ఉపరితల ఆవర్తనం ప్రభావంతో ఆగ్నేయ, ఆనుకుని ఉన్న తూర్పుమధ్య బంగాళాఖాతంలో అల్పపీడనం ఏర్పడే అవకాశం ఉందని వాతావరణశాఖ అంచనా వేసింది. ఫలితంగా అక్టోబర్ 23వ తేదీ వరకు రాష్ట్రంలోని పలు ప్రాంతాల్లో మోస్తారు నుంచి భారీ వర్షాలు కురిసే అవకాశం ఉంది. వర్షాలతో పాటు తీరప్రాంతాల్లో ఈదురుగాలులు వీచే అవకాశం ఉందని, ఉరుములు, మెరుపులతో కూడిన పిడుగులు పడే ప్రమాదం ఉందని అంచనా వేసింది.
రాష్ట్రంలో కోస్తాంధ్ర, రాయలసీమ జిల్లాలతో పాటు పుదుచ్చేరి పరిధిలోని యానాం ప్రాంతంలో అక్కడక్కడ భారీ వర్షాలు కురిసే సూచనలు ఉన్నాయని అమరావతి వాతావరణ కేంద్రం తెలిపింది. భారీ వర్షాలతో పాటు గంటకు ఈదురుగాలులు వీచే అవకాశముండటంతో ప్రజలు, ప్రత్యేకించి పొలాల్లో పనిచేసే రైతులు, మత్స్యకారులు అత్యంత అప్రమత్తంగా ఉండాలని అధికారులు హెచ్చరించారు.
బంగాళాఖాతంలో ఉపరితల ఆవర్తనాలు…!
ప్రస్తుతం వాతావరణంలో చోటుచేసుకుంటున్న ఈ అకస్మాత్తు మార్పులకు ప్రధానంగా రెండు వాతావరణ వ్యవస్థలు కారణమని అధికారులు స్పష్టం చేశారు. నైరుతి బంగాళాఖాతం మరియు దానికి అనుకొని ఉన్న తమిళనాడు తీరంలో సముద్ర మట్టానికి 5.8 కిలోమీటర్ల ఎత్తు వరకు ఒక ఉపరితల ఆవర్తనం విస్తరించి స్థిరంగా కొనసాగుతోంది. ఈ ఆవర్తనం ప్రభావంతో రాబోయే 24 గంటల్లో అదే ప్రాంతంలో ఒక అల్పపీడనం ఏర్పడే అవకాశం ఉందని వాతావరణ శాఖ అంచనా వేసింది.
మరోవైపు, నైరుతి బంగాళాఖాతం, తమిళనాడు తీరం నుంచి ప్రారంభమైన ఒక ద్రోణి ఉత్తర కోస్తాంధ్ర వరకు సముద్ర మట్టానికి 3.1 కిలోమీటర్ల ఎత్తులో విస్తరించి ఉంది. ఇదిలా ఉండగా…. గురువారం నాటికి మరొక అల్పపీడనం బంగాళాఖాతంలో రూపుదిద్దుకోబోతోంది.
థాయిలాండ్-మయన్మార్ ప్రాంతాల్లో సముద్ర మట్టానికి 4.5 కిలోమీటర్ల ఎత్తులో మరో ఉపరితల ఆవర్తనం ఏర్పడిందని వాతావరణశాఖ పేర్కొంది. ఈ వ్యవస్థ క్రమంగా ముందుకు కదులుతూ బుధవారం ఉదయానికి ఉత్తర అండమాన్ సముద్రంలోకి ప్రవేశించే అవకాశాలు ఉన్నాయి.
{{/usCountry}}థాయిలాండ్-మయన్మార్ ప్రాంతాల్లో సముద్ర మట్టానికి 4.5 కిలోమీటర్ల ఎత్తులో మరో ఉపరితల ఆవర్తనం ఏర్పడిందని వాతావరణశాఖ పేర్కొంది. ఈ వ్యవస్థ క్రమంగా ముందుకు కదులుతూ బుధవారం ఉదయానికి ఉత్తర అండమాన్ సముద్రంలోకి ప్రవేశించే అవకాశాలు ఉన్నాయి.
{{/usCountry}}ఆ తర్వాత ఇది పశ్చిమ-వాయవ్య దిశగా పయనించి అక్టోబర్ 23 నాటికి ఆగ్నేయ, దానిని ఆనుకుని ఉన్న తూర్పు-మధ్య బంగాళాఖాతంలో ఒక అల్పపీడనంగా బలపడే అవకాశం ఉంది. ఇది మరింత బలపడి వాయవ్య దిశగా ప్రయాణించి తీవ్ర రూపం దాల్చవచ్చని అమరావతి వాతావరణ కేంద్రం వెల్లడించింది. దీని ప్రభావంతో రాబోయే రోజుల్లో రాష్ట్రవ్యాప్తంగా వర్ష సూచనలు మరింత పెరిగే అవకాశాలు కనిపిస్తున్నాయి.
ఇక ఏపీ విపత్తుల నిర్వహణ సంస్థ బులెటిన్ లోని వివరాల ప్రకారం… ద్రోణి ప్రభావంతో ఇవాళ (21-10-2026) పోలవరం, కోనసీమ, మార్కాపురం, ప్రకాశం, నెల్లూరు, శ్రీసత్యసాయి, కడప, అన్నమయ్య, చిత్తూరు, తిరుపతి జిల్లాల్లో చెదురుమదురుగా పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశం ఉంది.