ఏపీ ప్రయాణికులకు శుభవార్త - రాయలసీమ మీదుగా ప్రత్యేక రైళ్లు, హాల్ట్ లిస్టులో అరుణాచలం..!

వేళాంకన్ని పండుగ భక్తుల రద్దీని దృష్టిలో ఉంచుకుని లోక్‌మాన్య తిలక్ టెర్మినస్ - వేళాంకన్ని మధ్య ప్రత్యేక రైళ్లను నడుపుతున్నట్లు రైల్వే శాఖ ప్రకటించింది. ఏపీలోని పలు ప్రధాన స్టేషన్ల మీదుగా ఈ రైళ్లు ప్రయాణించనున్నాయి.

ప్రసిద్ధ ఆధ్యాత్మిక క్షేత్రం వేలంకన్నిలో జరగనున్న వార్షిక పండుగ మహోత్సవాలకు వెళ్లే భక్తుల సౌకర్యార్థం భారతీయ రైల్వే కీలక నిర్ణయం తీసుకుంది. ప్రయాణికుల అదనపు రద్దీని అధిగమించేందుకు ముంబైలోని లోక్‌మాన్య తిలక్ టెర్మినస్ , వేళాంకణ్ణి మధ్య ప్రత్యేక రైలు సర్వీసులను అందుబాటులోకి తీసుకొచ్చింది. ఈ మేరకు దక్షిణ మధ్య రైల్వే పలు వివరాలను వెల్లడించింది.

ప్రత్యేక రైళ్లు

ఈ ప్రత్యేక సర్వీసులు ఆంధ్రప్రదేశ్‌లోని పలు ముఖ్యమైన రైల్వే స్టేషన్ల మీదుగా ప్రయాణించనున్నాయి. దీంతో రాయలసీమ ప్రాంతాలకు చెందిన ఆధ్యాత్మిక భక్తులకు, ప్రయాణికులకు వేలంకన్నికి వెళ్లేందుకు ప్రయాణ సౌకర్యం మరింత సులభతరం కానుంది.

లోక్‌మాన్య తిలక్ – వేలంకన్ని (ట్రైన్ నంబర్: 01161) :

• ఈ ప్రత్యేక రైలు (01161) లోక్‌మాన్య తిలక్ టెర్మినస్ నుంచి ఉదయం 11:50 గంటలకు బయలుదేరి, మూడో రోజు తెల్లవారుజామున 02:00 గంటలకు వేలంకన్నికి చేరుకుంటుంది.
• ఆగస్టు 26, 2026 (బుధవారం) మరియు సెప్టెంబర్ 07, 2026 (సోమవారం) తేదీల్లో ఈ రైలు అందుబాటులో ఉంటుంది. మొత్తం 2 ట్రిప్పులు నడుస్తాయి.

వేళాంకణ్ణి – లోక్‌మాన్య తిలక్ (ట్రైన్ నంబర్: 01162) :

• తిరుగు ప్రయాణంలో ఈ ప్రత్యేక రైలు (01162) వేళాంకణ్ణి నుంచి ఉదయం 05:15 గంటలకు బయలుదేరి, మరుసటి రోజు సాయంత్రం 16:40 (4:40) గంటలకు లోక్‌మాన్య తిలక్ టెర్మినస్‌కు చేరుకుంటుంది.
• ఆగస్టు 28, 2026 (శుక్రవారం) మరియు సెప్టెంబర్ 09, 2026 (బుధవారం) తేదీల్లో ఈ రైలు అందుబాటులో ఉంటుంది. ఇవి కూడా మొత్తం 2 ట్రిప్పులు నడుస్తాయి.

ఆగే స్టేషన్లు - లిస్టులో అరుణాచలం

భక్తుల సౌకర్యార్థం ఈ ప్రత్యేక రైళ్లలో అన్ని వర్గాల ప్రయాణికులకు అనుకూలమైన కోచ్‌లను అందుబాటులో ఉంచారు. ఇందులో ఏసీ సెకండ్ టైర్, ఏసీ థర్డ్ టైర్ , స్లీపర్ క్లాస్, జనరల్ సెకండ్ క్లాస్ (General Second Class) కోచ్‌లను ఏర్పాటు చేశారు.

పండుగ రద్దీ దృష్ట్యా వేళాంకణ్ణి వెళ్లే భక్తులు ఈ ప్రత్యేక రైలు సర్వీసులను వినియోగించుకోవాలని… ముందస్తు రిజర్వేషన్లు చేసుకోవాలని రైల్వే అధికారులు సూచించారు.