బంగాళాఖాతం మరోసారి అల్లకల్లోలంగా మారుతోంది. ఇప్పటికే వరుస తుపానులతో వణికిపోయిన తీర ప్రాంతాలకు ఇప్పుడు మూడో తుపాను ముప్పు పొంచి ఉంది. నవంబర్ 18 నాటికి మధ్య బంగాళాఖాతంలో ఈ సీజన్‌లో మూడో తుపాను ఏర్పడే అవకాశం ఉందని ప్రైవేట్ వాతావరణ సంస్థ స్కైమెట్ తాజాగా వెల్లడించింది. ఒకవేళ ఇది తుపానుగా బలపడితే దీనికి అక్వాన్ అని నామకరణం చేయనున్నారు.
దక్షిణ అండమాన్ సముద్రం, దానికి ఆనుకుని ఉన్న ఆగ్నేయ బంగాళాఖాతంలో కొనసాగుతున్న ఉపరితల ఆవర్తన ప్రభావంతో అల్పపీడనం ఏర్పడే సూచనలు ఉన్నాయి. ఈ అల్పపీడనం మరింత బలపడి తీవ్ర అల్పపీడనంగా మారనుంది. ఇది మరింత బలపడి వాయుగుండంగా, సముద్ర ఉపరితల ఉష్ణోగ్రతలు, గాలుల వేగం వంటి పర్యావరణ పరిస్థితులు అనుకూలిస్తే, ఈ వాయుగుండం మధ్య బంగాళాఖాతంలో తుపానుగా మారే అవకాశాలు మెండుగా ఉన్నాయి.
తుపానులకు ప్రపంచ వాతావరణ సంస్థ నిబంధనల ప్రకారం సభ్య దేశాలు వరుస క్రమంలో పేర్లు పెడతాయి. ఈసారి తుపానుకు పేరు పెట్టే వంతు ఇరాన్ దేశానిది. ఇరాన్ సూచించిన జాబితా ప్రకారం ఈ తుపానుకు అక్వాన్ అని పేరు పెట్టనున్నారు. అక్వాన్ అంటే దుష్ట ఆలోచన లేదా చెడు మనసు అని అర్థం.
ఇప్పటికే ఈ సీజన్‌లో వచ్చిన అర్ణబ్, మురసు తుపానుల తర్వాత బంగాళాఖాతంలో ఏర్పడనున్న మూడో తుపాను ఇదే. ఈ సీజన్‌లో ఇంతకుముందు ఏర్పడిన అర్ణబ్ అక్టోబర్ చివరలో ఏపీ తీరంపై ప్రభావం చూపింది, మురసు నవంబర్ ఆరంభంలో తూర్పు తీరాన్ని వణికించింది. రాబోయే అక్వాన్ తుపాను ఆంధ్రప్రదేశ్, తమిళనాడు తీరాలను తాకే అవకాశాలు తక్కువగా ఉన్నాయని నిపుణులు విశ్లేషిస్తున్నారు.
ప్రస్తుత వాతావరణ నమూనాల ప్రకారం, ఈ తుపాను తీరానికి దూరంగానే సముద్రంలోనే దిశ మార్చుకుని ఉత్తర-ఈశాన్య దిశగా పయనించే అవకాశాలు ఎక్కువగా ఉన్నాయి. దీనివల్ల పశ్చిమ బెంగాల్, బంగ్లాదేశ్ తీర ప్రాంతాలకు తుపాను ముప్పు పొంచి ఉంది. అయితే తుపాను కచ్చితమైన గమనం, తీరం దాటే ప్రాంతంపై శనివారం నాటికి పూర్తి స్పష్టత వచ్చే అవకాశం ఉందని నిపుణులు చెబుతున్నారు.
ఐఎండీ హెచ్చరికలు
{{/usCountry}}ప్రస్తుత వాతావరణ నమూనాల ప్రకారం, ఈ తుపాను తీరానికి దూరంగానే సముద్రంలోనే దిశ మార్చుకుని ఉత్తర-ఈశాన్య దిశగా పయనించే అవకాశాలు ఎక్కువగా ఉన్నాయి. దీనివల్ల పశ్చిమ బెంగాల్, బంగ్లాదేశ్ తీర ప్రాంతాలకు తుపాను ముప్పు పొంచి ఉంది. అయితే తుపాను కచ్చితమైన గమనం, తీరం దాటే ప్రాంతంపై శనివారం నాటికి పూర్తి స్పష్టత వచ్చే అవకాశం ఉందని నిపుణులు చెబుతున్నారు.
ఐఎండీ హెచ్చరికలు
{{/usCountry}}మరోవైపు, అమరావతిలోని భారత వాతావరణ శాఖ (IMD) కేంద్రం ప్రత్యేక బులెటిన్ విడుదల చేస్తూ సముద్రంలో గాలుల తీవ్రతపై హెచ్చరికలు జారీ చేసింది.
నవంబర్ 14 నుంచి 17 మధ్యలో అండమాన్ సముద్ర ప్రాంతంలో గంటకు 40 నుండి 50 కిలోమీటర్ల వేగంతో, గరిష్టంగా 60 కి.మీ. వేగంతో ఈదురుగాలులు వీస్తాయి. నైరుతి బంగాళాఖాతంలో గాలుల వేగం మరింత పెరిగి గంటకు 45-55 కి.మీ. నుండి గరిష్టంగా 65 కి.మీ. వరకు చేరుకుంటుంది. మధ్య బంగాళాఖాతంలోనూ ఇదే స్థాయిలో (గంటకు 45-65 కి.మీ.) గాలులు వీస్తాయని ఐఎండీ తెలిపింది.
సముద్రం అల్లకల్లోలంగా ఉండే అవకాశం ఉన్నందున మత్స్యకారులు వేటకు వెళ్లవద్దని అధికారులు హెచ్చరించారు. ఇది కచ్చితంగా తుపానుగా మారుతుందా లేదా అనే విషయాన్ని ఇప్పుడే అంచనా వేయడం తొందరపాటు అవుతుందని, వాయుగుండంగా మారిన తర్వాతే పూర్తి వివరాలు వెల్లడిస్తామని ఐఎండీ సీనియర్ అధికారి ఒకరు స్పష్టం చేశారు.