నటుడు అన్నూ కపూర్.. సినీ నటి తమన్నా భాటియాపై చేసిన కామెంట్స్ మళ్లీ వివాదానికి దారి తీశాయి. తమన్నాను "దుధియా బదన్" (పాలలాంటి శరీరం) అని అనడం, ఆమె హిట్ సాంగ్ 'ఆజ్ కీ రాత్' గురించి చేసిన వ్యాఖ్యలపై ఫ్యాన్స్ మండిపడుతున్నారు. అన్నూ కపూర్ వేసిన జోకులు సోషల్ మీడియాలో విమర్శలకు గురయ్యాయి. అతని కామెంట్స్ "అశ్లీలం"గా ఉన్నాయని నెటిజన్లు తీవ్రంగా ఖండించారు.
అన్నూ కపూర్ ఏమన్నాడంటే?
బాలీవుడ్ నటుడు అన్నూ కపూర్ ఇటీవల శుభాంకర్ మిశ్రాతో ఆయన యూట్యూబ్ ఛానెల్కు ఇచ్చిన ఇంటర్వ్యూలో తమన్నా గురించి మాట్లాడారు. ఈ సంభాషణలో, 'ఆజ్ కీ రాత్' పాట క్లిప్ను తాను చూసినట్లు అన్నూ కపూర్ చెప్పగా.. దానికి హోస్ట్ ఆ పాట నచ్చిందా.. తమన్నాను ఆరాధిస్తారా అని అడిగారు.
దీనికి ఉత్సాహంగా స్పందించిన అన్నూ కపూర్.. "ఓహ్ మై గాడ్, ఆమెకు ఎంతటి పాల వంటి శరీరం ఉందో" అని అన్నాడు. ఈ కామెంట్ తో హోస్ట్.. తమన్నా తన హిట్ పాట 'ఆజ్ కీ రాత్' వింటూ పిల్లలు నిద్రపోతారని చేసిన కామెంట్ ను ప్రస్తావించారు.
అప్పుడు అన్నూ కపూర్ ఇలా జోక్ చేశాడు. "ఎంత వయసున్న పిల్లలు నిద్రపోతారు.. 70 ఏళ్ల వయసున్న వ్యక్తి కూడా పిల్లవాడు కావచ్చు కదా.. నేను ఉంటే ఎంత వయసున్న పిల్లలు నిద్రపోతారని అడిగేవాడిని. ఇంగ్లిష్ లో అతనికి 70 ఏళ్లు అని అంటారు, కానీ అతను 70 ఏళ్ల పిల్లాడు.. అతను 11 ఏళ్ల ముసలివాడు" అని అన్నాడు.
అన్నూ కపూర్ ఇంకా ఏమన్నాడంటే?
"సోదరీ.. నీ పాటతో, నీ శరీరంతో, నీ పాల వంటి ముఖంతో మా పిల్లలను నిద్రపుచ్చుతున్నావు.. అది చాలా మంచి విషయం. మా దేశంలోని పిల్లలు మంచి, ఆరోగ్యకరమైన నిద్రపోతే.. అది ఈ దేశానికి మంచి చేస్తుంది. ఆమెకు ఇంకా ఏమైనా కోరికలు ఉంటే, ఆ కోరికలను తీర్చుకునే సామర్థ్యాన్ని భగవంతుడు ఆమెకు ఇవ్వాలని కోరుకుంటున్నాను. అదే నా ఆశీర్వాదం ఆమెకు" అని అన్నూ కపూర్ అన్నాడు.
సోషల్ మీడియా స్పందన
{{/usCountry}}"సోదరీ.. నీ పాటతో, నీ శరీరంతో, నీ పాల వంటి ముఖంతో మా పిల్లలను నిద్రపుచ్చుతున్నావు.. అది చాలా మంచి విషయం. మా దేశంలోని పిల్లలు మంచి, ఆరోగ్యకరమైన నిద్రపోతే.. అది ఈ దేశానికి మంచి చేస్తుంది. ఆమెకు ఇంకా ఏమైనా కోరికలు ఉంటే, ఆ కోరికలను తీర్చుకునే సామర్థ్యాన్ని భగవంతుడు ఆమెకు ఇవ్వాలని కోరుకుంటున్నాను. అదే నా ఆశీర్వాదం ఆమెకు" అని అన్నూ కపూర్ అన్నాడు.
సోషల్ మీడియా స్పందన
{{/usCountry}}తమన్నాపై అన్నూ కపూర్ చేసిన ఈ వ్యాఖ్యలతో సోషల్ మీడియాలో తీవ్ర నిరసన వ్యక్తమైంది. చాలా మంది సోషల్ మీడియా యూజర్లు అతని కామెంట్స్ ను అశ్లీలంగా, వయసుకు తగనివిగా అభివర్ణించారు. మర్యాదగా ఉండాలని ఆయనను చాలా మంది విమర్శించారు.
"దయచేసి గౌరవంగా ఉండండి. మీకు కూతురు లేదా మనవరాళ్లు లేరా" అని ఒకరు రాశారు. "అసహ్యం. అతను అశ్లీలం" అని ఇంకొకరు వ్యాఖ్యానించారు. "అది ఏం భాష?" అని ఒకరు ప్రశ్నించారు. "మీ సొంత కూతురితో కూడా ఇలాగే మాట్లాడుతారా" అని మరొకరు నిలదీశారు.
'మిల్కీ బ్యూటీ' అని పిలవడంపై తమన్నా అభిప్రాయం
తనను మిల్కీ బ్యూటీ అని పిలవడంపై తమన్నా ఈ ఏడాది మొదట్లో స్పందించింది. పారానార్మల్ థ్రిల్లర్ 'ఓదెల 2' లో 'శివ శక్తి' పాత్రను పోషించడంపై వచ్చిన ప్రశ్నకు తమన్నా గతంలో సమాధానం ఇచ్చింది. "మీరు మిల్కీ బ్యూటీ అంటున్నారు. కానీ శివ శక్తి కాలేనని ఎందుకు అనుకుంటున్నారు? మీ ప్రశ్నలోనే సమాధానం ఉంది. అతను (దర్శకుడు అశోక్ తేజ) మిల్కీ బ్యూటీని చూసి సిగ్గుపడాల్సిన లేదా బాధపడాల్సిన అవసరం లేదని భావించారు. ఒక మహిళలోని గ్లామర్ను మనం ఉత్సవంగా జరుపుకోవాలి. మనం మహిళలమే మనల్ని మనం సెలబ్రేట్ చేసుకోవాలి" అని తమన్నా చెప్పింది.