రైలు ప్రయాణికులకు ఇండియన్ రైల్వేస్ ముఖ్యమైన విజ్ఞప్తి చేసింది. పలు సాంకేతిక, నిర్వహణ పనుల కారణంగా పలు రైళ్లను రద్దు చేస్తున్నట్లు, మరికొన్నింటిని షార్ట్ టెర్మినేషన్ చేస్తున్నట్లు ప్రకటించింది. అదే సమయంలో రద్దీని దృష్టిలో ఉంచుకుని తిరుపతి నుంచి విశాఖపట్నానికి ప్రత్యేక వన్-వే ట్రైన్‌ను నడుపుతున్నట్లు సౌత్ కోస్ట్ రైల్వే వెల్లడించింది.
అక్టోబర్ 21 నుంచి 28వ తేదీ వరకు పలు సర్వీసులు పూర్తిగా అందుబాటులో ఉండవు. రైలు నంబర్ 18515 విశాఖపట్నం – కిరండూల్ ఎక్స్‌ప్రెస్, రైలు నంబర్ 18516 కిరండూల్ – విశాఖపట్నం ఎక్స్‌ప్రెస్ క్యాన్సిల్ అయ్యాయి.
షార్ట్ టెర్మినేషన్ / షార్ట్ ఆరిజినేషన్ అయిన రైళ్లు చూసుకుంటే.. రైలు నంబర్ 18447 భువనేశ్వర్ – జగదల్‌పూర్ ఎక్స్‌ప్రెస్ అక్టోబర్ 21 నుండి 28 వరకు ఈ రైలు జగదల్‌పూర్ వరకు వెళ్లకుండా కొరాపుట్ వద్దకే వెళ్తుంది.
రైలు నంబర్ 18448 జగదల్‌పూర్ – భువనేశ్వర్ ఎక్స్‌ప్రెస్ అక్టోబర్ 22 నుండి 29 వరకు ఈ రైలు జగదల్‌పూర్‌కు బదులుగా కొరాపుట్ నుంచే తిరిగి తన ప్రయాణాన్ని ప్రారంభిస్తుంది.
రైలు నంబర్ 58501 విశాఖపట్నం – కిరండూల్ ప్యాసింజర్ అక్టోబర్ 21 నుండి 28 వరకు విశాఖ నుండి బయలుదేరే ఈ రైలు కొరాపుట్ వరకే నడుస్తుంది.
రైలు నంబర్ 58502 కిరండూల్ – విశాఖపట్నం ప్యాసింజర్ అక్టోబర్ 21 నుండి 28 వరకు కిరండూల్‌కు బదులుగా కొరాపుట్ నుంచే ప్రయాణికులకు అందుబాటులో ఉంటుంది.
రైలు నంబర్ 22856 తిరుపతి – సంత్రగాచి ఎక్స్‌ప్రెస్ అక్టోబర్ 20, 2026 నాడు సాయంత్రం 07:50 గంటలకు బయలుదేరాల్సిన ఈ రైలు వేళల్లో మార్పు జరిగింది. ఈ రైలు అర్ధరాత్రి 12:50 గంటలకు బయలుదేరుతుందని రైల్వే అధికారులు తెలిపారు.
తిరుపతి – విశాఖపట్నం స్పెషల్ ట్రైన్
{{/usCountry}}రైలు నంబర్ 22856 తిరుపతి – సంత్రగాచి ఎక్స్‌ప్రెస్ అక్టోబర్ 20, 2026 నాడు సాయంత్రం 07:50 గంటలకు బయలుదేరాల్సిన ఈ రైలు వేళల్లో మార్పు జరిగింది. ఈ రైలు అర్ధరాత్రి 12:50 గంటలకు బయలుదేరుతుందని రైల్వే అధికారులు తెలిపారు.
తిరుపతి – విశాఖపట్నం స్పెషల్ ట్రైన్
{{/usCountry}}ప్రయాణికుల అదనపు రద్దీని నియంత్రించేందుకు సౌత్ కోస్ట్ రైల్వే ఒక ప్రత్యేకం వన్-వే స్పెషల్ రైలును నడుపుతోంది. రైలు నంబర్ 07423 (తిరుపతి – విశాఖపట్నం) అక్టోబర్ 20న తిరుపతిలో ఉదయం 9:50 గంటలకు బయలుదేరి, మరుసటి రోజు బుధవారం ఉదయం 06:30 గంటలకు విశాఖపట్నం చేరుకుంటుంది.
గుంతకల్ మీదుగా ప్రయాణించే ఈ రైలు రేణిగుంట, కడప, యర్రగుంట్ల, తాడిపత్రి, గుత్తి, గుంతకల్, ధోన్, బెతంచెర్ల, నంద్యాల, దిగువమెట్ట, మార్కాపూర్ రోడ్, దొనకొండ, నరసరావుపేట, గుంటూరు, విజయవాడ, ఏలూరు, రాజమండ్రి, సామర్లకోట స్టేషన్లలో ఆగుతుంది.
3ఏ (6), 2ఏ (2), స్లీపర్ (8), జనరల్ సిట్టింగ్ (4), జనరల్ సిట్టింగ్ కమ్ లగేజ్ రేక్ (2) ఉంటాయి. ప్రయాణికులు ఈ మార్పులను గమనించి, తదనుగుణంగా తమ ప్రయాణ ప్రణాళికలను సిద్ధం చేసుకోవాలని రైల్వే శాఖ కోరింది.