రాజమహేంద్రవరం 4వ బెటాలియన్‌, ఏపీఎస్పీలో ఉద్యోగాలు.. దరఖాస్తులు ఇలా

రాజమహేంద్రవరం APSP 4వ బెటాలియన్‌లో అవుట్‌సోర్సింగ్ ఉద్యోగాలకు నోటిఫికేషన్ వెలువడింది. ఆసక్తి ఉన్న అభ్యర్థులు ఈ పోస్టులకు దరఖాస్తులు చేసుకోవచ్చు.

ఆంధ్రప్రదేశ్ పోలీసు శాఖ పరిధిలోని రాజమహేంద్రవరం 4వ (IR) బెటాలియన్, APSPలో ఖాళీగా ఉన్న వివిధ రకాల అవుట్‌సోర్సింగ్ ఉద్యోగాల భర్తీకి నోటిఫికేషన్ విడుదలైంది. ఉమ్మడి తూర్పుగోదావరి జిల్లా పరిధిలోని అర్హులైన అభ్యర్థుల నుంచి దరఖాస్తులను ఆహ్వానిస్తున్నట్లు జిల్లా కలెక్టర్ కీర్తి చేకూరి, జాయింట్ కలెక్టర్ వై. మేఘ స్వరూప్, 4వ బెటాలియన్ కమాండెంట్ పి. సత్తిబాబు ఒక సంయుక్త ప్రకటనలో తెలిపారు.

రాజమహేంద్రవరంలో ఉద్యోగాలు

మొత్తంగా వివిధ విభాగాల్లో పోస్టులను భర్తీ చేయనున్నారు. ఈ పోస్టులకు నెలకు రూ. 15,000 వేతనంగా చెల్లిస్తారు. రికార్డు అసిస్టెంట్ (Record Assistant)01, ఆఫీస్ సబోర్డినేట్ 1, స్వీపర్లు 9, దోబీలు 5, బార్బర్లు 4, కుక్స్ 14, స్కావెంజర్స్ 03 పోస్టులు ఉన్నాయి.

పోస్టును బట్టి విద్యార్హతలు ఉంటాయి. 7వ తరగతి చదవడం, రాయడం, సంబంధిత వృత్తి నైపుణ్యం ఉండాలి. 01.07.2026 నాటికి అభ్యర్థుల వయస్సు 18 సంవత్సరాల నుండి 42 సంవత్సరాల మధ్య ఉండాలి. SC, ST, BC, EWS అభ్యర్థులకు 5 సంవత్సరాల మినహాయింపు ఉంటుంది(గరిష్ట వయస్సు 47 సంవత్సరాలు).

రోస్టర్ పాయింట్లు, రిజర్వేషన్లు ఏపీ ప్రభుత్వ నిబంధనల ప్రకారం అమలు చేస్తారు. రాతపరీక్ష ఉంటుంది. మొత్తం 100 మార్కులకు ఎంపిక ప్రక్రియ ఉంటుంది. ఇంటర్వ్యూ కూడా నిర్వహిస్తారు.

దరఖాస్తు ఫారమ్‌ను తూర్పు గోదావరి జిల్లా అధికారిక వెబ్‌సైట్ https://eastgodavari.ap.gov.in/ నుండి డౌన్‌లోడ్ చేసుకోవచ్చు. దరఖాస్తు ప్రారంభ తేదీ 27-08-2026 ఉదయం 10:00 గంటల నుండి చివరి తేదీ: 05-09-2026 సాయంత్రం 5:00 గంటలలోపు చేయాలి.

పూర్తి చేసిన దరఖాస్తును గెజిటెడ్ అధికారితో అటెస్ట్ చేసి.. విద్యార్హతలు, కుల/ఈడబ్ల్యూఎస్, ఆధార్ కార్డ్, 4 నుండి 10వ తరగతి వరకు స్టడీ సర్టిఫికెట్ల జిరాక్స్‌లతో జతచేసి నేరుగా గానీ లేదా పోస్టు ద్వారా గానీ క్రింది చిరునామాకు పంపాలి.

దరఖాస్తు పంపవలసిన చిరునామా:కమాండెంట్,4వ IR బెటాలియన్, APSP,(42వ బెటాలియన్ CRPF పక్కన), ఏ.వి. అప్పారావు రోడ్, లాలాచెరువు, రాజమహేంద్రవరం, తూర్పు గోదావరి జిల్లా - 533106.

ఈ నియామకాలకు ఉమ్మడి తూర్పుగోదావరి జిల్లా అభ్యర్థులను మాత్రమే లోకల్ అభ్యర్థులుగా పరిగణిస్తారు. దరఖాస్తుతో పాటు ఆధార్ కార్డు, పనిచేస్తున్న మొబైల్ నంబర్/ఈమెయిల్ తప్పనిసరి. ఎంపికైన ఉద్యోగులు బెటాలియన్ అవసరాల నిమిత్తం రాష్ట్రంలో ఎక్కడికైనా వెళ్లడానికి సిద్ధంగా ఉండాలి.

Loading PDF...