ఆంధ్రప్రదేశ్‌లోని ప్రకాశం జిల్లాలో తీవ్ర దిగ్భ్రాంతికి గురిచేసే విషాద సంఘటన వెలుగుచూసింది. నాగులుప్పలపాడు మండల కేంద్రంలో ఆరేళ్ల పసిపాపపై ఒక కామాంధుడు అత్యంత పాశవికంగా అత్యాచారానికి ఒడిగట్టి, అనంతరం ఊపిరి తీసి దారుణంగా హత్య చేశాడు. ఆదివారం అర్ధరాత్రి జరిగిన ఈ సంఘటన స్థానికంగా తీవ్ర కలకలం రేపగా.. నిందితుడికి కఠిన శిక్ష విధించాలని డిమాండ్ చేస్తూ ప్రజలు, బాధిత కుటుంబ సభ్యులు పెద్ద ఎత్తున రోడ్డుపైకి వచ్చారు.
బాధిత చిన్నారి తల్లిదండ్రులు పొట్టకూటి కోసం హైదరాబాద్‌కు వెళ్లి బేల్దారి పనులు చేసుకుంటున్నారు. పాపను గ్రామంలోని అమ్మమ్మ సంరక్షణలో ఉంచారు. ఆదివారం రాత్రి వేళ చిన్నారి ఇంటి ఆరుబయట నిద్రిస్తుండగా, అదే కాలనీకి చెందిన ఆనంద్ అనే వ్యక్తి ఆమెను ఎత్తుకెళ్లాడు. నిర్మానుష్య ప్రాంతానికి తీసుకెళ్లి చిన్నారిపై అత్యాచారానికి పాల్పడ్డాడు. అనంతరం పాప కేకలు వేయకుండా దారుణంగా హత్య చేశాడు. ఎవరికీ అనుమానం రాకుండా మృతదేహాన్ని తెచ్చి ఇంటి వద్ద ఉన్న ఒక కుర్చీలో కూర్చోబెట్టి అక్కడ నుంచి పారిపోయేందుకు యత్నించాడు.
పాప పరిస్థితిని గమనించిన కుటుంబ సభ్యులు, స్థానికులు వెంటనే అప్రమత్తమయ్యారు. పారిపోతున్న నిందితుడు ఆనంద్‌ను పట్టుకుని దేహశుద్ధి చేశారు. అనంతరం సమాచారం అందుకున్న పోలీసులకు అక్కడికి చేరుకోగా అప్పగించారు. మృతదేహాన్ని పోస్టుమార్టం నిమిత్తం ఒంగోలులోని రిమ్స్ ఆసుపత్రికి తరలించారు. పోలీసులు ఈ ఘటనపై తీవ్రమైన సెక్షన్ల కింద కేసు నమోదు చేసి విచారణ ప్రారంభించారు.
ఈ దారుణ ఘటనపై స్థానికులు, బాధిత కుటుంబ సభ్యులు తీవ్ర ఆగ్రహం వ్యక్తం చేశారు. నిందితుడిని తమకు అప్పగించాలని, అతనికి తక్షణమే కఠిన శిక్ష పడేలా చర్యలు తీసుకోవాలని డిమాండ్ చేస్తూ నేషనల్ హైవేపై ధర్నాకు దిగారు. రహదారిపై బైఠాయించడంతో వాహనాల రాకపోకలకు తీవ్ర విఘాతం కలిగింది. భవిష్యత్తులో ఏ చిన్నారికి కూడా ఇలాంటి అన్యాయం జరగకూడదని, కేసును ఫాస్ట్ ట్రాక్ కోర్టు ద్వారా త్వరితగతిన విచారించి కఠినంగా శిక్షించాలని ఆందోళనకారులు స్పష్టం చేశారు.
ఈ ఘటనపై రాష్ట్ర మహిళా కమిషన్ ఛైర్‌పర్సన్ డాక్టర్ రాయపాటి శైలజ తీవ్ర దిగ్భ్రాంతి వ్యక్తం చేశారు. ఇది సమాజం తలదించుకోవాల్సిన దారుణమైన చర్య అని వ్యాఖ్యానించారు. ఈ కేసుకు సంబంధించి సమగ్రమైన విచారణ వేగవంతంగా పూర్తి చేయాలని పోలీసు ఉన్నతాధికారులను ఆదేశించారు.
{{/usCountry}}ఈ ఘటనపై రాష్ట్ర మహిళా కమిషన్ ఛైర్‌పర్సన్ డాక్టర్ రాయపాటి శైలజ తీవ్ర దిగ్భ్రాంతి వ్యక్తం చేశారు. ఇది సమాజం తలదించుకోవాల్సిన దారుణమైన చర్య అని వ్యాఖ్యానించారు. ఈ కేసుకు సంబంధించి సమగ్రమైన విచారణ వేగవంతంగా పూర్తి చేయాలని పోలీసు ఉన్నతాధికారులను ఆదేశించారు.
{{/usCountry}}చిన్నారి కుటుంబానికి చట్టపరంగా, మానవతా కోణంలో తగిన న్యాయం జరిగేలా చూస్తామని హామీ ఇచ్చారు. నాగులుప్పలపాడుకు స్వయంగా బయలుదేరి వెళ్లిన ఛైర్‌పర్సన్, బాధిత కుటుంబాన్ని పరామర్శించి వారికి ధైర్యం చెప్పారు.