దీపావళి పండుగ, వారాంతపు సెలవుల నేపథ్యంలో రైల్వే శాఖ ప్రయాణికుల సౌకర్యం, భద్రత కోసం కీలక నిర్ణయాలు తీసుకుంది. ఒకవైపు ప్రయాణికుల రద్దీని తట్టుకునేందుకు ప్రత్యేక రైళ్లను అందుబాటులోకి తేగా, మరోవైపు రైళ్లలో ప్రయాణించే వారి భద్రత కోసం తనిఖీలను తీవ్రతరం చేసింది.
దీపావళి పండుగకు స్వగ్రామాలకు వెళ్లే ప్రయాణికులు రైళ్లలో బాణసంచా, టపాసులు లేదా ఇతర ప్రమాదకరమైన వస్తువులను తీసుకెళ్లడం చట్టరీత్యా నేరమని దక్షిణ కోస్తా రైల్వే జనరల్ మేనేజర్ సందీప్ మాథూర్, సీపీఆర్‌వో వై. బాలాజీ కిరణ్ స్పష్టం చేశారు.
రైల్వే చట్టం - 1989 నిబంధనల ప్రకారం.. రైలు ప్రయాణాల్లో పేలుడు పదార్థాలు, బాణసంచా, గ్యాస్ సిలిండర్లు, పెట్రోల్, కిరోసిన్, యాసిడ్ వంటి మండే స్వభావం కలిగిన వస్తువులను రవాణా చేయడం చట్టరీత్యా నేరం. నిబంధనలను ఉల్లంఘించి బాణసంచా లేదా ప్రమాదకర వస్తువులను తీసుకెళ్లే వారికి మూడేళ్ల వరకు జైలు శిక్షతో పాటు భారీగా జరిమానా పడుతుంది.
ప్రమాదాలు జరిగి రైల్వే ఆస్తులకు లేదా తోటి ప్రయాణికులకు నష్టం వాటిల్లితే దానికి సంబంధిత వ్యక్తులే చట్టపరంగా పూర్తి బాధ్యత వహించాల్సి ఉంటుంది. రైల్వే స్టేషన్లు, ప్లాట్‌ఫారమ్‌లు, రైళ్లలో భద్రతను కట్టుదిట్టం చేసేందుకు ప్రత్యేక తనిఖీ బృందాలను రంగంలోకి దించారు. ఆర్పీఎఫ్, జీఆర్పీ, సివిల్ డిఫెన్స్ సిబ్బందితో పాటు టీటీఈలు, కోచ్ అటెండెంట్లు, స్టేషన్ మేనేజర్లు కలిసి రైళ్లు, పార్సిల్ వ్యాన్లు, ప్రయాణికుల లగేజీలపై ప్రత్యేక కన్నేశారు.
ప్రయాణ సమయంలో ఎవరైనా బాణసంచా లేదా అనుమానాస్పద వస్తువులను తీసుకెళ్తున్నట్లు గమనిస్తే, ప్రయాణికులు వెంటనే టోల్ ఫ్రీ నంబర్ 139 కి కాల్ చేసి సమాచారం అందించాలని రైల్వే అధికారులు విజ్ఞప్తి చేశారు.
విశాఖ - పార్వతీపురం స్పెషల్ రైలు
{{/usCountry}}ప్రయాణ సమయంలో ఎవరైనా బాణసంచా లేదా అనుమానాస్పద వస్తువులను తీసుకెళ్తున్నట్లు గమనిస్తే, ప్రయాణికులు వెంటనే టోల్ ఫ్రీ నంబర్ 139 కి కాల్ చేసి సమాచారం అందించాలని రైల్వే అధికారులు విజ్ఞప్తి చేశారు.
విశాఖ - పార్వతీపురం స్పెషల్ రైలు
{{/usCountry}}రైలు పండుగ రద్దీని దృష్ట్యా విశాఖపట్నం - పార్వతీపురం(Train No. 07268 / 07267) మధ్య ప్రత్యేక రైలు నడుపుతున్నారు. 7, 8, 9వ తేదీల్లో ఈ ప్రత్యేక రైలు సేవలు అందుబాటులో ఉంటాయి. విశాఖపట్నం నుంచి పార్వతీపురం (ట్రైన్ నంబర్ 07268) ఉదయం 10 గంటలకు విశాఖలో బయలుదేరి, మధ్యాహ్నం 12:25 గంటలకు పార్వతీపురం చేరుకుంటుంది.
పార్వతీపురం నుంచి విశాఖపట్నం (ట్రైన్ నంబర్ 07267) తిరుగు ప్రయాణంలో మధ్యాహ్నం 12:35 గంటలకు పార్వతీపురంలో బయలుదేరి, సాయంత్రం 4 గంటలకు విశాఖపట్నం చేరుకుంటుంది. ఈ ప్రత్యేక రైలు సింహాచలం, కొత్తవలస, విజయనగరం, గజపతినగరం, కోమటిపల్లి, దొంకినవలస, బొబ్బిలి, సీతానగరం, నర్సీపురం స్టేషన్లలో ఆగుతుంది.