ఆంధ్రప్రదేశ్‌లోని దివ్యాంగులకు ప్రభుత్వం కీలక అప్డేట్ ఇచ్చింది. సదరం (SADAREM) వైద్య పరీక్షల నిర్వహణతో పాటు ధ్రువీకరణ పత్రాల జారీ కోసం నిలిచిపోయిన స్లాట్ల బుకింగ్ ప్రక్రియను ఈ నెల 2వ తేదీ నుంచి తిరిగి ప్రారంభించనున్నట్లు వైద్య ఆరోగ్యశాఖ ప్రకటించింది. నవంబర్, డిసెంబర్ నెలల కాలానికి గాను రాష్ట్రవ్యాప్తంగా మొత్తం 75,000 స్లాట్లను అందుబాటులోకి తేనున్నారు. 2వ తేదీ ఉదయం 10:30 గంటల నుంచి దివ్యాంగులు తమ స్లాట్లను నమోదు చేసుకోవచ్చు.
స్లాట్ ఎలా బుక్ చేసుకోవాలి?
లబ్ధిదారులు పలు మార్గాల ద్వారా సులభంగా స్లాట్ బుక్ చేసుకునే సౌలభ్యాన్ని ప్రభుత్వం కల్పించింది. స్వర్ణ గ్రామ / స్వర్ణ వార్డు సచివాలయాలు,వాట్సప్ మనమిత్ర, ఏపీ పౌర సేవా పోర్టల్ ద్వారా స్లాట్ బుక్ చేయవచ్చు.
117 ఆసుపత్రుల్లో వైద్య పరీక్షలు
రాష్ట్రవ్యాప్తంగా డీఎంఈ, డీఎస్‌హెచ్ పరిధిలోని 117 ప్రభుత్వ ఆసుపత్రుల్లో ఈ వైద్య పరీక్షలు నిర్వహిస్తారు. డీఎంఈ ఆసుపత్రులలో 21 రకాల ప్రత్యేక పరీక్షల సౌకర్యం ఉన్నందున ఇక్కడ వారానికి 2 రోజులు స్లాట్లు కేటాయిస్తారు. డీఎస్‌హెచ్ ఆసుపత్రులలో వారానికి ఒక రోజు మాత్రమే పరీక్షలు నిర్వహిస్తారు.
స్లాట్ బుకింగ్ పూర్తయ్యాక ఇచ్చే రసీదుపైనే సంబంధిత ఆసుపత్రి హెల్ప్‌లైన్ నంబర్లను ముద్రిస్తారు. స్లాట్ బుక్ చేసుకున్న తేదీ నుంచి 6 నెలల్లోపు వైద్య పరీక్షలకు హాజరు కాకపోతే సదరు స్లాట్ ఆటోమేటిక్‌గా రద్దవుతుంది. స్లాట్ నమోదు చేసుకునే సమయంలో వైకల్య రకాన్ని సరిగ్గా పేర్కొనాలి లేదా డాక్టర్ ధ్రువీకరణ తీసుకోవాలి. తప్పు కేటగిరీలో బుక్ చేసుకుంటే ఆ స్లాట్లను తిరస్కరిస్తారు.
పాతవి తొలగింపు
దివ్యాంగులు తమ ఇంటికి సమీపంలో ఉండే ఆసుపత్రుల్లోనే పరీక్షలు చేయించుకునేలా జోనల్ పద్ధతినే కొనసాగిస్తున్నారు. పాత స్లాట్లు, సదరం ఐడీలను తొలగించుకోవాలనుకునే వారికి ఓటీపీ ఆధారిత సదుపాయం తీసుకొచ్చారు. 40 శాతం కంటే తక్కువ వైకల్యం ఉన్నవారు ఓటీపీ ద్వారా అప్పీల్ ప్రక్రియను ఉపయోగించి పాత వివరాలను రద్దు చేసుకోవచ్చు.
స్లాట్ బుక్ చేసుకున్న తేదీ నుంచి ఆరు నెలలలోపు పరీక్షలకు హాజరుకాని వారి స్లాట్లు రద్దయ్యేలా మార్పులు చేశారు. స్లాట్ బుక్ చేసుకునే సమయంలో సంబంధిత వ్యక్తి తనకున్న వైకల్యాన్ని తెలిసిన మేరకు నమోదు చేయాల్సి ఉంటుంది. లేదంటే వైద్యుడి ద్వారా ధ్రువీకరించుకోవాలి. తప్పుడు కేటగిరీలో స్లాట్ బుక్ చేసుకున్నట్టైతే. వాటిని పరిగణనలోకి తీసుకోరు అనే విషయం గమనించాలి.
{{/usCountry}}స్లాట్ బుక్ చేసుకున్న తేదీ నుంచి ఆరు నెలలలోపు పరీక్షలకు హాజరుకాని వారి స్లాట్లు రద్దయ్యేలా మార్పులు చేశారు. స్లాట్ బుక్ చేసుకునే సమయంలో సంబంధిత వ్యక్తి తనకున్న వైకల్యాన్ని తెలిసిన మేరకు నమోదు చేయాల్సి ఉంటుంది. లేదంటే వైద్యుడి ద్వారా ధ్రువీకరించుకోవాలి. తప్పుడు కేటగిరీలో స్లాట్ బుక్ చేసుకున్నట్టైతే. వాటిని పరిగణనలోకి తీసుకోరు అనే విషయం గమనించాలి.
{{/usCountry}}