Balakrishna Koratala Siva: నందమూరి బాలకృష్ణ, మాస్ డైరెక్టర్ కొరటాల శివ కాంబినేషన్లో ఇప్పటికే ప్రారంభమైన #NBK112 ప్రాజెక్ట్ క్యాన్సిల్ అయిపోయిందంటూ సోషల్ మీడియాలో వస్తున్న వార్తల్లో ఎలాంటి నిజం లేదని మేకర్స్ క్లారిటీ ఇచ్చారు. ఈ క్రేజీ మూవీ ఆగిపోయిందంటూ వైరల్ అవుతున్న రూమర్లకు చెక్ పెడుతూ ప్రొడ్యూసర్స్ అఫీషియల్ స్టేట్మెంట్ రిలీజ్ చేశారు. బాలయ్య - కొరటాల ప్రాజెక్ట్ పక్కాగా పట్టాలెక్కుతుందని స్పష్టం చేశారు.
రకరకాల కారణాలు.. ప్రాజెక్ట్ అటకెక్కిందంటూ..
గత రెండు రోజులుగా టాలీవుడ్ సర్కిల్స్లో ఎన్బీకే 112 సినిమా గురించి రకరకాల ప్రచారాలు నడిచాయి. బాలయ్య మోకాలు సర్జరీ రికవరీ కారణం అని కొందరు, బడ్జెట్ హద్దులు దాటడంతో ప్రొడ్యూసర్స్ వెనక్కి తగ్గారని మరికొందరు సోషల్ మీడియాలో ప్రచారం చేశారు. హీరో, డైరెక్టర్ మధ్య క్రియేటివ్ తేడాలు వచ్చాయంటూ కూడా ఫిల్మ్ నగర్లో వార్తలు వైరల్ అయ్యాయి. దీంతో నందమూరి అభిమానుల్లో కొంత గందరగోళం నెలకొంది.
అధికారిక ప్రకటనతో రూమర్లకు చెక్
అయితే ఈ పుకార్లకు ఫుల్ స్టాప్ పెడుతూ చిత్ర యూనిట్ అఫీషియల్ ఎక్స్ హ్యాండిల్లో క్లారిటీ ఇచ్చింది. "నందమూరి బాలకృష్ణ, కొరటాల శివ ప్రాజెక్ట్ గురించి సోషల్ మీడియాలో వస్తున్న ఎలాంటి వదంతులను నమ్మవద్దు. ఈ ప్రతిష్టాత్మక సినిమా ఖచ్చితంగా జరుగుతోంది" అని తేల్చి చెప్పారు.
ప్రస్తుతం బాలకృష్ణ, డైరెక్టర్ గోపీచంద్ మలినేని కాంబినేషన్లో తెరకెక్కుతున్న #NBK111 షూటింగ్ పూర్తి కాగానే.. కొరటాల శివ ప్రాజెక్ట్ సెట్స్ పైకి వెళ్తుందని మేకర్స్ వెల్లడించారు.
జూన్లో విజయవాడలో గ్రాండ్ లాంచ్
ఈ ఏడాది జూన్ నెలలో విజయవాడలో ఈ ప్రాజెక్ట్ చాలా అట్టహాసంగా ప్రారంభమైంది. ఆంధ్రప్రదేశ్ మంత్రి నారా లోకేష్ తొలి షాట్కి క్లాప్ కొట్టి ఈ క్రేజీ మూవీ పూజా కార్యక్రమాలను ప్రారంభించారు.
{{/usCountry}}ఈ ఏడాది జూన్ నెలలో విజయవాడలో ఈ ప్రాజెక్ట్ చాలా అట్టహాసంగా ప్రారంభమైంది. ఆంధ్రప్రదేశ్ మంత్రి నారా లోకేష్ తొలి షాట్కి క్లాప్ కొట్టి ఈ క్రేజీ మూవీ పూజా కార్యక్రమాలను ప్రారంభించారు.
{{/usCountry}}ఈ భారీ చిత్రాన్ని టాలీవుడ్ టాప్ ప్రొడ్యూసర్స్ సుధాకర్ చెరుకూరి (SLV సినిమాస్), సుధాకర్ మిక్కిలినేని (యువసుధ ఆర్ట్స్) సంయుక్తంగా నిర్మిస్తున్నారు.
డైరెక్టర్ కొరటాల శివ ట్రాక్ రికార్డ్
డైరెక్టర్ కొరటాల శివకు టాలీవుడ్లో తిరుగులేని మాస్ అండ్ క్లాస్ ఇమేజ్ ఉంది. మహేష్ బాబుతో 'శ్రీమంతుడు', ఎన్టీఆర్తో 'జనతా గ్యారేజ్' లాంటి ఇండస్ట్రీ బ్లాక్బస్టర్ హిట్లు అందించారు.
చిరంజీవితో తీసిన 'ఆచార్య' నిరాశపరిచినప్పటికీ, ఆ తర్వాత ఎన్టీఆర్ కాంబోలో వచ్చిన 'దేవర'తో మళ్లీ బాక్సాఫీస్ వద్ద తన స్టామినా నిరూపించుకున్నారు.
ఇప్పుడు నందమూరి బాలకృష్ణ పవర్ ఫుల్ మాస్ ఇమేజ్కి తనదైన సోషల్ మెసేజ్ జోడించి కొరటాల శివ ఓ సాలిడ్ స్క్రిప్ట్ సిద్ధం చేశారు. 'పవర్ మీట్స్ పర్పస్.. మాస్ బికమ్స్ ఏ మూవ్మెంట్' అనే కాన్సెప్ట్తో వస్తున్న ఈ సినిమాపై ఇండస్ట్రీలో అంచనాలు ఆకాశాన్ని తాకుతున్నాయి.
బాలయ్య ఫుల్ బిజీ లైన్అప్
నందమూరి బాలకృష్ణ ప్రస్తుతం వరుస బాక్సాఫీస్ సక్సెస్లతో ఫుల్ జోరు మీదున్నారు. 'అఖండ 2: తాండవం' తర్వాత గోపీచంద్ మలినేని దర్శకత్వంలో నటిస్తున్న ప్రాజెక్ట్ను వేగంగా పూర్తి చేసే పనిలో ఉన్నారు.
ఆ సినిమా షూటింగ్ ముగిసిన వెంటనే కొరటాల శివ కాంబో మూవీ రెగ్యులర్ షూటింగ్ ప్రారంభం కానుంది. మేకర్స్ ఇచ్చిన ఈ అఫీషియల్ క్లారిటీతో నందమూరి ఫ్యాన్స్ ఫుల్ ఖుషీ అవుతున్నారు.