బంగాళాఖాతంలో ఏర్పడిన తీవ్ర వాయుగుండం తీరం దాటడంతో ఆంధ్రప్రదేశ్ వ్యాప్తంగా వాతావరణం పూర్తిగా మారిపోయింది. ముఖ్యంగా ఉత్తరాంధ్ర, కోస్తాంధ్ర జిల్లాలను కుండపోత వర్షాలు ముంచెత్తుతున్నాయి. ప్రతికూల వాతావరణం, దట్టమైన మేఘాల కారణంగా విమాన సర్వీసులపై తీవ్ర ప్రభావం పడటంతో పాటు పలు ప్రాంతాల్లో జనజీవనం పూర్తిగా స్థంభించిపోయింది.
భారత వాతావరణ శాఖ వెల్లడించిన సమాచారం ప్రకారం, తీవ్ర వాయుగుండం శ్రీకాకుళం జిల్లాలోని కళింగపట్నం - పోలాకి మధ్య తీరాన్ని దాటింది. తీరం దాటినప్పటికీ దీని ప్రభావం మరో 12 గంటల పాటు తీవ్రంగా ఉంటుందని అధికారులు హెచ్చరించారు.
తీరం దాటే సమయంలో గంటకు 50 నుండి 60 కిలోమీటర్ల వేగంతో వీచిన ఈదురుగాలుల ధాటికి పలుచోట్ల భారీ వృక్షాలు, విద్యుత్ స్తంభాలు నేలకొరిగాయి. విజయనగరం జిల్లా తెర్లాం, బాడంగి, డెంకాడ మండలాల్లో గాలుల తీవ్రత ఎక్కువగా ఉండటంతో ముందస్తు విద్యుత్ సరఫరా నిలిపివేశారు.
వాతావరణంలో హఠాత్తుగా వచ్చిన మార్పులు, విజిబిలిటీ తగ్గడం వల్ల ఎయిర్పోర్టు అధికారులు పలు విమాన సర్వీసులను దారి మళ్లించారు మరికొన్నింటిని రద్దు చేశారు. విశాఖపట్నం – విజయవాడ (ఇండిగో) ప్రతికూల పరిస్థితుల వల్ల ల్యాండింగ్ సాధ్యం కాకపోవడంతో ఈ విమానాన్ని హైదరాబాద్లోని శంషాబాద్ ఎయిర్పోర్టుకు మళ్లించారు.
హైదరాబాద్ – రాజమహేంద్రవరం (స్టార్ ఎయిర్లైన్స్) రాజమండ్రి వద్ద అనుకూలించని వాతావరణం కారణంగా బెంగళూరుకు డైవర్ట్ చేశారు. విమాన ప్రయాణాలు పెట్టుకున్నవారు విమానాశ్రయానికి బయలుదేరే ముందే ఆయా ఎయిర్లైన్స్ సంస్థలను సంప్రదించి, కరెంట్ స్టేటస్ చెక్ చేసుకోవాలని ఎయిర్పోర్టు అథారిటీ కోరింది.
వర్షపాతం తీవ్రత పెరగడంతో నదులు, వాగులు, వంకలు పొంగిపొర్లుతున్నాయి. శ్రీకాకుళం జిల్లాలోని వంశధార, నాగావళి, బాహుదా నదుల్లో నీటిమట్టం ప్రమాదకర స్థాయిలో పెరుగుతోంది. ముందస్తు ఉపద్రవాన్ని నివారించేందుకు యంత్రాంగం అప్రమత్తమైంది. పరిస్థితి తీవ్రత దృష్ట్యా శ్రీకాకుళం, విజయనగరం సహా పలు జిల్లాల్లోని అన్ని విద్యాసంస్థలకు ప్రభుత్వం సెలవు ప్రకటించింది.
{{/usCountry}}వర్షపాతం తీవ్రత పెరగడంతో నదులు, వాగులు, వంకలు పొంగిపొర్లుతున్నాయి. శ్రీకాకుళం జిల్లాలోని వంశధార, నాగావళి, బాహుదా నదుల్లో నీటిమట్టం ప్రమాదకర స్థాయిలో పెరుగుతోంది. ముందస్తు ఉపద్రవాన్ని నివారించేందుకు యంత్రాంగం అప్రమత్తమైంది. పరిస్థితి తీవ్రత దృష్ట్యా శ్రీకాకుళం, విజయనగరం సహా పలు జిల్లాల్లోని అన్ని విద్యాసంస్థలకు ప్రభుత్వం సెలవు ప్రకటించింది.
{{/usCountry}}రాబోయే 48 గంటల పాటు ప్రజలు ఇళ్లలోనే సురక్షితంగా ఉండాలని, నదులు, కాలువల వద్దకు వెళ్లవద్దని హెచ్చరికలు జారీ చేశారు. విశాఖ నగరం పరిధిలో బుధవారం రాత్రి నుండి ఎడతెరిపి లేకుండా కురుస్తున్న వర్షాలకు పలు కాలనీలు జలమయమయ్యాయి. గంగవరం నుండి పెదగంట్యాడ వెళ్లే ప్రధాన రహదారిపై నీరు నిలిచిపోవడంతో రవాణా వ్యవస్థ నిలిచిపోయింది. ఈ వర్షాల వల్ల కోస్తా తీరప్రాంతాల్లో వేల ఎకరాల్లో పంటనష్టం వాటిల్లినట్లు ప్రాథమిక అంచనా.