మున్సిపల్ ఎన్నికల ఫలితాల్లో కూటమి హవా చూపించింది. వైసీపీని చిత్తుగా ఓడించింది. జగన్ నియోజకవర్గం పులివెందుల సైతం కూటమికే దక్కింది. నందికొట్కూరు, బేతెంచర్లలో వైసీపీ పట్టిసాధించింది. ఈ మున్సిపల్ ఎన్నికల ఫలతాలు వైసీపీ అధినేత జగన్ స్పందించారు. చంద్రబాబుతోపాటుగా పోలీసులకు, ఎన్నికల సంఘానికి కౌంటర్ ఇచ్చారు.
'అభినందనలు.. చంద్రబాబు బృందానికి, పోలీసులకు, రాష్ట్ర ఎన్నికల కమిషన్‌కు! ప్రతిపక్షానికి అసలు పోటీ చేసే అవకాశం కూడా లేకుండా చేసి, ఎన్నికల్లో అద్భుతంగా ఎలా గెలవవచ్చో మీరు నిరూపించారు! ఎన్నికల ప్రక్రియలో ప్రతి దశనూ హైజాక్ చేశారు. నామినేషన్లు: హైజాక్! నామినేషన్ల పరిశీలన: హైజాక్! నామినేషన్ల ఉపసంహరణ: హైజాక్! పోలింగ్‌ ఏజెంట్లు: అందరినీ అడ్డుకున్నారు లేదా బలవంతంగా బయటకు లాగేశారు! పోలింగ్‌: రిగ్గింగ్! పోలింగ్‌ శాతం: తారుమారు! ఓట్ల లెక్కింపు: హైజాక్! అభ్యర్థులను మీరే ఎంపిక చేసుకున్నారు. ప్రజలు వారిని ఎన్నుకోలేదు! అందుకే ఇవి ఇక ఎన్నికలు కావు.. ఎంపికలు మాత్రమే! ఎన్నికల సంస్కరణల అవసరం ఇంత కంటే స్పష్టంగా ఎప్పుడూ కనిపించలేదు!' అని జగన్ ఎక్స్‌లో పోస్ట్ చేశారు.
కంచుకోటలో జగన్‌కు షాక్
ప్రతిపక్ష వైఎస్ఆర్ కాంగ్రెస్ పార్టీకి పులివెందులలో గట్టి దెబ్బ తగిలింది. మాజీ ముఖ్యమంత్రి వైఎస్ జగన్ మోహన్ రెడ్డికి కంచుకోటగా భావించే పులివెందుల మున్సిపాలిటీ స్థానాన్ని అధికార తెలుగు దేశం పార్టీ తొలిసారిగా కైవసం చేసుకుంది. టీడీపీ నేతృత్వంలోని కూటమి అభ్యర్థి గీతా కుమారి, వైఎస్సార్‌సీపీకి చెందిన వైఎస్ ప్రమీలపై 13 వేలకుపైగా ఓట్ల తేడాతో గెలుపొందారు. పులివెందులలోని 40 వార్డుల్లో టీడీపీ 34, బీజేపీ 2, జనసేన 1, వైఎస్సార్‌సీపీ 3 స్థానాల్లో విజయం సాధించాయి.
వైఎస్ఆర్ కడప జిల్లాలోని పులివెందుల, దశాబ్దాలుగా వైఎస్ కుటుంబానికి రాజకీయ కంచుకోటగా ఉంది. మొదట వైఎస్ రాజశేఖర్ రెడ్డికి, ఆ తర్వాత ఆయన కుమారుడు జగన్ మోహన్ రెడ్డికి ఇది కంచుకోటగా నిలిచింది. దీర్ఘకాలంగా వైఎస్సార్‌సీపీ ఆధిపత్యం చెలాయిస్తున్న ఈ ప్రాంతంలో టీడీపీకి ఇది పెద్ద విజయం. పులివెందులలో ఇటీవల ఓటు వేసేందుకు వచ్చిన జగన్.. నిరసన తెలిపారు. ఆర్వో ఆఫీసు ఎదుట బైఠాయించారు. ఇక్కడ రీపోలింగ్ పెడితేనే ఓటు వేస్తానని చెప్పి వెళ్లిపోయారు.
{{/usCountry}}వైఎస్ఆర్ కడప జిల్లాలోని పులివెందుల, దశాబ్దాలుగా వైఎస్ కుటుంబానికి రాజకీయ కంచుకోటగా ఉంది. మొదట వైఎస్ రాజశేఖర్ రెడ్డికి, ఆ తర్వాత ఆయన కుమారుడు జగన్ మోహన్ రెడ్డికి ఇది కంచుకోటగా నిలిచింది. దీర్ఘకాలంగా వైఎస్సార్‌సీపీ ఆధిపత్యం చెలాయిస్తున్న ఈ ప్రాంతంలో టీడీపీకి ఇది పెద్ద విజయం. పులివెందులలో ఇటీవల ఓటు వేసేందుకు వచ్చిన జగన్.. నిరసన తెలిపారు. ఆర్వో ఆఫీసు ఎదుట బైఠాయించారు. ఇక్కడ రీపోలింగ్ పెడితేనే ఓటు వేస్తానని చెప్పి వెళ్లిపోయారు.
{{/usCountry}}ఆంధ్రప్రదేశ్‌లోని 13 మున్సిపల్ కార్పొరేషన్లు, 79 మున్సిపాలిటీలు, నగర పంచాయతీలతో కూడిన 92 పట్టణ స్థానిక సంస్థలకు ఇటీవల ఎన్నికలు జరిగాయి. ఈ ఎన్నికల్లో కూటమి సత్తా చాటింది.