ఆంధ్రప్రదేశ్పై ప్రకృతి ప్రకోపం కొనసాగుతోంది. గత కొన్ని వారాల వ్యవధిలోనే అర్ణబ్, మురసు తుపానులు సృష్టించిన బీభత్సం నుంచి కోలుకోకముందే, ఇప్పుడు అక్వాన్(Cyclone Akvan) రూపంలో మరో తుపాను రాష్ట్ర తీరం వైపు దూసుకొస్తోంది. బంగాళాఖాతంలో కేంద్రీకృతమైన ఈ తుపాను నవంబర్ 20 (శుక్రవారం) మధ్యాహ్నం ఆంధ్రప్రదేశ్ తీరాన్ని దాటే అవకాశం ఉందని భారత వాతావరణ శాఖ (IMD) హెచ్చరికలు జారీ చేసింది. కొద్ది వారాల వ్యవధిలోనే వరుసగా మూడు తుపానులు ఆంధ్రప్రదేశ్ను తాకడం వాతావరణ నిపుణులను సైతం ఆశ్చర్యానికి గురిచేస్తోంది.

భారత వాతావరణ శాఖ తాజా బులెటిన్ ప్రకారం.. మధ్య, దానికి ఆనుకుని ఉన్న పశ్చిమ-మధ్య బంగాళాఖాతంలో కేంద్రీకృతమైన అక్వాన్ తుపాను వాయవ్య-ఉత్తర దిశగా పయనిస్తోంది. మంగళవారం (నవంబర్ 17) సాయంత్రానికి ఇది తీవ్ర తుపానుగా (Severe Cyclonic Storm), గురువారం ఉదయానికి అతి తీవ్ర తుపానుగా (Very Severe Cyclonic Storm) బలపడనుంది.
నవంబర్ 20 (శుక్రవారం) మధ్యాహ్నం సమయంలో నెల్లూరు, కాకినాడ జిల్లాలోని తుని మధ్య ఆంధ్రప్రదేశ్ తీరాన్ని దాటే అవకాశం ఉందని వాతావరణ శాఖ అంచనా వేస్తోంది. తీరం దాటే సమయంలో గంటకు 120 నుంచి 130 కిలోమీటర్ల వేగంతో బలమైన గాలులు వీస్తాయని, గరిష్టంగా గంటకు 145 కిలోమీటర్ల వేగంతో పెనుగాలులు విరుచుకుపడే ప్రమాదం ఉందని హెచ్చరించింది.
అక్వాన్ తుపాను ప్రభావంతో నవంబర్ 19, 20 తేదీల్లో కోస్తాంధ్ర వ్యాప్తంగా విస్తారంగా వర్షాలు కురవనున్నాయి. ముఖ్యంగా డాక్టర్ బీఆర్ అంబేద్కర్ కోనసీమ, కాకినాడ, తూర్పు గోదావరి, పశ్చిమ గోదావరి, కృష్ణా, ఎన్టీఆర్, గుంటూరు జిల్లాల్లో మోస్తరు నుంచి భారీ వర్షాలు, అక్కడక్కడా అతి భారీ వర్షాలు కురిసే అవకాశం ఉంది. సముద్రం అల్లకల్లోలంగా మారనున్న నేపథ్యంలో మత్స్యకారులు వేటకు వెళ్లరాదని అధికారులు స్పష్టమైన ఆదేశాలు జారీ చేశారు. పాఠశాలలకు కూడా సెలవులు ప్రకటించనున్నారు.
వరుస తుపానుల నేపథ్యంలో ముఖ్యమంత్రి చంద్రబాబు నాయుడు సచివాలయంలోని రియల్ టైమ్ గవర్నెన్స్ సొసైటీ (RTGS) కేంద్రం నుంచి అధికారులతో ఉన్నతస్థాయి సమీక్ష నిర్వహించారు. తుపాను ఎటువంటి నష్టం జరగకుండా ముందస్తు చర్యలు తీసుకోవాలని అధికారులను ఆదేశించారు.
{{/usCountry}}వరుస తుపానుల నేపథ్యంలో ముఖ్యమంత్రి చంద్రబాబు నాయుడు సచివాలయంలోని రియల్ టైమ్ గవర్నెన్స్ సొసైటీ (RTGS) కేంద్రం నుంచి అధికారులతో ఉన్నతస్థాయి సమీక్ష నిర్వహించారు. తుపాను ఎటువంటి నష్టం జరగకుండా ముందస్తు చర్యలు తీసుకోవాలని అధికారులను ఆదేశించారు.
{{/usCountry}}వాతావరణ పరంగా బంగాళాఖాతంలో తుపానులు ఏర్పడటానికి అక్టోబర్-డిసెంబర్ కాలం అనుకూలంగా ఉంటుంది. 1982-2022 మధ్య జరిగిన ఒక అధ్యయనంలో బంగాళాఖాతంలో ఏర్పడే తుపానులలో దాదాపు 65 శాతం రుతుపవనాల అనంతర కాలంలోనే సంభవిస్తాయని తేలింది. అయితే కొన్ని వారాల వ్యవధిలో వరుసగా మూడు తుపానులు ఆంధ్ర తీరాన్ని ప్రభావితం చేయడం అసాధారణం.
2013 నవంబర్లో హెలెన్, లెహర్ తుఫానులు కేవలం ఆరు రోజుల వ్యవధిలో తీరాన్ని తాకాయి. 1976, 1987లో కూడా ఆంధ్రప్రదేశ్లో ఒకే నెలలో మూడు తుపానులు సంభవించాయి. ఏపీఎస్డీఎంఏ ప్రకారం 1892 నుండి రాష్ట్రంలో 151 తుపానులు తీరాన్ని తాకాయి.