Airtel OTT Plan: స్మార్ట్‌ఫోన్లలో వినోదాన్ని కోరుకునే యూజర్ల కోసం ప్రముఖ టెలికాం సంస్థ ఎయిర్‌టెల్ (Airtel) ఒక అదిరిపోయే డేటా వోచర్‌ను అందుబాటులో ఉంచింది. మీరు ఎయిర్‌టెల్ సిమ్ ఉపయోగిస్తూ, నెట్‌ఫ్లిక్స్ లేదా జియోహాట్‌స్టార్ వంటి ఓటీటీ యాప్‌లలో సినిమాలు, వెబ్ సిరీస్‌లు ఎక్కువగా చూసేవారైతే.. ఎయిర్‌టెల్ రూ. 279 ప్లాన్ మీకోసమే.
కేవలం ఇంటర్నెట్ డేటా మాత్రమే కాకుండా, పలు ప్రముఖ ఓటీటీ ప్లాట్‌ఫామ్స్ ఉచిత సబ్‌స్క్రిప్షన్‌లను ఒకే రీఛార్జ్‌తో అందించడం ఈ ప్లాన్ ప్రధాన ప్రత్యేకత. వీటిలో నెట్‌ఫ్లిక్స్ (Netflix Basic), జియోహాట్‌స్టార్ (JioHotstar Super), జీ5 (ZEE5 Premium), ఎయిర్‌టెల్ ఎక్స్‌స్ట్రీమ్ ప్లే (Airtel Xstream Play) ఆఫర్లు లభిస్తాయి.
అయితే ఇది సాధారణ అన్‌లిమిటెడ్ రీఛార్జ్ ప్లాన్ కాదు. కేవలం ఒక 'డేటా వోచర్' మాత్రమే. ఈ ప్లాన్ రీఛార్జ్ చేసుకునే ముందు వినియోగదారులు తెలుసుకోవాల్సిన ముఖ్యమైన నిబంధనల వివరాలు ఇవే.
రూ. 279 ప్లాన్ లభించే ప్రయోజనాలు ఇవే
ఎయిర్‌టెల్ రూ. 279 డేటా వోచర్ రీఛార్జ్‌లో వినియోగదారులకు 1 నెల వ్యాలిడిటీతో మొత్తం 30GB హై-స్పీడ్ ఇంటర్నెట్ డేటా లభిస్తుంది. ఈ డేటా వినియోగానికి సంబంధించి రోజువారీ లిమిట్ ఏదీ ఉండదు. అంటే యూజర్లు తమ అవసరానికి తగినట్లుగా 30GB డేటాను నెలలో ఎప్పుడైనా వినియోగించుకోవచ్చు. ఎక్కువ డేటా అవసరమైన రోజుల్లో ఎక్కువగా, తక్కువ అవసరమున్న రోజుల్లో డేటాను దాచుకునే సౌలభ్యం ఇందులో ఉంటుంది.
నెట్‌ఫ్లిక్స్, జియోహాట్‌స్టార్, జీ5 ఉచిత సబ్‌స్క్రిప్షన్లు
ఈ ప్లాన్ అతిపెద్ద ఆకర్షణ దీని ఓటీటీ బెనిఫిట్స్. రూ. 279 రీఛార్జ్‌తో ఎయిర్‌టెల్ వినియోగదారులకు నెట్‌ఫ్లిక్స్ బేసిక్ (Netflix Basic) ప్లాన్ సబ్స్క్రిప్షన్ లభిస్తుంది. దీనితో పాటు జియోహాట్‌స్టార్ సూపర్ (JioHotstar Super), జీ5 ప్రీమియం (ZEE5 Premium) యాప్ల యాక్సెస్ కూడా లభిస్తుంది.
{{/usCountry}}ఈ ప్లాన్ అతిపెద్ద ఆకర్షణ దీని ఓటీటీ బెనిఫిట్స్. రూ. 279 రీఛార్జ్‌తో ఎయిర్‌టెల్ వినియోగదారులకు నెట్‌ఫ్లిక్స్ బేసిక్ (Netflix Basic) ప్లాన్ సబ్స్క్రిప్షన్ లభిస్తుంది. దీనితో పాటు జియోహాట్‌స్టార్ సూపర్ (JioHotstar Super), జీ5 ప్రీమియం (ZEE5 Premium) యాప్ల యాక్సెస్ కూడా లభిస్తుంది.
{{/usCountry}}అంతేకాకుండా ఎయిర్‌టెల్ ఎక్స్‌స్ట్రీమ్ ప్లే (Airtel Xstream Play) ద్వారా మరికొన్ని ఓటీటీ ప్లాట్‌ఫామ్‌ల కంటెంట్‌ను ఉచితంగా చూసే అవకాశం లభిస్తుంది. వేర్వేరు ఓటీటీ సబ్‌స్క్రిప్షన్ల కోసం ఎక్కువ మొత్తం ఖర్చు చేయకూడదనుకునే మొబైల్ ప్రియులకు ఇది ఒక బెస్ట్ ఆప్షన్ అని చెప్పవచ్చు.
రీఛార్జ్ చేసే ముందు గమనించాల్సిన ముఖ్యమైన షరతు
ఈ రూ. 279 ప్లాన్ తీసుకునే ముందు వినియోగదారులు ఒక ముఖ్యమైన విషయాన్ని తప్పక గమనించాలి. ఈ రీఛార్జ్ మీ మొబైల్ నంబర్‌కు ఎలాంటి సర్వీస్ వ్యాలిడిటీని (Service Validity) పెంచదు. ఎందుకంటే ఇది కేవలం ఒక డేటా వోచర్ (Data Voucher) మాత్రమే.
అంటే మీ మొబైల్ నంబర్‌లో ఇప్పటికే ఏదైనా అన్‌లిమిటెడ్ బేస్ ప్లాన్ (ఉదాహరణకు నెలకు సరిపడే రీఛార్జ్) ఆక్టివ్‌లో ఉంటేనే ఈ రూ. 279 డేటా వోచర్ పనిచేస్తుంది. బేస్ ప్లాన్ వ్యాలిడిటీ లేకపోతే కేవలం రూ. 279 తో రీఛార్జ్ చేసుకున్నంత మాత్రాన కాల్స్ చేయడం కానీ, నంబర్ యాక్టివ్‌గా ఉండటం కానీ జరగదు. కాబట్టి ఈ రీఛార్జ్ చేసే ముందే మీ నంబర్‌లో ఆక్టివ్ ప్లాన్ ఉందో లేదో సరిచూసుకోవాలి.
ప్రత్యామ్నాయంగా రూ. 200 ప్లాన్ కూడా లభ్యం
ఒకవేళ మీ బడ్జెట్ కాస్త తక్కువగా ఉండి, మీకు నెట్‌ఫ్లిక్స్ అవసరం లేదు అనుకుంటే.. ఎయిర్‌టెల్‌లో రూ. 200 లభించే మరొక డేటా వోచర్ కూడా అందుబాటులో ఉంది. రూ. 200 రీఛార్జ్ ప్లాన్‌లో కూడా 28 రోజుల వ్యాలిడిటీతో 30GB డేటా లభిస్తుంది.
ఈ ప్లాన్‌లో నెట్‌ఫ్లిక్స్‌కి బదులుగా అమెజాన్ ప్రైమ్ వీడియో మొబైల్ ఎడిషన్ (Amazon Prime Video Mobile Edition), జియోహాట్‌స్టార్ మొబైల్, జీ5 ప్రీమియం, సోనీలివ్ (SonyLIV) సబ్‌స్క్రిప్షన్లు లభిస్తాయి. నెట్‌ఫ్లిక్స్ ప్రియులు రూ. 279 ప్లాన్‌ను, ప్రైమ్ వీడియో ప్రియులు రూ. 200 ప్లాన్‌ను ఎంచుకోవచ్చు.