ప్రయాణికులకు దక్షిణ మధ్య రైల్వే అలర్ట్ - పలు రైళ్ల రాకపోకల్లో మార్పులు, షెడ్యూల్ ఇదే!

బల్హార్షా స్టేషన్‌లో యార్డ్ రీమోడలింగ్ పనుల కారణంగా పలు రైళ్లను పాక్షికంగా రద్దు చేయడంతో పాటు మరికొన్నింటి వేళల్లో మార్పులు చేశారు. ఈ మేరకు దక్షిణ మధ్య రైల్వే వివరాలను పేర్కొంది.

రైలు ప్రయాణికులకు దక్షిణ మధ్య రైల్వే ముఖ్యమైన సమాచారాన్ని అందించింది. సెంట్రల్ రైల్వే పరిధిలోని నాగ్‌పూర్ డివిజన్ వార్ధా-బల్హార్షా మూడో లైన్ ప్రాజెక్టులో భాగంగా బల్హార్షా రైల్వే స్టేషన్‌లో యార్డ్ రీమోడలింగ్ పనులు చేపడుతున్నారు. ఈ ఆధునీకరణ పనుల కారణంగా అక్టోబర్ 29 నుంచి నవంబర్ 5వ తేదీ వరకు పలు రైళ్ల సర్వీసులను పాక్షికంగా రద్దు చేయనున్నారు. మరికొన్ని రైళ్లను ఆలస్యంగా నడపనున్నారు.

పలు రైళ్ల రాకపోకల్లో మార్పులు

పాక్షికంగా రద్దయిన రైళ్ల వివరాలు:

• రైలు నంబర్ 11001 (సీఎస్‌టీ ముంబై - బల్హార్షా) : అక్టోబర్ 29 నుంచి నవంబర్ 3 వరకు ఈ రైలు బల్హార్షా వరకు కాకుండా ఆదిలాబాద్‌లోనే తన ప్రయాణాన్ని ముగిస్తుంది.
• రైలు నంబర్ 11002 (బల్హార్షా - సీఎస్‌టీ ముంబై): అక్టోబర్ 30 నుంచి నవంబర్ 5 వరకు ఈ రైలు బల్హార్షాకు బదులుగా ఆదిలాబాద్ నుంచే తిరుగు ప్రయాణం ప్రారంభిస్తుంది .
• రైలు నంబర్ 17035 (కాజీపేట - బల్హార్షా): నవంబర్ 2 నుంచి నవంబర్ 4 వరకు ఈ రైలు మాణిక్‌గఢ్ వరకు మాత్రమే నడుస్తుంది.
• రైలు నంబర్ 17036 (బల్హార్షా - కాజీపేట): నవంబర్ 3 నుంచి నవంబర్ 5 వరకు ఈ రైలు బల్హార్షాకు బదులు మాణిక్‌గఢ్ నుంచే కాజీపేటకు బయలుదేరుతుంది.
• రైలు నంబర్ 17033 (భద్రాచలం - బల్హార్షా): నవంబర్ 3 నుంచి నవంబర్ 4 వరకు ఈ రైలు మాణిక్‌గఢ్ వద్దనే నిలిచిపోతుంది.
• రైలు నంబర్ 17004 (బల్హార్షా - కాజీపేట): నవంబర్ 3 నుంచి నవంబర్ 4 వరకు ఈ రైలు బల్హార్షాకు బదులుగా మాణిక్‌గఢ్ నుంచే బయలుదేరుతుంది.

ఆలస్యంగా నడిచే వివరాలు :

• రైలు నంబర్ 17007 (చర్లపల్లి - దర్భంగా) : అక్టోబర్ 31న ఈ రైలు 50 నిమిషాల పాటు ఆలస్యంగా నడుస్తుంది.
• రైలు నంబర్ 12771 (సికింద్రాబాద్ - రాయ్‌పూర్) : నవంబర్ 4న ఈ రైలు 1 గంట 15 నిమిషాల పాటు ఆలస్యంగా బయలుదేరుతుంది.
• రైలు నంబర్ 22737 (సికింద్రాబాద్ - హిసార్) : నవంబర్ 4న ఈ రైలు 25 నిమిషాల పాటు ఆలస్యంగా నడుస్తుంది.