పవిత్ర కార్తీక మాసాన్ని పురస్కరించుకుని శైవ క్షేత్రాలను దర్శించుకునే భక్తులు, పర్యాటకుల సౌకర్యార్థం ఆంధ్రప్రదేశ్ రాష్ట్ర రోడ్డు రవాణా సంస్థ (APSRTC) రాష్ట్రవ్యాప్తంగా పలు డిపోల నుండి ప్రత్యేక బస్సు సర్వీసులు, టూర్ ప్యాకేజీలను అందుబాటులోకి తీసుకువచ్చింది. తక్కువ ఖర్చుతో, సురక్షితమైన, సౌకర్యవంతమైన ప్రయాణంతో పుణ్యక్షేత్రాలను దర్శించుకునేలా ఆర్టీసీ అధికారులు ఏర్పాట్లు చేశారు.
పంచారామ క్షేత్రాలకు
కార్తీక మాసంలో అత్యంత విశిష్టమైన పంచారామ క్షేత్రాలైన అమరావతి (అమరారామం), భీమవరం (సోమారామం), పాలకొల్లు (క్షీరారామం), ద్రాక్షారామం (భీమేశ్వర స్వామి), సామర్లకోట (కుమారభీమేశ్వర స్వామి) ఆలయాలను దర్శించుకునేలా ప్రత్యేక బస్సులను నడుపుతున్నారు.
ఏలూరు జిల్లా (ఏలూరు, నూజివీడు, జంగారెడ్డిగూడెం డిపోలు) నుంచి నవంబర్ 15, 22, 29 తేదీలతో పాటు డిసెంబర్ 6వ తేదీ రాత్రి 8 గంటలకు ఈ డిపోల నుండి బస్సులు బయలుదేరుతాయి. అల్ట్రా డీలక్స్ బస్సులో రూ. 1,100, సూపర్ లగ్జరీ బస్సులో రూ. 1,200 టికెట్ ధరగా నిర్ణయించారు.
తూర్పుగోదావరి జిల్లా (రాజమహేంద్రవరం, ఏలేశ్వరం డిపోలు) నుంచి ఎక్స్‌ప్రెస్ బస్సులో రూ. 900, అల్ట్రా డీలక్స్ రూ. 1,100, సూపర్ లగ్జరీ బస్సులో రూ. 1,150 ఛార్జీతో ఒకే రోజు యాత్ర ప్యాకేజీని అందిస్తున్నారు.
విజయవాడ (పండిట్ నెహ్రూ బస్ స్టేషన్) నుంచి భక్తుల రద్దీకి అనుగుణంగా తెల్లవారుజామున 4 గంటలకు ప్రత్యేక సూపర్ లగ్జరీ బస్సులను నడుపుతున్నారు.
గుంటూరు జిల్లా (గుంటూరు-1, మంగళగిరి, తెనాలి, పొన్నూరు డిపోలు) నుంచి ప్రతి శని, ఆదివారాల్లో రాత్రి 9:30, 9:35 గంటలకు బస్సులు బయలుదేరుతాయి.
శబరిమల ప్రత్యేక ప్యాకేజీలు
అయ్యప్ప స్వామి భక్తుల సౌకర్యార్థం 22 పుష్బ్యాక్ సీట్లు, వీడియో కోచ్ సదుపాయంతో కూడిన సూపర్ లగ్జరీ బస్సులను ఆర్టీసీ ఏర్పాటు చేసింది. ఏలూరు జిల్లా డిపోల నుండి 4 రోజుల యాత్ర రూ. 5,200 (తక్కువ సమయంలో శబరిమల దర్శనం చేసుకుని తిరిగి వచ్చేలా రూపొందించారు.). 6 రోజుల యాత్ర రూ. 6,000 (శబరిమలతో పాటు విజయవాడ, కాణిపాకం, భవాని, గురువాయూర్, ఎరుమేలి, పంబ, త్రివేణి సంగమం, మధురై, శ్రీరంగం, తిరుపతి క్షేత్రాల సందర్శన ఉంటుంది). 10 రోజుల యాత్ర రూ. 9,000గా నిర్ణయించారు.
{{/usCountry}}అయ్యప్ప స్వామి భక్తుల సౌకర్యార్థం 22 పుష్బ్యాక్ సీట్లు, వీడియో కోచ్ సదుపాయంతో కూడిన సూపర్ లగ్జరీ బస్సులను ఆర్టీసీ ఏర్పాటు చేసింది. ఏలూరు జిల్లా డిపోల నుండి 4 రోజుల యాత్ర రూ. 5,200 (తక్కువ సమయంలో శబరిమల దర్శనం చేసుకుని తిరిగి వచ్చేలా రూపొందించారు.). 6 రోజుల యాత్ర రూ. 6,000 (శబరిమలతో పాటు విజయవాడ, కాణిపాకం, భవాని, గురువాయూర్, ఎరుమేలి, పంబ, త్రివేణి సంగమం, మధురై, శ్రీరంగం, తిరుపతి క్షేత్రాల సందర్శన ఉంటుంది). 10 రోజుల యాత్ర రూ. 9,000గా నిర్ణయించారు.
{{/usCountry}}రాజమహేంద్రవరం (తూర్పుగోదావరి) నుండి 5 రోజుల యాత్రకు రూ. 5,000, 7 రోజుల యాత్రకు రూ. 6,000, 10 రోజుల యాత్రకు రూ. 7,500 ఛార్జీలుగా నిర్ణయించారు. శబరిమల యాత్రకు బస్సు బుక్ చేసుకునే ప్రతి గురుస్వామికి ఉచిత ప్రయాణ సదుపాయంతో పాటు ఇద్దరు మణికంఠులు, ఇద్దరు వంటవారికి ఉచిత ప్రవేశం కల్పిస్తున్నారు.
త్రిశైవ క్షేత్రాలకు
ఏలూరు నుండి శ్రీశైలం ప్రతి శనివారం, ఆదివారం రాత్రి 9 గంటలకు ప్రత్యేక బస్సులు నడుస్తాయి. గుంటూరు నుండి త్రిశైవ క్షేత్రాలు (శ్రీశైలం, యాగంటి, మహానంది) ప్రతి శని, ఆదివారాల్లో రాత్రి 9:30 గంటలకు బస్సులు బయలుదేరుతాయి. గుంటూరు నుండి రూ. 1,440 (సూపర్ లగ్జరీ), రూ. 1,380 (అల్ట్రా డీలక్స్), తెనాలి నుండి రూ. 1,540, అల్ట్రా డీలక్స్ రూ.1,480, మంగళగిరి నుండి రూ. 1,450, అల్ట్రా డీలక్స్ రూ. 1,510, పొన్నూరు నుండి రూ. 1,510, అల్ట్రా డీలక్స్ రూ. 1,450గా నిర్ణయించారు.
భక్తులు ముందస్తు రిజర్వేషన్ కోసం అధికారిక వెబ్‌సైట్ www.apsrtconline.in ద్వారా ఆన్‌లైన్‌లో టికెట్లు బుక్ చేసుకోవచ్చు. మరిన్ని వివరాల కోసం ఆయా డిపోల అధికారులను సంప్రదించవచ్చు:
ఏలూరు డిపో: 94410 10271, 99592 25487, జంగారెడ్డిగూడెం డిపో: 99592 25489, 94929 49350, 99592 25789, నూజివీడు డిపో: 99592 25461, మార్కెటింగ్ సెల్: 94416 41115, రాజమహేంద్రవరం / తూర్పుగోదావరి డిపోలు: 95023 00189, 83176 02975, 0883-2468625, 99592 25561 నెంబర్లను సంప్రదించవచ్చు.