AP Telangana Weather Updates : తెలుగు రాష్ట్రాల్లో వాతావరణ పరిస్థితుల్లో పలు మార్పులు చోటుచేసుకుంటున్నాయి. నైరుతి బెంగాల్ మహాసముద్రం, దానిని ఆనుకుని ఉన్న ఉత్తర ఒడిశా తీర ప్రాంతాలపై ఏర్పడిన ఉపరితల ఆవర్తనం ప్రభావంతో శనివారం (ఆగస్టు 8, 2026) ఉదయం 08:30 గంటల సమయానికి అదే ప్రాంతంలో అల్పపీడనం ఏర్పడిందని వాతావరణ కేంద్రం పేర్కొంది.
ఈ అల్పపీడనానికి అనుబంధంగా ఉన్న ఉపరితల ఆవర్తనం సగటు సముద్ర మట్టానికి 7.6 కిలోమీటర్ల ఎత్తు వరకు విస్తరించి ఉంది. ఎత్తుకు వెళ్లేకొద్దీ ఇది నైరుతి దిశగా వంగి ఉందని ఐఎండీ వివరించింది. ఆంధ్రప్రదేశ్, యానాం ప్రాంతాల్లో దిగువ ట్రోపో ఆవరణంలో పశ్చిమ, వాయువ్య దిశల నుంచి గాలులు వీస్తున్నట్లు పేర్కొంది.
ఈ అల్పపీడన ప్రభావంతో రాగల ఐదు రోజుల పాటు (ఆగస్టు 8 నుండి ఆగస్టు 12 వరకు) ఆంధ్రప్రదేశ్, యానాం పరిధిలోని వివిధ ప్రాంతాల్లో వాతావరణ మార్పులు కనిపిస్తాయని అమరావతి వాతావరణ కేంద్రం తెలిపింది.
- ఉత్తర కోస్తా : ఈ ప్రాంతాల్లో ఒకటి లేదా రెండు చోట్ల తేలికపాటి నుండి మోస్తరు వర్షాలు లేదా ఉరుములతో కూడిన జల్లులు కురిసే అవకాశం ఉంది. అక్కడక్కడ ఉరుములు, మెరుపులతో కూడిన పిడుగులు పడే ప్రమాదం ఉందని తెలిపారు.
- దక్షిణ కోస్తాంధ్ర & రాయలసీమ : ఇక్కడ కూడా తేలికపాటి నుండి మోస్తరు వర్షాలు పడే అవకాశం ఉంది.
- తీరప్రాంతాలతో పాటు రాయలసీమ పరిధిలోని కొన్ని ప్రాంతాల్లో గంటకు 40 నుండి 50 కిలోమీటర్ల వేగంతో బలమైన ఈదురు గాలులు వీచే అవకాశముంది.
తెలంగాణ వెదర్ రిపోర్ట్ :
తెలంగాణలో రాబోయే ఆరు రోజుల పాటు (ఆగస్టు 8 నుండి ఆగస్టు 14 వరకు) సాధారణ వాతావరణ సూచనలు జారీ అయ్యాయి. రాష్ట్రవ్యాప్తంగా పలు జిల్లాల్లో తేలికపాటి నుండి ఒక మోస్తరు వర్షాలు అక్కడక్కడ కురిసే అవకాశం ఉందని హైదరాబాద్ వాతావరణ కేంద్రం తాజా బులెటిన్ లో పేర్కొంది. ఎలాంటి తీవ్రమైన వాతావరణ హెచ్చరికలు లేవని స్పష్టం చేసింది.
{{/usCountry}}తెలంగాణలో రాబోయే ఆరు రోజుల పాటు (ఆగస్టు 8 నుండి ఆగస్టు 14 వరకు) సాధారణ వాతావరణ సూచనలు జారీ అయ్యాయి. రాష్ట్రవ్యాప్తంగా పలు జిల్లాల్లో తేలికపాటి నుండి ఒక మోస్తరు వర్షాలు అక్కడక్కడ కురిసే అవకాశం ఉందని హైదరాబాద్ వాతావరణ కేంద్రం తాజా బులెటిన్ లో పేర్కొంది. ఎలాంటి తీవ్రమైన వాతావరణ హెచ్చరికలు లేవని స్పష్టం చేసింది.
{{/usCountry}}ఇవాళ(ఆగస్ట్ 8) మరికొన్ని గంటల్లో హైదరాబాద్, భూపాలపల్లి, కరీంనగర్, ఆసిఫాబాద్, మేడ్చల్, మంచిర్యాల, మహబూబ్ నగర్, మెదక్, నాగర్ కర్నూల్, నల్గొండ, నారాయణపేట, పెద్దపల్లి, రంగారెడ్డి, సంగారెడ్డి, సిద్ధిపేట, వికారాబాద్, వనపర్తి, భువనగిరి జిల్లాల్లోతేలికపాటి నుంచి ఉరుములతో కూడిన తేలికపాటి వర్షం పడొచ్చు.