పశ్చిమాసియాలో నెలకొన్న సమస్యలు, భద్రతా కారణాల నేపథ్యంలో సౌదీ అరేబియాలో విమాన సర్వీసులు హఠాత్తుగా రద్దయ్యాయి. దీంతో తెలుగు ఉమ్రా యాత్రికులు అక్కడే చిక్కుకున్నారు. వారిని సురక్షితంగా స్వదేశానికి రప్పించేందుకు ఆంధ్రప్రదేశ్ ప్రభుత్వం, ఏపీఎన్‌ఆర్‌టీఎస్(APNRTS) సంస్థ తీవ్రంగా శ్రమిస్తున్నాయి.
మొత్తం 253 మంది ఆంధ్రప్రదేశ్ యాత్రికుల క్షేమ సమాచారాన్ని నిరంతరం పర్యవేక్షిస్తున్నట్లు ఏపీఎన్‌ఆర్‌టీఎస్ స్పష్టం చేసింది. ఇందులో భాగంగా విజయవాడకు చెందిన న్యూ రాయల్ టూర్స్ అండ్ ట్రావెల్స్ ఆధ్వర్యంలో వెళ్లిన 40 మంది యాత్రికుల కోసం ప్రత్యేక విమానాన్ని ఏర్పాటు చేశారు.
జెడ్డా (కింగ్ అబ్దుల్ అజీజ్ అంతర్జాతీయ విమానాశ్రయం) నుంచి ఆదివారం (అక్టోబర్ 25, 2026) రాత్రి 10.50 గంటలకు బయలుదేరుతుంది. సోమవారం ఉదయం 7.00 గంటలకు హైదరాబాద్ విమానాశ్రయంలో ల్యాండింగ్ అవుతుంది.
ఏపీఎన్‌ఆర్‌టీఎస్ అందించిన గణాంకాల ప్రకారం.. ప్రస్తుతం సౌదీ అరేబియాలో దాదాపు 3,000 మంది భారతీయ ఉమ్రా యాత్రికులు చిక్కుపోయి ఉన్నారు. వీరిలో సుమారు 1,500 మంది రెండు తెలుగు రాష్ట్రాలైన ఆంధ్రప్రదేశ్, తెలంగాణలకు చెందినవారే. ఏపీ నుంచి దాదాపు 400 నుంచి 500 మంది వరకు ఉన్నట్లు అంచనా వేస్తున్నారు.
విదేశాల్లో చిక్కుకున్న మన భక్తుల భద్రతపై ఏపీఎన్‌ఆర్‌టీఎస్ అధ్యక్షుడు వేమూరు రవికుమార్ స్పందిస్తూ ప్రస్తుతం గుర్తించిన 253 మంది ఏపీ యాత్రికులతో తమ బృందాలు నిరంతరం టచ్‌లో ఉన్నాయన్నారు. వారి భోజనం, వసతి సౌకర్యాలను సమీక్షిస్తున్నామన్నారు. దమ్మామ్ నుంచి హైదరాబాద్‌కు మరొక చార్టర్డ్ ఫ్లైట్‌ నడిపేందుకు వివిధ విమానయాన సంస్థలతో సంప్రదింపులు జరుపుతున్నామన్నారు.
రియాద్‌లోని భారత రాయబార కార్యాలయం, జెడ్డాలోని కాన్సులేట్ జనరల్ కేంద్ర విదేశాంగ శాఖ పర్యవేక్షణలో సహాయక చర్యలను వేగవంతం చేశాయి. మక్కా, జెడ్డాలో హెల్ప్ డెస్క్‌ల ద్వారా యాత్రికులకు తాత్కాలిక వసతి, కన్సులర్ సహాయం అందిస్తున్నారు.
భారతీయ యాత్రికులను త్వరితగతిన తరలించేందుకు ఎమర్జెన్సీ లేదా చార్టర్డ్ విమానాలు నడపాలని, విమానాల రద్దు వల్ల వీసా గడువు ముగిసిన యాత్రికులపై ఎలాంటి జరిమానాలు విధించకుండా సౌదీ అధికారులతో మాట్లాడాలని బీజేపీ ఏపీ మైనార్టీ మోర్చా అధ్యక్షుడు సయ్యద్ బాషా, కేంద్ర మైనార్టీ వ్యవహారాల మంత్రి కిరణ్ రిజిజుకు విజ్ఞప్తి చేశారు.
{{/usCountry}}భారతీయ యాత్రికులను త్వరితగతిన తరలించేందుకు ఎమర్జెన్సీ లేదా చార్టర్డ్ విమానాలు నడపాలని, విమానాల రద్దు వల్ల వీసా గడువు ముగిసిన యాత్రికులపై ఎలాంటి జరిమానాలు విధించకుండా సౌదీ అధికారులతో మాట్లాడాలని బీజేపీ ఏపీ మైనార్టీ మోర్చా అధ్యక్షుడు సయ్యద్ బాషా, కేంద్ర మైనార్టీ వ్యవహారాల మంత్రి కిరణ్ రిజిజుకు విజ్ఞప్తి చేశారు.
{{/usCountry}}దాదాపు 17,000 మంది భారతీయులు ఈ సీజన్‌లో ఉమ్రా యాత్రకు వెళ్లగా, అత్యధిక శాతం మంది ఇప్పటికే స్వదేశం చేరుకున్నారు. అయితే విమానాలు రద్దై సుదీర్ఘ కాలం అక్కడ ఉండాల్సి రావడంతో భక్తుల వద్ద ఉన్న డబ్బులు అయిపోతున్నాయని, ఎంత త్వరగా వీలైతే అంత త్వరగా వారిని క్షేమంగా సొంత ఊళ్లకు చేర్చాలని విజ్ఞప్తులు వెల్లువెత్తుతున్నాయి.