శబరిమలలో ఇది ఆచారం కాదు.. ఏపీ ప్రభుత్వానికి లేఖలో ట్రావెన్కోర్ దేవస్థానం బోర్డు
Sabarimala Yatra : శబరిమల యాత్రకు విస్తృత ఏర్పాట్లు చేసినట్టుగా ఏపీ ప్రభుత్వానికి ట్రావెన్కోర్ దేవస్థానం బోర్డు ఛైర్మన్ జయకుమార్ లేఖ రాశారు. 'పరిశుభ్రమైన శబరిమల.. పవిత్రమైన శబరిమల' ఈఏడాది నినాదం అని చెప్పారు.
ప్రతి ఏడాది మాదిరిగానే ఈఏడాది కూడా శబరిమల ఉత్సవానికి విస్త్రతమైన ఏర్పాట్లు చేసినట్టు తిరువనంతపురం ట్రావెన్కోర్ దేవస్థానం బోర్డు(Travnacore Devaswom Board) ఛైర్మన్ కె.జయకుమార్.. ఏపీ ప్రభుత్వ ప్రధాన కార్యదర్శి జి.సాయి ప్రసాద్కి రాసిన లేఖలో పేర్కొన్నారు. ఆంధ్రప్రదేశ్ రాష్ట్రం నుండి ప్రతి ఏటా అధిక సంఖ్యలో అయ్యప్ప మాలదారులైన అయ్యప్ప భక్తులు శబరిమలను సందర్శించుకుంటారని గుర్తు చేశారు.

మరికొన్ని రోజుల్లో రెండు నెలల పాటు జరిగే శబరిమల పండుగ మహోత్సవం ప్రారంభం కానున్న నేపథ్యంలో భక్తులకు సంతృప్తికరమైన యాత్రా అనుభవాన్ని అందించేందుకు ట్రావెన్కోర్ దేవస్థానం బోర్డు విస్తృతమైన ఏర్పాట్లు చేసిందని తెలిపారు. గతంలో గుర్తించిన పలు లోపాలను సరిదిద్దినట్టుగా వెల్లడించారు. ముఖ్యంగా పారిశుద్ధ్య నిర్వహణలో గణనీయమైన మార్పులు తీసుకొచ్చామన్నారు. కొత్త పారిశుద్ధ్య విధానాన్ని ప్రవేశపెట్టడంతో పాటు మరుగుదొడ్ల వినియోగాన్ని ఉచితంగా అందుబాటులోకి తీసుకొచ్చామని లేఖలో పేర్కొన్నారు.
వాటిని పరిశుభ్రంగా ఉంచేందుకు ప్రత్యేకంగా ఒక ప్రొపెషనల్ ఏజెన్సీకి వాటి నిర్వహణ బాధ్యతను అప్పగించి వారి సేవలను వినియోగిస్తున్నామని ఏపీ ప్రభుత్వానికి ఛైర్మన్ కె.జయకుమార్ తెలిపారు. పెరుగుతున్న భక్తుల అవసరాలకు అనుగుణంగా తగినంత పరిమాణంలో అరవణ ప్రసాదం అందుబాటులో ఉంచనున్నామని స్పష్టం చేశారు.
'పరిశుభ్రమైన శబరిమల.. పవిత్రమైన శబరిమల' అనేది ఈ ఏడాది ప్రధాన ఇతివృత్తంగా నిర్ణయించి విస్తృతమైన ఏర్పాట్లు చేసినట్టు ఛైర్మన్ జయకుమార్ వెల్లడించారు. పంపా నది వద్ద అయ్యప్ప భక్తులు వదిలివేసే పాత దుస్తులను తీయడం ఒక సవాలుగా ఉందని లేఖలో ప్రస్తావించారు. నదిలో పాత దుస్తులను వదిలివేయడం భక్తులు అలాగే కొనసాగిస్తున్నారని తెలిపారు. నిజానికి ఈ ఆచారానికి ఎలాంటి మతపరమైన లేదా ఆచార సంబంధమైన ప్రాముఖ్యత లేదన్నారు.
ఈ అలవాటును అయ్యప్ప భక్తుల నుంచి పొగొట్టే దిశగా కృషి చేస్తున్నట్టు ట్రావెన్కోర్ దేవస్థానం బోర్డు తెలిపింది. అయితే ఈ ముఖ్యమైన సందేశాన్ని ఏపీ ప్రభుత్వం.. మీడియా ద్వారా అయ్యప్ప భక్తులకు తెలియజేయాలని కోరుతున్నట్టు ప్రధాన కార్యదర్శికి రాసిన లేఖలో జయకుమార్ తెలియజేశారు. ఈ ఏడాది శబరిమల యాత్ర విజయవంతంగా నిర్వహించేందుకు ఆంధ్రప్రదేశ్ ప్రభుత్వం సంపూర్ణ సహకారం అందించాలని ఏపీ ప్రభుత్వాన్ని ట్రావెన్కోర్ బోర్డు కోరింది.
ABOUT THE AUTHORAnand Saiఆనంద్ సాయి మాదాసు ప్రస్తుతం హిందుస్తాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్గా బాధ్యతలు నిర్వర్తిస్తున్నారు. డిజిటల్ మీడియాలో 9 ఏళ్లకుపైగా అనుభవం ఉంది. హెచ్టీ తెలుగులో చేరడం కంటే ముందు ఏబీపీ దేశంలో డిజిటల్ కంటెంట్ ప్రొడ్యూసర్గా పని చేశారు. మెుదట నవతెలంగాణ అనే దినపత్రికలో సబ్ఎడిటర్గా జర్నలిజం కెరీర్ మెుదలుపెట్టారు. ఆ తర్వాత కరీంనగర్లో ఈనాడు దినపత్రికలో కొంతకాలం సబ్ఎడిటర్గా బాధ్యతలు చూసుకున్నారు. కాకతీయ యూనివర్సిటీలో 2015-2017 పీజీ మాస్ కమ్యూనికేషన్ అండ్ జర్నలిజం చేశారు. ఈ సమయంలో మేడారం సమ్మక్క-సారలమ్మ జాతర కోసం ప్రత్యేకంగా క్యాంపస్ నుంచి పంపించిన టీమ్లో ఉన్నారు. పీజీ చదివే సమయంలోనే క్యాంపస్ రిక్రూట్మెంట్లో భాగంగా ఈటీవీ భారత్కు సెలక్ట్ అయ్యారు. అక్కడ ఆంధ్రప్రదేశ్ డెస్క్లో పని చేశారు. అంతేకాదు కొన్ని ప్రత్యేక స్టోరీలు కూడా ఈటీవీ భారత్ వెబ్సైట్ కోసం రాసేవారు. 2019 ఎన్నికల్లో ఎలక్షన్ డెస్క్ టీమ్లో ఉన్న నలుగురిలో ఆనంద్ సాయి ఒకరు. ఆ తర్వాత అక్కడ నుంచి ఏబీపీ దేశంలోకి వెళ్లి కొంతకాలం పని చేశారు. ఈ సమయంలో కూడా డిజిటల్ మీడియాకు తగినట్టుగా అనేక ప్రత్యేక కథనాలు రాశారు. హిందూస్తాన్ టైమ్స్ తెలుగులో 2022లో చేరారు. ఇక్కడ గతంలో నేషనల్, బిజినెస్, లైఫ్స్టైల్, ఎంటర్టైన్మెంట్, స్పోర్ట్స్ సెక్షన్లకు పనిచేశారు. ప్రస్తుతం ఆంధ్రప్రదేశ్, తెలంగాణ సెక్షన్లకు వార్తలు రాస్తున్నారు. అన్ని సెక్షన్లకు డిజిటల్ కంటెంట్ రైటర్గా పని చేసిన అనుభవం ఆయనకు ఉంది. అంతేకాదు ఈటీవీ భారత్, ఏబీపీ దేశం, హిందుస్తాన్ టైమ్స్ వెబ్సైట్స్ లాంచ్ టీమ్లో ఈయన ఉన్నారు. ప్రస్తుతం ఆంధ్రప్రదేశ్, తెలంగాణ రాజకీయ పరిణామాలు, విశ్లేషణలు, విద్య, ఉద్యోగ సమాచారంతో పాటు ఆసక్తికరమైన కథనాలను అందిస్తారు. ప్రభుత్వ పథకాలు, ఉద్యోగ నోటిఫికేషన్లు, ఇతర సమాచారం ప్రజలకు సులభంగా అర్థమయ్యే రీతిలో, వీలైనంత త్వరగా కథనాలను ఇవ్వటంలో ప్రత్యేక శైలి కలిగి ఉన్నారు. అనేకసార్లు హిందుస్తాన్ టైమ్స్ సంస్థ నుంచి ఇన్స్టా అవార్డులు అందుకున్నారు. డిజిటల్ మీడియాలో ఎక్కువకాలం పని చేసిన అనుభవం ఉంది. యూజర్లకు ఉపయోగపడే వార్తలను అందించడంలో ముందుంటారు.Read More

E-Paper


