కలియుగ వైకుంఠనాథుడైన శ్రీవేంకటేశ్వర స్వామిని దర్శించుకోవడానికి వచ్చే అమాయక భక్తులను టార్గెట్ చేస్తూ కొందరు దళారులు మోసాలకు తెగబడుతున్నారు. తిరుమలలో శ్రీవారి ప్రత్యేక దర్శన టికెట్లు ఇప్పిస్తామని, గదుల వసతి కల్పరిస్తామని నమ్మించి భక్తుల నుంచి పెద్ద ఎత్తున సొమ్ము గుంజుతున్నారు. ఇటీవల కాలంలో ఇలాంటి మోసపూరిత సంఘటనలు ఎక్కువవడంతో తిరుమల తిరుపతి దేవస్థానం (టీటీడీ) భక్తులకు మరోసారి కీలక హెచ్చరిక జారీ చేసింది. స్వామివారిపై ఉన్న అపారమైన భక్తి, దర్శనం కోసం ఉండే ఆరాటాన్ని దళారులు తమ స్వార్థానికి ఆసరాగా చేసుకుంటున్నారని…. భక్తులు ఎట్టిపరిస్థితుల్లోనూ మధ్యవర్తుల మాయమాటలు నమ్మవద్దని స్పష్టం చేసింది.
టీటీడీ టోల్ ఫ్రీ నెంబర్….
భక్తులను నిలువునా ముంచుతున్న అక్రమార్కులపై టీటీడీ యంత్రాంగం ప్రత్యేక నిఘా పెట్టింది. విజిలెన్స్ విభాగం ద్వారా దళారులపై నిరంతరం నిఘా ఉంచుతూ కఠిన చర్యలు తీసుకుంటున్నప్పటికీ…. కొందరు అక్రమార్కులు ఇంకా మోసాలకు పాల్పడుతూనే ఉన్నారు. ఈ నేపథ్యంలో భక్తుల రక్షణ కోసం టీటీడీ ఒక కీలకమైన నిర్ణయం తీసుకుంది.
తిరుమల కొండపై గానీ, కింద తిరుపతిలో గానీ ఎవరైనా దర్శనం పేరిట లేదా వసతి గదుల పేరిట మిమ్మల్ని సంప్రదించి డబ్బులు అడిగితే తక్షణమే స్పందించాలని కోరింది. భక్తులు ఎలాంటి భయాలు లేకుండా వెంటనే టీటీడీ అధికారిక టోల్ ఫ్రీ నెంబర్ 155257 కు ఫోన్ చేసి ఫిర్యాదు చేయవచ్చని వెల్లడించింది. అలాంటి వారిపై చట్టపరంగా అత్యంత కఠినమైన చర్యలు తీసుకుంటామని హెచ్చరించింది.
ఆ వార్తలు అవాస్తవం - టీటీడీ
మరోవైపు వయోవృద్ధులు, దివ్యాంగుల (PHC) శ్రీవారి దర్శనానికి సంబంధించి గత కొంతకాలంగా సోషల్ మీడియా వేదికగా కొన్ని తప్పుడు వార్తలు, గందరగోళపరిచే వదంతులు విపరీతంగా ప్రచారమవుతున్నాయి. ఈ ప్రచారాలపై టీటీడీ తీవ్రంగా స్పందించింది. సామాజిక మాధ్యమాల్లో వస్తున్న ఆ వార్తలన్నీ పూర్తిగా అవాస్తవమని తేల్చిచెప్పింది. వృద్ధులు, దివ్యాంగుల దర్శనం కోసం అనుసరిస్తున్న అసలైన నిబంధనలను టీటీడీ ఈ సందర్భంగా భక్తులకు వివరించింది.
- ఆన్లైన్ కోటా : ప్రతిరోజూ 1,000 మంది వయోవృద్ధులు, దివ్యాంగుల కోసం టీటీడీ మూడు నెలల ముందుగానే ఆన్లైన్ కోటాను అధికారికంగా విడుదల చేస్తుంది.
- టికెట్ ధర - లడ్డు : ఈ ప్రత్యేక దర్శన టికెట్ ధర కేవలం రూ.50 మాత్రమే ఉంటుంది. ఈ టికెట్ పొందిన ప్రతి భక్తునికి ఒక లడ్డును టీటీడీ ఉచితంగా అందజేస్తుంది.
- దర్శన సమయం - మార్గం : తిరుమలలోని 'తిరుమల నంబి ఆలయానికి' ఆనుకుని ఉన్న ప్రత్యేక లైన్ (సీనియర్ సిటిజన్/PHC లైన్) ద్వారా ప్రతిరోజూ మధ్యాహ్నం 3 గంటలకు వీరిని స్వామివారి దర్శనానికి అనుమతిస్తారు.
సోషల్ మీడియాలో వచ్చే ఎలాంటి అసత్య ప్రచారాలను నమ్మి భక్తులు తప్పుదోవ పట్టవద్దని టీటీడీ కోరింది. శ్రీవారి దర్శన టికెట్లు, లడ్డు ప్రసాదం, వసతి గదుల బుకింగ్స్ లేదా తిరుమలకు సంబంధించిన ఎలాంటి ఖచ్చితమైన సమాచారం కోసమైనా భక్తులు టీటీడీ అధికారిక వెబ్సైట్లను మాత్రమే పరిశీలించాలని స్పష్టం చేసింది. సమాచారం కోసం www.tirumala.org లేదా https://ttdevastanams.ap.in అనే అధికారిక వెబ్సైట్లను మాత్రమే సంప్రదించాలని కోరింది. దళారుల బారిన పడి డబ్బులు పోగొట్టుకోవద్దని విజ్ఞప్తి చేసింది.
{{/usCountry}}సోషల్ మీడియాలో వచ్చే ఎలాంటి అసత్య ప్రచారాలను నమ్మి భక్తులు తప్పుదోవ పట్టవద్దని టీటీడీ కోరింది. శ్రీవారి దర్శన టికెట్లు, లడ్డు ప్రసాదం, వసతి గదుల బుకింగ్స్ లేదా తిరుమలకు సంబంధించిన ఎలాంటి ఖచ్చితమైన సమాచారం కోసమైనా భక్తులు టీటీడీ అధికారిక వెబ్సైట్లను మాత్రమే పరిశీలించాలని స్పష్టం చేసింది. సమాచారం కోసం www.tirumala.org లేదా https://ttdevastanams.ap.in అనే అధికారిక వెబ్సైట్లను మాత్రమే సంప్రదించాలని కోరింది. దళారుల బారిన పడి డబ్బులు పోగొట్టుకోవద్దని విజ్ఞప్తి చేసింది.
{{/usCountry}}