Avika Gor: టాలీవుడ్ నేచురల్ స్టార్ నాని నటనకు, ఆయన ఎంచుకునే వైవిధ్యమైన పాత్రలకు ప్రేక్షకుల్లో విపరీతమైన క్రేజ్ ఉంది. అంతే కాకుండా కో స్టార్స్ కూడా నాని యాక్టింగ్ కు ఫిదా అవుతుంటారు. తాజాగా ప్రముఖ హీరోయిన్ అవికా గోర్ నానిపై చేసిన వ్యాఖ్యలు ఇప్పుడు ఫిలిం నగర్ సర్కిల్స్తో పాటు సోషల్ మీడియాలోనూ తెగ వైరల్ అవుతున్నాయి. ఆమె ఏం చెప్పిందో చూసేయండి.
అవికా గోర్ వైరల్ కామెంట్లు
ఒక ఇంటర్వ్యూలో అవికా గోర్కు ఒక ఆసక్తికరమైన ప్రశ్న ఎదురైంది. 'మీ జీవితంలో ఒకే ఒక్క హీరోతో కేవలం మూడు సినిమాలు మాత్రమే చేసే అవకాశం వస్తే, మీరు ఎవరిని ఎంచుకుంటారు?' అని యాంకర్ అడిగాడు. దీనికి అవికా క్షణం కూడా ఆలోచించకుండా 'నాని' అని సమాధానం ఇచ్చింది అవికా. నాని నటనలో ఉండే ప్రత్యేకతలే తనను ఇంతలా ఆకర్షించాయని ఆమె వివరించింది.
కళ్లు మాట్లాడతాయి
"నాని కళ్లు చాలా మాట్లాడతాయి. ఆయన భావాలను పలికించే విధానం, నటనలోని లోతు నన్ను బాగా ఆకట్టుకుంటాయి. ఆయన ప్రదర్శనలో ఎన్నో లేయర్స్ ఉన్నట్లు అనిపిస్తుంది. నాకు అలాంటి సహజసిద్ధమైన నటన అంటే చాలా ఇష్టం" అని అవికా గోర్ తన మనసులోని మాటను పంచుకుంది. ఇప్పుడీ వీడియో వైరల్ గా మారింది.
ఉయ్యాల జంపాలతో
'ఉయ్యాల జంపాల' సినిమాతో తెలుగు ఇండస్ట్రీలోకి అడుగుపెట్టి, తొలి చిత్రంతోనే నటిగా మంచి గుర్తింపు తెచ్చుకుంది అవికా గోర్. ఆ తర్వాత 'సినిమా చూపిస్త మావ' వంటి చిత్రాలతో టాలీవుడ్లో తనదైన ముద్ర వేసింది.
{{/usCountry}}'ఉయ్యాల జంపాల' సినిమాతో తెలుగు ఇండస్ట్రీలోకి అడుగుపెట్టి, తొలి చిత్రంతోనే నటిగా మంచి గుర్తింపు తెచ్చుకుంది అవికా గోర్. ఆ తర్వాత 'సినిమా చూపిస్త మావ' వంటి చిత్రాలతో టాలీవుడ్లో తనదైన ముద్ర వేసింది.
{{/usCountry}}కేవలం గ్లామర్కే పరిమితం కాకుండా నటనకు ప్రాధాన్యం ఉన్న పాత్రలను ఎంచుకోవడంలో అవికా ఎప్పుడూ ముందుంటుంది. ఈ నేపథ్యంలోనే, నాని లాంటి వైవిధ్యమైన నటుడితో స్క్రీన్ పంచుకోవాలనే తన కోరికను ఆమె బయటపెట్టింది.
అగ్లీ స్టోరీతో
తాజాగా అగ్లీ స్టోరీ మూవీతో అవికా గోర్ ఆడియన్స్ ను ఎంటర్ టైన్ చేస్తోంది. ఈ మూవీలో నందు హీరో. ఈ రొమాంటిక్ సైకలాజికల్ థ్రిల్లర్ మే 22న థియేటర్లలో రిలీజైంది.
నాని జర్నీ
ఎటువంటి సినీ నేపథ్యం లేకుండా పరిశ్రమలోకి వచ్చి, తన సహజ నటనతో 'నేచురల్ స్టార్'గా ఎదిగిన నాని ప్రయాణం ఎందరికో స్ఫూర్తిదాయకం. భావోద్వేగాలను తెరపై పండించడంలో నానికి సాటిలేరనే విషయం అవికా మాటల్లో మరోసారి స్పష్టమైంది. ఈ ఇద్దరి కాంబినేషన్లో భవిష్యత్తులో ఏదైనా సినిమా వస్తే చూడాలని ఇటు సినీ విశ్లేషకులు, అటు ప్రేక్షకులు ఆశిస్తున్నారు.
తరచుగా అడిగే ప్రశ్నలు (FAQ)
ప్రశ్న: నాని గురించి అవికా గోర్ ఏం చెప్పింది?
జవాబు: జీవితంలో కేవలం మూడు సినిమాలు మాత్రమే చేసే అవకాశం వస్తే, తాను నానితోనే చేస్తానని అవికా చెప్పింది. ఆయన కళ్లు, భావవ్యక్తీకరణలో ఉండే లోతు తనకు ఎంతో ఇష్టమని పేర్కొంది.
ప్రశ్న: అవికా గోర్ తెలుగులో నటించిన మొదటి సినిమా ఏది?
జవాబు: అవికా గోర్ టాలీవుడ్లో రాజ్ తరుణ్ సరసన 'ఉయ్యాల జంపాల' సినిమాతో కథానాయికగా పరిచయమైంది.
ప్రశ్న: నానికి 'నేచురల్ స్టార్' అనే పేరు ఎందుకు వచ్చింది?
జవాబు: సినిమాల్లో ఎటువంటి కృత్రిమత్వం లేకుండా, అత్యంత సహజంగా భావోద్వేగాలను పండించే నటనను ప్రదర్శిస్తాడే కాబట్టే ఆయనను అందరూ నేచురల్ స్టార్ అని పిలుస్తారు.