Nepal Flash Floods : నేపాల్ను హఠాత్తుగా ముంచెత్తిన ఫ్లాష్ ఫ్లడ్స్ (ఆకస్మిక వరదలు) అక్కడ పర్యటిస్తున్న భారతీయ యాత్రికులను తీవ్ర భయాందోళనలకు గురిచేస్తున్నాయి. ఈ ప్రాణాంతక వరదల ధాటికి ఆంధ్రప్రదేశ్కు చెందిన కనీసం ఎనిమిది మంది యాత్రికులు దారితెలియని పరిస్థితుల్లో చిక్కుకుపోయారని…. వారి ఆచూకీ దొరకడం లేదని నేపాల్లోని భారత రాయబార కార్యాలయం ప్రాథమికంగా ధృవీకరించింది.
చైనా సరిహద్దు ప్రాంతాల్లో మిస్సింగ్….
రాయబార కార్యాలయం వెల్లడించిన జాబితా ప్రకారం…. టిబెట్ సరిహద్దుకు దగ్గరగా ఉన్న ప్రాంతాల్లో చోప్పరపు రమేష్ బాబు (53), అన్నందేవర వెంకట్రామ్ (52), అన్నందేవర అనఘ (49)లు ఉన్నట్లు చివరిసారిగా సమాచారం అందింది. ఆ తర్వాత వారి నుంచి ఎలాంటి సంబంధాలు తెగిపోయాయి. మరో యాత్రికుడు బాల సుబ్రహ్మణ్యం కూడా గల్లంతయ్యాడు…. ఆయన ప్రస్తుతం ఎక్కడ ఉన్నారనేది తెలియడం లేదు.
ఇక శశికుమార్ అట్లూరి, రాజ్యలక్ష్మి నిమ్మగడ్డలు చైనాలోని 'గిరోంగ్ ఇమ్మిగ్రేషన్ ఆఫీస్' వద్ద చివరిసారిగా కనిపించినట్లు అధికారులు గుర్తించారు. మరోవైపు భాస్కర్ శాస్త్రి సహా మరో ముగ్గురు సురక్షితంగానే ఉన్నప్పటికీ, వరదల కారణంగా బయటకు రాలేక అక్కడ చిక్కుకుపోయినట్లు తెలిసింది. ఆగస్టు 26 సాయంత్రం నాటికి అపర్ణ కాకాని అనే మహిళ సురక్షితంగా ఉన్నారని…. అధికారులు ఆమె పరిస్థితిని నిరంతరం పర్యవేక్షిస్తున్నారని రాయబార కార్యాలయం తెలిపింది.
నేపాల్లో సంభవించిన వినాశకరమైన వరదల వల్ల మొత్తం 288 మంది భారతీయ పౌరులతో కమ్యూనికేషన్ పూర్తిగా తెగిపోయిందని భారత విదేశాంగ శాఖ అధికారికంగా ప్రకటించింది. కైలాస మానస సరోవర్ యాత్రకు వెళ్లిన దాదాపు 200 మంది భారతీయులు తమను సురక్షితంగా తరలించాలని (ఎవాక్యుయేషన్) ప్రభుత్వ సహాయాన్ని కోరారు.
విదేశాంగ శాఖ అధికార ప్రతినిధి రణధీర్ జైస్వాల్ ఢిల్లీలో మీడియాకు వివరాలు వెల్లడిస్తూ…. ఈశా ఫౌండేషన్కు చెందిన పెద్ద సంఖ్యలో సభ్యులు కూడా హిమాలయ పర్వత ప్రాంతాల్లో ఆచూకీ లేకుండా పోయారని తెలిపారు. అదే సమయంలో తమిళనాడుకు చెందిన 21 మందిని సురక్షితంగా రక్షించినట్లు చెప్పారు. చైనా సరిహద్దు వైపున కూడా కొంతమంది భారతీయులు చిక్కుకుపోయారని ఆయన వివరించారు.
{{/usCountry}}విదేశాంగ శాఖ అధికార ప్రతినిధి రణధీర్ జైస్వాల్ ఢిల్లీలో మీడియాకు వివరాలు వెల్లడిస్తూ…. ఈశా ఫౌండేషన్కు చెందిన పెద్ద సంఖ్యలో సభ్యులు కూడా హిమాలయ పర్వత ప్రాంతాల్లో ఆచూకీ లేకుండా పోయారని తెలిపారు. అదే సమయంలో తమిళనాడుకు చెందిన 21 మందిని సురక్షితంగా రక్షించినట్లు చెప్పారు. చైనా సరిహద్దు వైపున కూడా కొంతమంది భారతీయులు చిక్కుకుపోయారని ఆయన వివరించారు.
{{/usCountry}}వరద ప్రభావిత ప్రాంతాల్లో కమ్యూనికేషన్ వ్యవస్థలు పూర్తిగా ధ్వంసమవ్వడం వల్ల బాధితులను సంప్రదించడం సవాలుగా మారిందని జైస్వాల్ తెలిపారు. విపత్తులో నలిగిపోతున్న నేపాల్కు భారత్ తక్షణ సహాయంగా నిత్యావసర సరుకులు, సహాయక సామగ్రితో కూడిన రెండు ప్రత్యేక విమానాలను పంపించిందని పేర్కొన్నారు.
ఆచూకీ లభించని 288 మంది భారతీయుల వివరాలను విదేశాంగ శాఖ సమగ్రంగా వర్గీకరించింది. ఆ వివరాలు ఇలా….
- త్రిశూలి-1 ప్రాజెక్ట్: త్రిశూలి-1 విద్యుత్ ప్రాజెక్టులో పనిచేస్తున్న 73 మంది భారతీయుల మొదటి బృందం. వారి క్షేమ సమాచారాల కోసం కాఠ్మండులోని మన రాయబార కార్యాలయం ప్రాజెక్టు హెడ్తో నిరంతరం మాట్లాడుతోంది.
- తమిళనాడు బృందాలు : సామ్రాట్, ఫ్లై ఎవరెస్ట్ ట్రావెల్స్ ద్వారా మానససరోవర్ యాత్రకు వెళ్లిన తమిళనాడుకు చెందిన 37 మంది, 49 మంది ఉన్న రెండు వేర్వేరు బృందాలు.
- పశ్చిమ బెంగాల్ బృందం : రసువా జిల్లాలోని తీమురే ప్రాంతంలో సామ్రాట్ ట్రావెల్స్ సాయంతో పర్యటిస్తున్న పశ్చిమ బెంగాల్కు చెందిన 32 మంది బాధితులు.
- ఇతర రాష్ట్రాలు, కేరళ బృందాలు : వివిధ రాష్ట్రాలకు చెందిన 61 మంది భారతీయులతో కూడిన మరొక బృందం, అలాగే కేరళకు చెందిన 33 మంది సభ్యుల బృందం.
ప్రస్తుతం ఆయా ప్రాంతాల్లో చిక్కుకున్న ప్రతి ఒక్కరినీ సురక్షితంగా వెలికితీసి భారతదేశానికి రప్పించడానికి రాజకీయాధికారులు, నేపాల్ ప్రభుత్వ యంత్రాంగం నిరంతరం శ్రమిస్తున్నాయని విదేశాంగ శాఖ స్పష్టం చేసింది.