OTT: మలయాళ సినిమా ఇండస్ట్రీలో ‘కల్ట్ క్లాసిక్’గా నిలిచిన ‘ఆడు’ ఫ్రాంచైజీ నుండి వచ్చిన తాజా మూవీ ‘ఆడు 3’ డిజిటల్ స్ట్రీమింగ్కు సిద్ధమైంది. జయసూర్య మార్కు కామెడీతో థియేటర్లలో నవ్వులు పూయించిన ఈ ఫాంటసీ కామెడీ చిత్రం త్వరలోనే మీ స్క్రీన్లపైకి రాబోతోంది.
ఆడు 3 ఓటీటీ రిలీజ్ డేట్ ఇదే
మలయాళ సినిమాలకు తెలుగు రాష్ట్రాల్లో ఉన్న క్రేజ్ గురించి ప్రత్యేకంగా చెప్పనక్కర్లేదు. ముఖ్యంగా అక్కడి కామెడీ సినిమాలకు ఇక్కడ విపరీతమైన ఆదరణ ఉంది. ఈ క్రమంలోనే సుదీర్ఘ నిరీక్షణ తర్వాత వచ్చిన ‘ఆడు 3’ మలయాళ బాక్సాఫీస్ వద్ద ఘనవిజయం సాధించింది. జయసూర్య హీరోగా, మిథున్ మాన్యువల్ థామస్ దర్శకత్వంలో తెరకెక్కిన ఈ మూవీ ఇప్పుడు డిజిటల్ ప్లాట్ఫామ్లోకి అడుగుపెట్టేందుకు ముహూర్తం ఖరారు చేసుకుంది.
తాజా సమాచారం ప్రకారం ప్రముఖ ఓటీటీ సంస్థ జీ5 ఓటీటీ (Zee 5 OTT) ఈ సినిమా డిజిటల్ హక్కులను సొంతం చేసుకుంది. ఈ సినిమాను మే 1 నుండి స్ట్రీమింగ్ చేయనున్నట్లు అధికారికంగా ప్రకటించారు. వేసవి సెలవుల సమయంలో ఫ్యామిలీతో కలిసి హాయిగా నవ్వుకునేందుకు ఈ సినిమా ఒక పర్ఫెక్ట్ ఛాయిస్ అని చెప్పవచ్చు.
షాజీ పాపన్ అండ్ గ్యాంగ్: ఈసారి ఫాంటసీ టచ్
‘ఆడు’ ఫ్రాంచైజీలో షాజీ పాపన్ పాత్రకు ఒక ప్రత్యేకమైన ఫ్యాన్ బేస్ ఉంది. మొదటి రెండు భాగాల్లో కేవలం కామెడీ, యాక్షన్తో అలరించిన దర్శకుడు మిథున్ మాన్యువల్.. ఈ మూడో భాగంలో ‘ఫాంటసీ’ ఎలిమెంట్స్ను జోడించారు. ఒక మేక చుట్టూ తిరిగే కథకు అతీంద్రియ శక్తులను జోడించి సినిమాను కొత్త పుంతలు తొక్కించారు. జయసూర్య తనదైన శైలిలో కామెడీని పండించగా, వినాయకన్, సన్నీ వేన్ ఇతర పాత్రల్లో ఒదిగిపోయారు.
సంగీత దర్శకుడు షాన్ రెహమాన్ అందించిన బ్యాక్ గ్రౌండ్ స్కోర్ ఈ సినిమాకు ప్లస్ పాయింట్. సినిమా నిడివి సుమారు రెండున్నర గంటలకు పైగా ఉన్నప్పటికీ, ఎక్కడా వేగం తగ్గకుండా కథనాన్ని నడిపించడంలో దర్శకుడు సఫలమయ్యారు.
తెలుగు వెర్షన్ వస్తుందా?
{{/usCountry}}సంగీత దర్శకుడు షాన్ రెహమాన్ అందించిన బ్యాక్ గ్రౌండ్ స్కోర్ ఈ సినిమాకు ప్లస్ పాయింట్. సినిమా నిడివి సుమారు రెండున్నర గంటలకు పైగా ఉన్నప్పటికీ, ఎక్కడా వేగం తగ్గకుండా కథనాన్ని నడిపించడంలో దర్శకుడు సఫలమయ్యారు.
తెలుగు వెర్షన్ వస్తుందా?
{{/usCountry}}చాలా రోజులుగా మలయాళం సినిమాలు థియేటర్లలో రాకపోయినా తెలుగు డబ్బింగ్ వెర్షన్ నేరుగా ఓటీటీలోకి వస్తోంది. అలాగే ఈ ఆడు 3 కూడా వస్తుందా అన్న ఆసక్తి తెలుగు ప్రేక్షకుల్లో నెలకొంది. ప్రస్తుతానికి తెలుగు వెర్షన్ పై ఎలాంటి సమాచారం లేదు. అయితే ఇంగ్లిష్ సబ్ టైటిల్స్ తో ఈ సినిమాను చూసే అవకాశం ఉంది. థియేటర్లలో మిస్ అయిన వారు మే 1 నుండి జీ5 ఓటీటీలో ఈ ఫాంటసీ రైడ్ను ఎంజాయ్ చేయవచ్చు.
తరచుగా అడిగే ప్రశ్నలు (FAQs)
1. ‘ఆడు 3’ సినిమా ఓటీటీ స్ట్రీమింగ్ తేదీ ఎప్పుడు?
మలయాళ సూపర్ హిట్ ‘ఆడు 3’ మే 1, 2026 నుండి ఓటీటీలో స్ట్రీమింగ్ కానుంది.
2. ఆడు 3 ఏ ఓటీటీ ప్లాట్ఫామ్లో అందుబాటులో ఉంటుంది?
ఈ సినిమా డిజిటల్ హక్కులను జీ5 ఓటీటీ దక్కించుకుంది.
3. ‘ఆడు 3’ సినిమాలో ప్రధాన నటులు ఎవరు?
జయసూర్య ప్రధాన పాత్రలో (షాజీ పాపన్) నటించగా, వినాయకన్, సన్నీ వేన్, ఇంద్రన్స్ కీలక పాత్రలు పోషించారు.
4. ఈ సినిమా తెలుగులో కూడా అందుబాటులో ఉంటుందా?
ప్రస్తుతానికి మలయాళ వెర్షన్ స్ట్రీమింగ్ తేదీ ఖరారైంది. తెలుగు డబ్బింగ్ వెర్షన్ గురించి ఓటీటీ సంస్థ నుండి అధికారిక ప్రకటన రావాల్సి ఉంది.