బంగాళాఖాతంలో తీవ్ర వాయుగుండం 8 గంటల నుంచి అర్ధరాత్రి 12 గంటల మధ్య తీరం దాటే అవకాశం ఉందని విశాఖపట్నంలోని తుపాను హెచ్చరికల కేంద్రం వెల్లడించింది. తీరం దాటే సమయంలో సముద్రం తీవ్ర అలజడిగా ఉంటుందని అధికారులు తెలిపారు. ఆ సమయంలో తీరం వెంట గంటకు 50 నుండి 70 కిలోమీటర్ల వేగంతో బలమైన ఈదురుగాలులు వీచే ప్రమాదం ఉందని పేర్కొన్నారు.
ఈదురుగాలులతో పాటుగా కుండపోత వర్షాలు కురిసే అవకాశం ఉన్నందున, తీరప్రాంతాలు, లోతట్టు ప్రాంతాలలో హఠాత్తుగా వరదలు వచ్చే అవకాశముందని హెచ్చరించారు. లోతట్టు ప్రాంతాల్లోని ప్రజలు, పునరావాస కేంద్రాలకు మారాలని, అత్యవసరం అయితే తప్ప బయటకు రాకూడదని విపత్తు నిర్వహణ శాఖ సూచించింది.
గడిచిన 6 గంటల్లో 13 కిలో మీటర్ల వేగంతో కదిలిన తీవ్రవాయుగుండం.. ప్రస్తుతానికి కళింగపట్నానికి 30 కి.మీ దూరంలో ఉంది. విశాఖపట్నానికి 90 కిలో మీటర్ల దూరంలో కేంద్రకృతమైంది.
పరిస్థితి తీవ్రతను దృష్టిలో ఉంచుకుని తీరప్రాంత భద్రతను కట్టుదిట్టం చేశారు. ప్రధానంగా కాకినాడ, గంగవరం, విశాఖపట్నం, కళింగపట్నం పోర్టులలో అధికారులు 3వ నంబర్ ప్రమాద హెచ్చరిక జారీ చేశారు. మత్స్యకారులు ఎవరూ సముద్రంలోకి వేటకు వెళ్లకూడదని కఠిన ఆదేశాలు అమలు చేస్తున్నారు.
వాతావరణ శాఖ రాబోయే మూడు రోజుల పాటు కురిసే వర్షపాతం ఆధారంగా వివిధ జిల్లాలకు అలర్ట్లు జారీ చేసింది. శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు జిల్లాలకు నేడు రెడ్ అలర్ట్ జారీ చేశారు. విశాఖపట్నం, అనకాపల్లి, కాకినాడ, డాక్టర్ బి.ఆర్. అంబేడ్కర్ కోనసీమ, తూర్పుగోదావరి, పశ్చిమగోదావరి, ఏలూరు జిల్లాలకు ఆరెంజ్ అలర్ట్ ఇచ్చారు. ఎన్టీఆర్, కృష్ణా, గుంటూరు, నంద్యాల, కర్నూలు, అనంతపురం జిల్లాలకు ఎల్లో అలర్ట్ జారీ చేశారు.
గురువారం అల్లూరి సీతారామరాజు, ఏలూరు జిల్లాలకు రెడ్ అలర్ట్ జారీ చేశారు. శ్రీకాకుళం, విజయనగరం, పార్వతీపురం మన్యం, విశాఖపట్నం, అనకాపల్లి జిల్లాలకు ఆరెంజ్ అలర్ట్ ఇచ్చారు. కాకినాడ, తూర్పుగోదావరి, పశ్చిమగోదావరి, ఎన్టీఆర్, కృష్ణా, గుంటూరు, పల్నాడు జిల్లాలకు ఎల్లో అలర్ట్ జారీ చేశారు.
{{/usCountry}}గురువారం అల్లూరి సీతారామరాజు, ఏలూరు జిల్లాలకు రెడ్ అలర్ట్ జారీ చేశారు. శ్రీకాకుళం, విజయనగరం, పార్వతీపురం మన్యం, విశాఖపట్నం, అనకాపల్లి జిల్లాలకు ఆరెంజ్ అలర్ట్ ఇచ్చారు. కాకినాడ, తూర్పుగోదావరి, పశ్చిమగోదావరి, ఎన్టీఆర్, కృష్ణా, గుంటూరు, పల్నాడు జిల్లాలకు ఎల్లో అలర్ట్ జారీ చేశారు.
{{/usCountry}}సెప్టెంబర్ 25వ తేదీ వర్షాల తీవ్రత తగ్గుముఖం పట్టనుంది. అల్లూరి సీతారామరాజు, ఏలూరు, ఎన్టీఆర్ జిల్లాలకు ఎల్లో అలర్ట్ జారీ చేసారు.
ప్రజల రక్షణార్థం జిల్లా యంత్రాంగం కంట్రోల్ రూమ్లను అందుబాటులోకి తెచ్చింది. విద్యుత్ సరఫరాకు అంతరాయం కలిగే అవకాశం ఉన్నందున అవసరమైన అత్యవసర వస్తువులు, మంచినీరు, బ్యాటరీ లైట్లను సిద్ధంగా ఉంచుకోవాలని అధికారులు సూచిస్తున్నారు. సముద్ర తీరప్రాంతాల్లోని నివాసితులు అప్రమత్తంగా ఉంటూ స్థానిక అధికారుల ఆదేశాలను పాటించాలి.