Railway Alert : ఎక్స్‌ప్రెస్‌గా సూపర్‌ఫాస్ట్ రైలు.. కొన్ని ట్రైన్ నంబర్లు మార్పు!

Railway Alert : సౌత్ కోస్ట్ రైల్వే, దక్షిణ మధ్య రైల్వే పరిధిలో ప్రయాణించే రైలు ప్రయాణికులకు ముఖ్య గమనిక. రాబోయే కొత్త టైమ్‌టేబుల్ సవరణలు, రైళ్లలో మార్పుల్లో భాగంగా పలు రైళ్ల నంబర్లు, కేటగిరీలలో రైల్వే శాఖ కీలక మార్పులు చేసింది.

ఇప్పటివరకు సూపర్ ఫాస్ట్ కేటగిరీలో నడిచిన పలు రైళ్లను నాన్-సూపర్ ఫాస్ట్/సాధారణ ఎక్స్‌ప్రెస్ కేటగిరీలోకి మారుస్తూ రైల్వే అధికారులు నిర్ణయం తీసుకున్నారు. ఈ మార్పులు 2027 జనవరి 1 నుండి అమల్లోకి రానున్నాయి. ఈ నేపథ్యంలో ప్రయాణికులు తమ ప్రయాణ ప్రణాళికను సిద్ధం చేసుకునే ముందు కొత్త ట్రైన్ నంబర్లను కూడా సరిచూసుకోవాలని రైల్వే శాఖ సూచించింది.

ప్రతీకాత్మక చిత్రం (image source Pixel)

దక్షిణ కోస్తా రైల్వే పరిధిలో మారిన రైళ్ల వివరాలు అధికారులు వెల్లడించారు. 120807 (విశాఖపట్నం - అమృత్‌సర్) సూపర్‌ఫాస్ట్... 2027 జనవరి 1 నుంచి 18513 నెంబర్‌తో ఎక్స్‌ప్రెస్‌గా నడుస్తుంది. అలాగే 20808 (అమృత్‌సర్ - విశాఖపట్నం) రైలు.. 18514 నెంబర్‌తోపాటు ఎక్స్‌ప్రెస్‌మారింది.

22875 (విశాఖపట్నం - గుంటూరు) ఉదయ్ ఎక్స్‌ప్రెస్.. 18531 నెంబర్‌లో మారుతుంది. 22876(గుంటూరు - విశాఖపట్నం) ఉదయ్ ఎక్స్‌ప్రెస్ 18532 ఎక్స్‌ప్రెస్‌గా అవుతుంది. 12787(నరసాపూర్ - నాగర్‌సోల్) ఎక్స్‌ప్రెస్.. 17241గా, 12788(నాగర్‌సోల్ - నరసాపూర్) ఎక్స్‌ప్రెస్ 17242 నెంబర్‌లో మారుతుంది. 12747 (గుంటూరు - వికారాబాద్) ఎక్స్‌ప్రెస్.. 17349గా మారనుంది. 12748(వికారాబాద్ - గుంటూరు) ఎక్స్‌ప్రెస్.. 17350గా అవుతుంది.

12789 (కాచిగూడ - కుమ్టా) ఎక్స్‌ప్రెస్ 17689 నెంబర్‌గా, 12790 (కుమ్టా - కాచిగూడ) ఎక్స్‌ప్రెస్ 17690గా, 15673 (చర్లపల్లి - కామాఖ్య) ఎక్స్‌ప్రెస్ 17083 నెంబర్‌కి, 15674 (కామాఖ్య - చర్లపల్లి) ఎక్స్‌ప్రెస్.. 17084 నెంబర్‌ ట్రైన్‌గా మారనుంది. ఈ కొత్త ట్రైన్ నెంబర్లు జనవరి 2027 నుంచి అమలులోకి వస్తాయని రైల్వే శాఖ ప్రకటించింది.

ప్రయాణ సమయంలో ఎలాంటి గందరగోళానికి గురికాకుండా ఉండటానికి, బయలుదేరే ముందే ప్రయాణికులు సవరించిన రైలు నంబర్లను గమనించాలని రైల్వే శాఖ కోరింది. రైలు వేళలు, స్టేషన్ల వద్ద నిలుపుదల, టికెట్ బుకింగ్ సంబంధిత సమాచారం కోసం ప్రయాణికులు రైల్వే హెల్ప్‌లైన్ నంబర్ 139 లో సంప్రదించవచ్చు.