Actress Nauheed Cyrusi About Miscarriages: జీవితం అనుకున్నట్లు సాగనప్పుడు మన ఆలోచనలే రూపురేఖలు మార్చుకుంటాయి. సరిగ్గా ఇదే అనుభవం ఎదురైంది ఒకప్పటి తెలుగు హీరోయిన్, సోషల్ మీడియా ఇన్ఫ్లుయెన్సర్ నౌహీద్ సైరుసీకి.
రెండుసార్లు మిస్క్యారేజ్
ఒకప్పుడు బాలీవుడ్, టాలీవుడ్లో తనదైన నటనతో ఆకట్టుకున్న నౌహీద్ సైరుసీ ఇటీవల తన వ్యక్తిగత జీవితంలో ఎదుర్కొన్న అత్యంత కఠినమైన క్షణాలను అభిమానులతో పంచుకున్నారు. రెండుసార్లు గర్భస్రావం (Miscarriages) కావడం తన జీవిత గమ్యాన్నే మార్చేసిందని ఆమె భావోద్వేగానికి గురయ్యారు.
మొదటిసారి డాక్టర్ చెప్పిన చేదు నిజం..
2017లో వివాహ బంధంలోకి అడుగుపెట్టిన నౌహీద్, 2018లో మొదటిసారి గర్భం దాల్చారు. అయితే మూడో నెల చెకప్ కోసం వెళ్లినప్పుడు డాక్టర్లు చెప్పిన నిజం ఆమెను తీవ్రంగా కలిచివేసింది. కడుపులోని బిడ్డ గుండెచప్పుడు ఆగిపోయిందని తేలడంతో ఆ దంపతులు శోకసంద్రంలో మునిగిపోయారు. ఆ కష్టసమయంలో తమ బాధను మరచిపోయేందుకు ఎస్పీసీఏ (SPCA) నుంచి చూపు, వినికిడి శక్తి సరిగా లేని 'జోజో' అనే శునకాన్ని దత్తత తీసుకున్నారు.
"కరోనా సమయంలో రెండోసారి గర్భం దాల్చాను. దురదృష్టవశాత్తూ అది కూడా గర్భస్రావంగానే ముగిసింది. అప్పుడే మా జీవిత పరమార్థం ఏమిటో ఆలోచించడం మొదలుపెట్టాం. మనం పెరిగిన నాటి రోజులతో పోలిస్తే ఇప్పటి ప్రపంచం చాలా మారిపోయింది" అని నౌహీద్ తన సోషల్ మీడియా వీడియోలో పేర్కొన్నారు.
ఐవీఎఫ్ వైపు వెళ్లలేదు.. మూగజీవాల సేవే లక్ష్యం!
పిల్లలను కనడం కోసం ఎలాంటి కృత్రిమ పద్ధతులను లేదా ఐవీఎఫ్ (IVF) చికిత్సలను ఆశ్రయించకూడదని నౌహీద్ దంపతులు దృఢంగా నిర్ణయించుకున్నారు. సహజంగా బిడ్డ పుట్టకపోతే, దానికి ప్రత్యామ్నాయంగా ఆస్పత్రుల చుట్టూ తిరగడం కంటే తమ అవసరం ఉన్న మూగజీవాలకు నీడగా నిలవడమే మేలని భావించారు. 40 ఏళ్ల వయసు దాటిన తర్వాత (ప్రస్తుతం 43) జీవితంపై తమ దృక్పథం పూర్తిగా మారిపోయిందని ఆమె స్పష్టం చేశారు.
{{/usCountry}}పిల్లలను కనడం కోసం ఎలాంటి కృత్రిమ పద్ధతులను లేదా ఐవీఎఫ్ (IVF) చికిత్సలను ఆశ్రయించకూడదని నౌహీద్ దంపతులు దృఢంగా నిర్ణయించుకున్నారు. సహజంగా బిడ్డ పుట్టకపోతే, దానికి ప్రత్యామ్నాయంగా ఆస్పత్రుల చుట్టూ తిరగడం కంటే తమ అవసరం ఉన్న మూగజీవాలకు నీడగా నిలవడమే మేలని భావించారు. 40 ఏళ్ల వయసు దాటిన తర్వాత (ప్రస్తుతం 43) జీవితంపై తమ దృక్పథం పూర్తిగా మారిపోయిందని ఆమె స్పష్టం చేశారు.
{{/usCountry}}"సహజంగా మనకు బిడ్డ దక్కాలని రాసి ఉంటే దక్కుతుంది. అంతేకానీ దాని కోసం ఐవీఎఫ్ మార్గాన్ని ఎంచుకోవాలని నేను అనుకోలేదు. మా ప్రేమ, సంరక్షణ అవసరమైన మూగజీవాలను ఆదుకోవడమే మా జీవిత లక్ష్యంగా మార్చుకున్నాం" అని నౌహీద్ సైరుసీ వివరించారు.
సమాజంలో మహిళలపై తీవ్ర ఒత్తిడి!
సమాజంలో పెళ్లయిన మహిళలపై పిల్లలను కనాలని వచ్చే ఒత్తిళ్లపై కూడా నౌహీద్ ఘాటుగా స్పందించారు. పిల్లలను కనడం ఒక్కటే జీవితం కాదని, సమాజానికి లేదా జీవులకు ఉపయోగపడే పనులు ఇంకా చాలా ఉన్నాయని ఆమె అభిప్రాయపడ్డారు.
తనలాగే ఎంతోమంది మహిళలు పిల్లల విషయంలో సమాజం నుంచి మానసిక ఒత్తిడి ఎదుర్కొంటున్నారని, వారికి తన కథ ధైర్యాన్నిస్తుందని ఆశిస్తున్నట్లు తెలిపారు. నౌహీద్ నిర్ణయంపై నెటిజన్లు ప్రశంసల జల్లు కురిపిస్తున్నారు.
నౌహీద్ బాలీవుడ్ సినిమాలు
కాగా, 2003లో వచ్చిన 'సుపారీ' సినిమాతో బాలీవుడ్ లో అరంగేట్రం చేసిన నౌహీద్.. 'అన్వర్', 'భూత్నాథ్', 'లైఫ్ మే కభీ కభీ' వంటి సినిమాలతో పాటు 'హిప్ హిప్ హుర్రే' టీవీ షోతోనూ మంచి గుర్తింపు తెచ్చుకున్నారు.
తరుణ్ హీరోయిన్
తెలుగులో తరుణ్ హీరోగా తెరకెక్కిన సఖియా సినిమాలోనూ హీరోయిన్గా అట్రాక్ట్ చేశారు నౌహీద్. ఇటీవల పంకజ్ కపూర్, డింపుల్ కపాడియా నటించిన ఓటీటీ మూవీ 'జబ్ ఖులీ కితాబ్'లోనూ ఆమె కనిపించారు.