాలనుకునే వారికి అత్యంత ముఖ్యమైన పరీక్షలలో ఒకటి. ఈ పరీక్షలో అర్హత సాధించిన అభ్యర్థులు, ప్రభుత్వం నోటిఫై చేసిన నియామక నిబంధనల ప్రకారం తెలంగాణ వ్యాప్తంగా ఉన్న ప్రభుత్వ, ప్రభుత్వ సహాయక, ప్రైవేట్ పాఠశాలల్లో ఉపాధ్యాయ నియామకాలకు దరఖాస్తు చేసుకోవడానికి అర్హులవుతారు. అయితే టీజీ టెట్లో అర్హత సాధించడం ఉపాధ్యాయ ఉద్యోగానికి హామీ ఇవ్వదు, ఇది నియామకానికి కేవలం ఒక అర్హతా నిబంధన మాత్రమే.
టీజీ టెట్ స్కోర్ కార్డు మీద అభ్యర్థి పేరు, హాల్ టికెట్ నంబర్, పేపర్ I/పేపర్ II, పొందిన మార్కులు, శాతం, వర్గం, అర్హత స్థితి ఉంటాయి. అర్హత సాధించడానికి అభ్యర్థులు జనరల్ : 90 మార్కులు (60 శాతం), బీసీ: 75 మార్కులు (50 శాతం), ఎస్సీ/ఎస్టీ/దివ్యాంగులు: 60 మార్కులు (40 శాతం) సాధించాలి.