ఆంధ్రప్రదేశ్ రాష్ట్రానికి జీవనాడి అయిన పోలవరం బహుళార్థసాధక నీటిపారుదల ప్రాజెక్టు నిర్మాణ పనులను వేగవంతం చేసేందుకు రాష్ట్ర ప్రభుత్వం మరో కీలక అడుగు వేసింది. ప్రాజెక్టు పనుల్లో ఎలాంటి ఆటంకాలు ఎదురవ్వకుండా నిరంతరాయంగా ముందుకు సాగేలా రూ. 600 కోట్ల అదనపు నిధులను విడుదల చేస్తూ నిర్ణయం తీసుకుంది.
సింగిల్ నోడల్ ఏజెన్సీ - రాష్ట్రాలకు మూలధన పెట్టుబడుల ప్రత్యేక సహాయం (SNA-SASCI) నిధుల కింద ఈ అమౌంట్‌ను విడుదల చేశారు. పోలవరం నీటిపారుదల ప్రాజెక్టు ఎడమ ప్రధాన కాలువ (PIPLMC), కుడి ప్రధాన కాలువ (PIPRMC) పనులకు సంబంధించి బకాయి ఉన్న బిల్లుల చెల్లింపుల కోసం ఈ సొమ్మును వినియోగిస్తారు. "సమయం ప్రకారం నిర్దేశించుకున్న ప్రణాళికల మేరకు కాలువల పనులు నిరంతరాయంగా పూర్తి కావడమే లక్ష్యంగా ఈ రూ. 600 కోట్ల బడ్జెట్ రిలీజ్ ఆర్డర్‌ను పోలవరం ప్రాజెక్టు కమిషనర్‌కు జారీ చేశాం," అని ఆర్థిక శాఖ కార్యదర్శి రోనాల్డ్ రోస్ తమ ఉత్తర్వుల్లో పేర్కొన్నారు.
గోదావరి, కృష్ణా డెల్టాలకు మరో రూ. 400 కోట్లు
పోలవరం ప్రాజెక్టుతో పాటు రాష్ట్రంలోని ఇతర కీలక నీటిపారుదల వ్యవస్థల ఆధునీకరణకు కూడా ప్రభుత్వం పెద్దపీట వేసింది. ధవళేశ్వరంలోని గోదావరి డెల్టా వ్యవస్థ, విజయవాడలోని కృష్ణా డెల్టా వ్యవస్థల అభివృద్ధికి రూ. 200 కోట్ల చొప్పున మొత్తం రూ. 400 కోట్ల అదనపు నిధులను కేటాయిస్తూ ఆర్థిక శాఖ మరో రెండు ప్రత్యేక జీవోలను విడుదల చేసింది.
2026-27 ఆర్థిక సంవత్సరంలో గోదావరి డెల్టా వ్యవస్థ ఆధునీకరణ పనులకు సంబంధించి నిలిచిపోయిన బిల్లులను క్లియర్ చేయడానికి ఈ ఎస్ఎన్ఏ-సాస్కీ (SNA-SASCI) నిధులు ఎంతగానో దోహదపడతాయని రోనాల్డ్ రోస్ తెలిపారు. కృష్ణా డెల్టా పరిధిలో కూడా సకాలంలో కాంట్రాక్టర్లకు చెల్లింపులు పూర్తి చేసి…. కాలువల ఆధునీకరణ పనులు నిర్ణీత గడువులోగా పూర్తయ్యేలా చూడటమే ఈదనపు నిధుల కేటాయింపు ముఖ్య ఉద్దేశమని వెల్లడించారు. ఈ నిర్ణయంతో ఆయా పాంతాల ఆయకట్టు రైతులకు సాగునీటి సరఫరా మరింత సులభతరం కానుంది.
{{/usCountry}}2026-27 ఆర్థిక సంవత్సరంలో గోదావరి డెల్టా వ్యవస్థ ఆధునీకరణ పనులకు సంబంధించి నిలిచిపోయిన బిల్లులను క్లియర్ చేయడానికి ఈ ఎస్ఎన్ఏ-సాస్కీ (SNA-SASCI) నిధులు ఎంతగానో దోహదపడతాయని రోనాల్డ్ రోస్ తెలిపారు. కృష్ణా డెల్టా పరిధిలో కూడా సకాలంలో కాంట్రాక్టర్లకు చెల్లింపులు పూర్తి చేసి…. కాలువల ఆధునీకరణ పనులు నిర్ణీత గడువులోగా పూర్తయ్యేలా చూడటమే ఈదనపు నిధుల కేటాయింపు ముఖ్య ఉద్దేశమని వెల్లడించారు. ఈ నిర్ణయంతో ఆయా పాంతాల ఆయకట్టు రైతులకు సాగునీటి సరఫరా మరింత సులభతరం కానుంది.
{{/usCountry}}