తెలంగాణ ఇంజనీరింగ్ కోర్సుల్లో ప్రవేశాల కోసం నిర్వహించిన టీజీఈఏపిసెట్ (TGEAPCET-2026) రెండో విడత సీట్ల కేటాయింపు ఫలితాలను తెలంగాణ రాష్ట్ర ఉన్నత విద్యామండలి అధికారికంగా విడుదల చేసింది. రాష్ట్రవ్యాప్తంగా వివిధ కాలేజీల్లో అందుబాటులో ఉన్న మొత్తం 94,424 ఇంజనీరింగ్ సీట్లలో 80,167 సీట్లు భర్తీ అయినట్లు అధికారులు వెల్లడించారు.
అధికారిక వివరాల ప్రకారం, సర్టిఫికేట్ పరిశీలనకు మొత్తం 92,192 మంది అభ్యర్థులు హాజరయ్యారు (వీరిలో రెండో విడతలో కొత్తగా 2,731 మంది అభ్యర్థులు పాల్గొన్నారు.). ఈ రెండో విడత కౌన్సెలింగ్లో మొత్తం 60,792 మంది అభ్యర్థులు వెబ్ ఆప్షన్లు నమోదు చేసుకోగా, రికార్డు స్థాయిలో 26.5 లక్షలకు పైగా ఛాయిస్లు నమోదయ్యాయి.
మొదటి విడతలో సీటు వచ్చి, రెండో విడతలో కూడా తమ పాత సీటునే ఉంచుకున్న అభ్యర్థులు 37,442గా ఉన్నారు. మెరుగైన ఆప్షన్ల ద్వారా సీటు పొందినవారు 34,828. ఈ విడతలో మొదటిసారి సీటు సాధించినవారు సంఖ్య 7,897గా ఉంది. ఈడబ్ల్యూఎస్ కోటా కింద 6,329 మంది అభ్యర్థులకు సీట్లు లభించాయి.
రెండు విడతల కౌన్సెలింగ్ పూర్తయిన తర్వాత ఇంకా 14,257 సీట్లు ఖాళీగా ఉన్నాయి. ప్రైవేట్ ఇంజనీరింగ్ కళాశాలల పట్ల విద్యార్థులు ఎక్కువ ఆసక్తి చూపినట్లు గణాంకాలు తెలుపుతున్నాయి. ప్రైవేట్ కాలేజీల్లో మొత్తం 86,387 సీట్లలో 73,874 సీట్లు (85.5 శాతం) భర్తీ అయ్యాయి.
ప్రైవేట్ యూనివర్సిటీల్లో అందుబాటులోని 1,386 సీట్లలో 1,384 సీట్లు (99.9 శాతం) దాదాపు పూర్తి స్థాయిలో భర్తీ కావడం విశేషం. యూనివర్సిటీ కాలేజీలు 6,437 సీట్లలో 4,853 సీట్లు (75.4 శాతం) భర్తీ అయ్యాయి. ప్రభుత్వ కళాశాలలు అత్యల్పంగా 214 సీట్లలో కేవలం 56 సీట్లు (26.2 శాతం) మాత్రమే భర్తీ అయ్యాయి.
సీటు పొందిన అభ్యర్థులు నిర్ణీత గడువులోగా అధికారిక వెబ్సైట్ ద్వారా ట్యూషన్ ఫీజు చెల్లించి ఆన్లైన్ సెల్ఫ్ రిపోర్టింగ్ పూర్తి చేయాలి. ఆన్లైన్ ప్రక్రియ పూర్తయిన తర్వాత కేటాయించిన కళాశాలకు వెళ్లి ఒరిజినల్ సర్టిఫికెట్లు, సెల్ఫ్ రిపోర్టింగ్ కాపీని సమర్పించాల్సి ఉంటుంది. ఖాళీగా ఉన్న 14,257 సీట్ల భర్తీకి త్వరలోనే స్పాట్ లేదా మూడో విడత కౌన్సెలింగ్ షెడ్యూల్ను ఉన్నత విద్యామండలి ప్రకటించనుంది.
{{/usCountry}}సీటు పొందిన అభ్యర్థులు నిర్ణీత గడువులోగా అధికారిక వెబ్సైట్ ద్వారా ట్యూషన్ ఫీజు చెల్లించి ఆన్లైన్ సెల్ఫ్ రిపోర్టింగ్ పూర్తి చేయాలి. ఆన్లైన్ ప్రక్రియ పూర్తయిన తర్వాత కేటాయించిన కళాశాలకు వెళ్లి ఒరిజినల్ సర్టిఫికెట్లు, సెల్ఫ్ రిపోర్టింగ్ కాపీని సమర్పించాల్సి ఉంటుంది. ఖాళీగా ఉన్న 14,257 సీట్ల భర్తీకి త్వరలోనే స్పాట్ లేదా మూడో విడత కౌన్సెలింగ్ షెడ్యూల్ను ఉన్నత విద్యామండలి ప్రకటించనుంది.
{{/usCountry}}