Epic Release Date: అన్న చెప్పిన టైమ్‌కు వస్తున్న తమ్ముడు.. ఆనంద్, వైష్ణవి ‘ఎపిక్’ రిలీజ్ డేట్ రివీల్ చేసిన మేకర్స్

Epic Release Date: ఆనంద్ దేవరకొండ, వైష్ణవి చైతన్య నటిస్తున్న ఎపిక్ మూవీ రిలీజ్ డేట్ ను మేకర్స్ అనౌన్స్ చేశారు. అన్న విజయ్ దేవరకొండ రణబాలి గతంలో అనౌన్స్ చేసిన డేట్ కే ఈ ఎపిక్ వస్తుండటం విశేషం.

Epic Release Date: టాలీవుడ్‌లో సెన్సేషనల్ హిట్ కొట్టిన 'బేబి' కాంబో మళ్లీ థియేటర్లలో రచ్చ చేయడానికి సిద్ధమైపోయింది. యంగ్ హీరో ఆనంద్ దేవరకొండ (Anand Deverakonda), హాట్ బ్యూటీ వైష్ణవి చైతన్య (Vaishnavi Chaitanya) కాంబినేషన్‌లో వస్తున్న సరికొత్త యూత్‌ఫుల్ కాలేజ్ డ్రామా 'ఎపిక్ – ఫస్ట్ సెమిస్టర్' రిలీజ్ డేట్‌ను మేకర్స్ అఫీషియల్‌గా అనౌన్స్ చేశారు. ఈ సినిమాను సెప్టెంబర్ 11న ప్రపంచవ్యాప్తంగా గ్రాండ్‌గా థియేటర్లలో విడుదల చేయబోతున్నట్లు పోస్టర్ ద్వారా స్పష్టం చేశారు.

రౌడీ హీరో 'రణబాలి' స్లాట్‌లోకి తమ్ముడి ఎంట్రీ

Epic Release Date: అన్న చెప్పిన టైమ్‌కు వస్తున్న తమ్ముడు.. ఆనంద్, వైష్ణవి ‘ఎపిక్’ రిలీజ్ డేట్ రివీల్ చేసిన మేకర్స్

ఈ రిలీజ్ డేట్ వెనుక ఒక ఆసక్తికరమైన ట్విస్ట్ దాగుంది. మొదట అదే సెప్టెంబర్ 11వ తేదీని విజయ్ దేవరకొండ నటిస్తున్న మోస్ట్ అవేటెడ్ మూవీ 'రణబాలి' కోసం అనుకున్నారు. అయితే ఆ సినిమా షూటింగ్ ఇంకా బ్యాలెన్స్ ఉండటంతో, ఆ స్లాట్‌ను తమ్ముడు ఆనంద్ దేవరకొండ తన 'ఎపిక్' సినిమాతో భర్తీ చేశాడు.

దీంతో అన్నయ్య మూవీ కంటే ముందే తమ్ముడు తన లవ్ అండ్ ఎమోషనల్ రైడ్‌తో ఆడియన్స్‌ను పలకరించడానికి రెడీ అవుతున్నాడు. సితార ఎంటర్‌టైన్‌మెంట్స్ నిర్మిస్తున్న ఈ ప్రాజెక్ట్ పై ఇండస్ట్రీలో భారీ ఆశలే ఉన్నాయి.

'90s' వెబ్ సిరీస్ డైరెక్టర్ ఆదిత్య హాసన్ మేజిక్

ఈ సినిమాకు ఓటీటీలో రికార్డులు తిరగరాసిన '90s - ఎ మిడిల్ క్లాస్ బయోపిక్' వెబ్ సిరీస్ ఫేమ్ ఆదిత్య హాసన్ దర్శకత్వం వహిస్తున్నారు. ఆ సిరీస్ లోని క్యారెక్టర్ ఆధారంగానే మూవీ స్టోరీ ఉండటం విశేషం. కాలేజ్ బ్యాక్‌డ్రాప్, ఫ్రెండ్‌షిప్, ఫస్ట్ లవ్, మిడిల్ క్లాస్ ఎమోషన్స్ బ్లెండ్ చేస్తూ ఒక బ్యూటీఫుల్ ఎంటర్‌టైనర్‌గా దీనిని రూపొందించారు.

'90s' వెబ్ సిరీస్‌లో భార్యాభర్తలుగా అలరించిన వర్సటైల్ యాక్టర్ శివాజీ, వాసుకి ఆనంద్ ఈ సినిమాలో కీలక పాత్రల్లో నటిస్తున్నారు. డైరెక్టర్ ఆదిత్య హాసన్‌తో వీరి కాంబినేషన్ మళ్లీ రిపీట్ అవుతుండటంతో సీన్లలో ఫన్, ఎమోషన్స్ నెక్స్ట్ లెవెల్‌లో ఉంటాయని ఫ్యాన్స్ భావిస్తున్నారు.

రొమాంటిక్ మ్యూజిక్ డైరెక్టర్ హేషమ్ అబ్దుల్ వహాబ్ ఈ చిత్రానికి అదిరిపోయే మెలోడీలను అందించారు. అజీమ్ మహమ్మద్ సినిమాటోగ్రఫీ కాలేజ్ లొకేషన్లను ఎంతో కలర్‌ఫుల్‌గా విజువలైజ్ చేసినట్లు పిక్స్ చూస్తే అర్థమవుతోంది.

సితార బ్యానర్‌లో భారీ ప్రమోషన్ ప్లాన్

సూర్యదేవర నాగవంశీ, సాయి సౌజన్య సంయుక్తంగా సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్లపై ఈ చిత్రాన్ని నిర్మిస్తున్నారు. క్వాలిటీ ప్రొడక్షన్ విలువల విషయంలో మేకర్స్ ఎక్కడా కాంప్రమైజ్ కాకుండా విజువల్ పండగలా తీర్చిదిద్దారు.

రాబోయే వారాల్లో ఈ సినిమా ప్రమోషన్లను భారీ లెవెల్‌లో ప్లాన్ చేస్తున్నారు. 'బేబి' మేజిక్‌ను రిపీట్ చేస్తూ సెప్టెంబర్ 11న బాక్సాఫీస్ వద్ద ఈ జంట మరోసారి ప్రభంజనం సృష్టిస్తుందో లేదో చూడాలి.