AP Gold Mining Project : బంగారు నిక్షేపాల గని అనగానే ఇప్పటివరకు దేశంలో కర్నాటకలోని కోలార్ గోల్డ్ ఫీల్డ్స్ (KGF) మాత్రమే గుర్తొచ్చేది. కానీ ఇకపై ఆ స్థానంలో ఆంధ్రప్రదేశ్లోని రాయలసీమ ప్రాంతానికి చెందిన 'జొన్నగిరి' పేరు దేశవ్యాప్తంగా మారుమోగనుంది. ఒకప్పుడు కరవు కాటకాలకు నిలయంగా మారిన కర్నూలు జిల్లా ఇప్పుడు దేశంలోనే పసిడి ఉత్పత్తికి ప్రధాన కేంద్రంగా అవతరించబోతోంది.
ప్రైవేట్ రంగంలో దేశంలోనే అతిపెద్ద గోల్డ్ మైనింగ్ ప్రాజెక్టుగా గుర్తింపు పొందిన ఈ ప్లాంట్ కర్నూలు జిల్లా, తుగ్గలి మండలం, జొన్నగిరిలో ప్రారంభానికి సర్వసిద్ధమైంది. ఇవాళ ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఈ ప్రతిష్టాత్మక గోల్డ్ మైనింగ్ ప్రాజెక్టును అధికారికంగా ప్రారంభించనున్నారు.
విశేషాలు…
- ఈ మెగా ప్రాజెక్టు కోసం ప్రభుత్వం జొన్నగిరి గోల్డ్ ఫీల్డ్కు 1,500 ఎకరాల భూమిని కేటాయించింది. ప్రస్తుతం మొదటి దశ కింద 600 ఎకరాల్లో తవ్వకాలు జరిపేందుకు వీలుగా అత్యాధునిక ప్రాసెసింగ్ ప్లాంట్లను ఏర్పాటు చేశారు.
- ప్రాజెక్టు విస్తరణలో భాగంగా మిగిలిన ల్యాండ్ బ్యాంక్లో రెండో ప్లాంట్ నిర్మాణానికి కూడా సీఎం చంద్రబాబు నాయుడు ఇదే పర్యటనలో శంకుస్థాపన చేయనున్నారు.
- జియో మైసూర్ సర్వీసెస్ ఇండియా ప్రైవేట్ లిమిటెడ్, డెక్కన్ గోల్డ్ మైన్స్ లిమిటెడ్ సంస్థలు సంయుక్తంగా రూ.405 కోట్ల భారీ పెట్టుబడితో ఈ బంగారు నిక్షేపాలు వెలికితీసే కర్మాగారాన్ని నెలకొల్పాయి.
- ఈ ప్లాంట్ నిర్వహణకు అవసరమైన నీటి కోసం హంద్రీనీవా సుజల స్రవంతి కాలువ నుంచి 18 కిలోమీటర్ల మేర ప్రత్యేక పైపులైన్ను నిర్మించి 0.021 టీఎంసీల నీటిని వినియోగిస్తున్నారు. ఇప్పటికే ఈ మైనింగ్ ప్రాజెక్టుకు సంబంధించిన అన్ని రకాల ట్రయల్ రన్స్ విజయవంతంగా పూర్తయ్యాయి.
- జొన్నగిరి ప్లాంట్ ద్వారా బంగారు ఉత్పత్తిని దశల వారీగా పెంచేందుకు నిర్వాహక సంస్థలు ప్రణాళికలు సిద్ధం చేశాయి.
- తొలి దశలో భాగంగా మొదటి సంవత్సరంలో 400 కిలోల పసిడిని ఉత్పత్తి చేస్తారు. వచ్చే ఏడాది నుంచి ఉత్పత్తి సామర్థ్యాన్ని పెంచి 900 కిలోల బంగారాన్ని వెలికితీస్తారు.
- ప్లాంట్ పూర్తి స్థాయి సామర్థ్యానికి చేరుకున్న తర్వాత, ఏటా ఏకంగా 2 టన్నుల వరకు బంగారాన్ని ఉత్పత్తి చేయాలని లక్ష్యంగా పెట్టుకున్నారు.
రాష్ట్ర ఖజానాకు భారీగా రాయల్టీ ఆదాయం :
ఈ గోల్డ్ మైనింగ్ ప్రాజెక్టు ద్వారా స్థానిక యువతకు ఉపాధి లభించడంతో పాటు ఆంధ్రప్రదేశ్ ప్రభుత్వ ఖజానాకు భారీగా ఆదాయం సమకూరనుంది. ఇక్కడ ఉత్పత్తి అయ్యే మొత్తం బంగారం విక్రయ విలువలపై 4 శాతం రాయల్టీని రాష్ట్ర ప్రభుత్వానికి చెల్లిస్తారు. ఈ లెక్కన తొలి ఏడాది ఉత్పత్తి చేసే 400 కేజీల బంగారానికి రూ.57 కోట్లు, రెండో ఏడాది ఉత్పత్తి చేసే 900 కేజీల బంగారానికి రూ.144 కోట్ల మేర రాయల్టీ రూపంలో ప్రభుత్వానికి నేరుగా ఆదాయం రానుంది. ఉత్పత్తి 2 టన్నులకు చేరినప్పుడు ఈ ఆదాయం మరింత రెట్టింపు కానుంది. అంతేకాకుండా, ఈ మైనింగ్ పరిశ్రమ ద్వారా స్థానికంగా దాదాపు 700 మందికి పైగా ప్రత్యక్షంగా, పరోక్షంగా ఉపాధి అవకాశాలు లభిస్తాయి.
{{/usCountry}}ఈ గోల్డ్ మైనింగ్ ప్రాజెక్టు ద్వారా స్థానిక యువతకు ఉపాధి లభించడంతో పాటు ఆంధ్రప్రదేశ్ ప్రభుత్వ ఖజానాకు భారీగా ఆదాయం సమకూరనుంది. ఇక్కడ ఉత్పత్తి అయ్యే మొత్తం బంగారం విక్రయ విలువలపై 4 శాతం రాయల్టీని రాష్ట్ర ప్రభుత్వానికి చెల్లిస్తారు. ఈ లెక్కన తొలి ఏడాది ఉత్పత్తి చేసే 400 కేజీల బంగారానికి రూ.57 కోట్లు, రెండో ఏడాది ఉత్పత్తి చేసే 900 కేజీల బంగారానికి రూ.144 కోట్ల మేర రాయల్టీ రూపంలో ప్రభుత్వానికి నేరుగా ఆదాయం రానుంది. ఉత్పత్తి 2 టన్నులకు చేరినప్పుడు ఈ ఆదాయం మరింత రెట్టింపు కానుంది. అంతేకాకుండా, ఈ మైనింగ్ పరిశ్రమ ద్వారా స్థానికంగా దాదాపు 700 మందికి పైగా ప్రత్యక్షంగా, పరోక్షంగా ఉపాధి అవకాశాలు లభిస్తాయి.
{{/usCountry}}గోల్డ్ మైనింగ్ ప్లాంట్ ప్రారంభోత్సవ కార్యక్రమం నిమిత్తం ముఖ్యమంత్రి చంద్రబాబు నాయుడు బుధవారం కర్నూలు జిల్లాలో పర్యటించనున్నారు. ఉదయం 10:00 గంటలకు ముఖ్యమంత్రి అమరావతి నుంచి ప్రత్యేక హెలికాప్టర్ ద్వారా బయలుదేరుతారు. ఉదయం 11:30 గంటలకు కర్నూలు జిల్లా జొన్నగిరిలోని హెలిప్యాడ్కు చేరుకుంటారు. ఉదయం 11:45 గంటలకు ప్లాంట్ మొదటి యూనిట్ను ప్రారంభించి, అధికారికంగా బంగారం వెలికితీత పనులను ప్రారంభిస్తారు. అనంతరం జియో మైసూర్ ప్లాంట్ రెండో యూనిట్ నిర్మాణానికి శంకుస్థాపన చేస్తారు. మధ్యాహ్నం 12:20 గంటలకు జొన్నగిరి సమీపంలో ఏర్పాటు చేసిన భారీ బహిరంగ సభలో పాల్గొని ప్రజలను ఉద్దేశించి ప్రసంగిస్తారు.