హైదరాబాద్ నగర ప్రయాణికులకు తెలంగాణ రాష్ట్ర రోడ్డు రవాణా సంస్థ (TGSRTC) మరో అద్భుతమైన న్యూస్ అందించింది. రోజువారీ ఉద్యోగులు, విద్యార్థులు, అలాగే వ్యాపార పనుల నిమిత్తం క్యూర్ పరిధిలో నిత్యం ప్రయాణించే పౌరుల జేబులకు భారం తగ్గించేలా రూ.600లకే వారం రోజుల పాటూ అపరిమిత బస్సు ప్రయాణ సౌకర్యాన్ని అందుబాటులోకి తీసుకొచ్చింది.
నగర రవాణాను మరింత సులభతరం, బడ్జెట్ ఫ్రెండ్లీగా మార్చడమే లక్ష్యంగా టీజీఎస్ఆర్టీసీ అధికారులు ఈ కొత్త వీక్లీ పాస్ పథకానికి రూపకల్పన చేశారు.
ఈ పాస్ కొనుగోలు చేసిన తేదీ నుంచి సరిగ్గా వరుసగా 7 రోజుల పాటు చెల్లుబాటు అవుతుంది. గ్రేటర్ హైదరాబాద్ పరిధిలోని అన్ని ఆర్టీసీ బస్సుల్లోనూ ప్రయాణించవచ్చు. ఇందులో ఆర్డినరీ, మెట్రో ఎక్స్‌ప్రెస్, మెట్రో డిలక్స్ మాత్రమే కాకుండా ఏసీ బస్సులలో కూడా అపరిమితంగా ప్రయాణించే అవకాశం కల్పించారు.
ఈ ప్రత్యేక వీక్లీ పాస్ కేవలం శంషాబాద్ విమానాశ్రయానికి నడిచే పుష్పక్ ఎయిర్‌పోర్ట్ లైనర్ సర్వీసులకు మాత్రం వర్తించదని ఆర్టీసీ యాజమాన్యం స్పష్టం చేసింది. నగరంలోని ప్రధాన బస్ స్టేషన్లు, గ్రేటర్ హైదరాబాద్ పరిధిలోని అన్ని సిటీ బస్ పాస్ కౌంటర్లలోనూ ఈ వీక్లీ పాస్‌లు ప్రయాణికులకు అందుబాటులో ఉంటాయి.
గ్రేటర్ హైదరాబాద్ పరిధిలో ఐటీ ఉద్యోగులు, సేల్స్ ఎగ్జిక్యూటివ్‌లు, రోజువారీ వ్యాపారులు వేర్వేరు రూట్లలో ప్రయాణించాల్సి వస్తుంది. రోజువారీ టికెట్ల ఖర్చు, చిల్లర సమస్యలు లేదా సింగిల్ డే ప్రయాణ పాస్‌ల కంటే ఈ వీక్లీ పాస్ ఎంతో లాభదాయకంగా మారనుంది. రోజూ ఏసీ బస్సుల్లో ప్రయాణించేవారికి ఈ రూ.600 ప్యాకేజీ ఆర్థికంగా పెద్ద ఊరట నిస్తుందని ఆర్టీసీ అధికారులు భావిస్తున్నారు.
సొంత వాహనాల్లో వెళ్లి ట్రాఫిక్ చిక్కుల్లో పడకుండా, ఇంధన ఖర్చులు తగ్గించుకోవడానికి పబ్లిక్ ట్రాన్స్పోర్ట్ను వినియోగించుకోవాలని.. ఈ వీక్లీ పాస్ సౌకర్యాన్ని నగరవాసులందరూ సద్వినియోగం చేసుకోవాలని టీజీఎస్ఆర్టీసీ విజ్ఞప్తి చేస్తోంది.
{{/usCountry}}సొంత వాహనాల్లో వెళ్లి ట్రాఫిక్ చిక్కుల్లో పడకుండా, ఇంధన ఖర్చులు తగ్గించుకోవడానికి పబ్లిక్ ట్రాన్స్పోర్ట్ను వినియోగించుకోవాలని.. ఈ వీక్లీ పాస్ సౌకర్యాన్ని నగరవాసులందరూ సద్వినియోగం చేసుకోవాలని టీజీఎస్ఆర్టీసీ విజ్ఞప్తి చేస్తోంది.
{{/usCountry}}ఇక క్యూర్ పరిధిలో ప్రయాణించేవారు.. రూ.600 వీక్లీ పాస్ తీసుకుంటే.. 7 రోజులు ఎంచక్కా తిరిగేయెుచ్చు. ఈజీ, బడ్జెట్ ఫ్రెండ్లీ సిటీ బస్సు ప్రయాణం కోసం దీనిని తీసుకొచ్చారు. ఏసీ బస్సుల్లో కూడా అపరిమితంగా ప్రయాణం చేసేందుకు అవకాశం కల్పించడం విశేషం. క్యూర్ పరిధిలోని అన్ని సిటీ బస్ పాస్ కౌంటర్లలో ఈ వీక్లీ పాస్ అందుబాటులో ఉంటుంది. కావాల్సినవారు వెళ్లి తీసుకోవచ్చు.