పండుగల సీజన్‌లో సొంత ఊళ్లకు వెళ్లే ప్రయాణికులతో రైళ్లన్నీ కిటకిటలాడుతున్నాయి. ముఖ్యంగా దసరా, దీపావళి సందర్భంగా ప్రయాణికుల రాకపోకల రద్దీ క్రమంగా పెరుగుతోంది. ఈ అదనపు ప్రయాణికుల రద్దీని అధిగమించేందుకు దక్షిణ కోస్తా రైల్వే కీలక నిర్ణయం తీసుకుంది.
జార్ఖండ్‌లోని హటియా నుంచి కర్ణాటకలోని ఎస్ఎమ్‌విటి బెంగళూరు జంక్షన్ మధ్య వారపు ప్రత్యేక రైలు సర్వీసులను నడపనున్నట్లు సౌత్ కోస్ట్ రైల్వే ప్రకటించింది. అక్టోబర్ 14 నుంచి నవంబర్ 13 వరకు రెండు వైపుల నుంచి చెరో 5 ట్రిప్పుల చొప్పున ఈ రైళ్లు అందుబాటులో ఉంటాయి.
విశాఖపట్నం (దువ్వాడ), రాజమండ్రి, విజయవాడ, నెల్లూరు, రేణిగుంట మీదుగా ఈ రైలు ప్రయాణించనుండటంతో తెలుగు రాష్ట్రాలకు చెందిన వేలాది మంది ప్రయాణికులకు తీవ్ర ఊరట లభించనుంది.
- హటియా - ఎస్ఎమ్‌విటి బెంగళూరు వారపు స్పెషల్ ఎక్స్‌ప్రెస్ (నంబర్: 08637) : ఈ ప్రత్యేక రైలు అక్టోబర్ 14 నుంచి నవంబర్ 11 వరకు ప్రతి బుధవారం ఉదయం 09:00 గంటలకు హటియాలో బయలుదేరుతుంది. గురువారం తెల్లవారుజామున 01:28 గంటలకు దువ్వాడ (విశాఖపట్నం) చేరుకుని, 01:30 గంటలకు బయలుదేరుతుంది. అదే రోజు (గురువారం) రాత్రి 20:45 గంటలకు ఎస్ఎమ్‌విటి బెంగళూరు జంక్షన్‌కు చేరుకుంటుంది. మొత్తం 5 ట్రిప్పులు ఈ సర్వీస్ నడుస్తుంది.
- ఎస్ఎమ్‌విటి బెంగళూరు - హటియా వారపు స్పెషల్ (ట్రెయిన్ నంబర్: 08638) : తిరుగు ప్రయాణంలో ఈ రైలు అక్టోబర్ 16 నుంచి నవంబర్ 13 వరకు ప్రతి శుక్రవారం అర్ధరాత్రి దాటాక (తెల్లవారుజామున) 00:30 గంటలకు ఎస్ఎమ్‌విటి బెంగళూరులో బయలుదేరుతుంది. శుక్రవారం సాయంత్రం 19:38 గంటలకు దువ్వాడ చేరుకుని, 19:40 గంటలకు అక్కడ నుంచి బయలుదేరుతుంది. శనివారం మధ్యాహ్నం 12:30 గంటలకు హాతియా చేరుకుంటుంది. ఈ మార్గంలో కూడా మొత్తం 5 ట్రిప్పులు అందుబాటులో ఉంటాయి.
ముఖ్యమైన స్టేషన్లు….
ఈ ప్రత్యేక రైళ్లు రెండు వైపులా ప్రయాణించే మార్గంలో పలు కీలక స్టేషన్లలో ఆగుతాయి. రౌర్కెలా, ఝార్సుగూడ, సంబల్పూర్, టిట్లాగఢ్, రాయగడ, పార్వతీపురం, బొబ్బిలి, విజయనగరం, పెందుర్తి, దువ్వాడ, సామర్లకోట, రాజమండ్రి, ఏలూరు, విజయవాడ, ఒంగోలు, నెల్లూరు, గూడూరు, రేణిగుంట, కాట్పాడి, జోలార్పేటై, కృష్ణరాజపురం స్టేషన్లలో ఈ రైలుకు స్టాపేజీలు కల్పించారు.
{{/usCountry}}ఈ ప్రత్యేక రైళ్లు రెండు వైపులా ప్రయాణించే మార్గంలో పలు కీలక స్టేషన్లలో ఆగుతాయి. రౌర్కెలా, ఝార్సుగూడ, సంబల్పూర్, టిట్లాగఢ్, రాయగడ, పార్వతీపురం, బొబ్బిలి, విజయనగరం, పెందుర్తి, దువ్వాడ, సామర్లకోట, రాజమండ్రి, ఏలూరు, విజయవాడ, ఒంగోలు, నెల్లూరు, గూడూరు, రేణిగుంట, కాట్పాడి, జోలార్పేటై, కృష్ణరాజపురం స్టేషన్లలో ఈ రైలుకు స్టాపేజీలు కల్పించారు.
{{/usCountry}}పండుగ వేళ బెంగళూరు, విశాఖపట్నం, విజయవాడ, తిరుపతి మార్గాల్లో ప్రయాణించే వారికి ఈ స్పెషల్ రైళ్లు ఎంతో సౌకర్యవంతంగా మారనున్నాయి. టిక్కెట్ బుకింగ్స్ ఐఆర్‌సిటిసి (IRCTC) వెబ్‌సైట్, రైల్వే రిజర్వేషన్ కౌంటర్లలో అందుబాటులో ఉంటాయి.