AP Local Body Elections : 4 కార్పొరేషన్లు, 21 మున్సిపాలిటీలు... జనసేన పోటీ చేసే స్థానాల జాబితా విడుదల, లిస్ట్ ఇదే

AP Local Body Elections : ఆంధ్రప్రదేశ్ స్థానిక సంస్థల ఎన్నికల్లో పోటీ చేసే స్థానాలను జనసేన ఖరారు చేసింది. పొత్తులో భాగంగా 4 మున్సిపల్ కార్పొరేషన్లు, 21 మున్సిపాలిటీలు, నగర పంచాయతీల్లో మేయర్లు, ఛైర్మన్ పదవులకు పోటీకి సిద్ధమైంది.

AP Local Body Elections : స్థానిక సంస్థల ఎన్నికల పోరుకు జనసేన పార్టీ సమాయత్తమైంది. కూటమి పొత్తులో భాగంగా తమ పార్టీ పోటీ చేసే మున్సిపల్ కార్పొరేషన్లు, మున్సిపాలిటీలు, నగర పంచాయతీల స్థానాలను అధికారికంగా ఖరారు చేసింది. ఈ మేరకు పోటీ చేయబోయే స్థానాల జాబితాను మంగళగిరిలోని పార్టీ కేంద్ర కార్యాలయం శుక్రవారం విడుదల చేసింది.

స్థానిక ఎన్నికలకు జనసేన సిద్ధం

మొత్తంగా 4 మున్సిపల్ కార్పొరేషన్లలో మేయర్ పదవులకు, 21 మున్సిపాలిటీలు మరియు నగర పంచాయతీల్లో ఛైర్మన్ స్థానాలకు జనసేన అభ్యర్థులు బరిలోకి దిగుతున్నారు. వీటితో పాటు ఆయా స్థానాల్లో పోటీ చేసే కార్పొరేటర్లు, కౌన్సిలర్ల అభ్యర్థులకు సంబంధించి 'బి-ఫారాలు' పంపిణీ చేసే ప్రక్రియను కూడా పార్టీ ఇప్పటికే ప్రారంభించింది. ఈ మొత్తం ఎన్నికల సన్నాహక ప్రక్రియను, ప్రతి దశను జనసేన అధినేత, రాష్ట్ర ఉప ముఖ్యమంత్రి పవన్ కళ్యాణ్ స్వయంగా పర్యవేక్షిస్తున్నారు.

జనసేన పోటీ చేసే 4 మున్సిపల్ కార్పొరేషన్లు:

1. శ్రీకాకుళం
2. కాకినాడ
3. ఏలూరు
4. విజయవాడ

పోటీ చేసే 21 మున్సిపాలిటీలు / నగర పంచాయతీలు:

1. రాజాం
2. పాలకొండ
3. సాలూరు
4. తుని
5. గొల్లప్రోలు
6. పిఠాపురం
7. సామర్లకోట
8. ముమ్మిడివరం
9. అమలాపురం
10. నిడదవోలు
11. నరసాపురం
12. భీమవరం
13. తాడేపల్లిగూడెం
14. తిరువూరు
15. పెడన
16. తెనాలి
17. చిలకలూరిపేట
18. దర్శి
19. మడకశిర
20. పుట్టపర్తి
21. పుత్తూరు