OTT Thrillers: జియోహాట్‌స్టార్‌లో మైండ్ బ్లోయింగ్ సస్పెన్స్ థ్రిల్లర్స్.. మిస్ అవ్వకూడని 6 బెస్ట్ సినిమాలు ఇవే!

OTT Thrillers: ఓటీటీలో సస్పెన్స్ థ్రిల్లర్లకు ఉండే క్రేజే వేరు. అనుక్షణం ఊహించని మలుపులతో సాగే సినిమాలు సీట్ ఎడ్జ్ ఎక్స్ పీరియన్స్ అందిస్తాయి. అలాంటి మూవీ ఫ్యాన్స్ కోసం జియోహాట్‌స్టార్‌లో లభించే టాప్ 6 సస్పెన్స్ థ్రిల్లర్ సినిమాలు ఇవే. వెంటనే ఓ లుక్కేయండి.

OTT Thrillers: మైండ్ బ్లోయింగ్ థ్రిల్లర్ కథలంటే మీకు ఇష్టమా? అయితే పాపులర్ ఓటీటీ ప్లాట్‌ఫామ్ 'జియోహాట్‌స్టార్' (JioHotstar)లో అద్భుతమైన సినిమాలు అందుబాటులో ఉన్నాయి. సైకలాజికల్ థ్రిల్లర్స్ నుంచి ఇన్వెస్టిగేటివ్ డ్రామాల వరకు, చివరి క్షణం వరకు ఊపిరి బిగబట్టుకుని చూసే టాప్ 6 సస్పెన్స్ థ్రిల్లర్ సినిమాల వివరాలు ఇక్కడ చూద్దాం.

జియోహాట్‌స్టార్‌లో మైండ్ బ్లోయింగ్ సస్పెన్స్ థ్రిల్లర్స్.. మిస్ అవ్వకూడని 6 బెస్ట్ సినిమాలు ఇవే!

అంధాధున్ (Andhadhun)

శ్రీరామ్ రాఘవన్ దర్శకత్వంలో వచ్చిన 'అంధాధున్' ఒక అద్భుతమైన డార్క్ కామెడీ సైకలాజికల్ థ్రిల్లర్. తన సంగీత నైపుణ్యాన్ని పెంచుకోవడం కోసం అంధుడిగా నటిస్తుంటాడు ఆకాష్ (ఆయుష్మాన్ ఖురానా). అయితే అనుకోకుండా ఒక రిటైర్డ్ నటుడి హత్యను కళ్లారా చూస్తాడు.

ఆ హత్య వెనుక సదరు నటుడి భార్య సిమి (టబు), ఆమె ప్రియుడు ఉంటారు. ఈ సంఘటన తర్వాత ఆకాష్ జీవితం తీవ్రమైన ప్రమాదంలో పడుతుంది. ప్రతి సన్నివేశంలో ఊహించని మలుపులతో సాగే ఈ సినిమా ఓటీటీలో ప్రేక్షకులను ఆద్యంతం కట్టిపడేస్తుంది.

ఫ్రెడ్డీ (Freddy)

కార్తీక్ ఆర్యన్ ప్రధాన పాత్రలో నటించిన సైకలాజికల్ థ్రిల్లర్ 'ఫ్రెడ్డీ'. సమాజంలో సరిగ్గా కలవలేని, మానసిక గందరగోళం ఉన్న ఒక డెంటిస్ట్ డాక్టర్ ఫ్రెడ్డీ జిన్వాలా కథ ఇది. గృహ హింసకు గురవుతున్న కైనాజ్ (అలయా ఎఫ్) అనే మహిళతో అతడు ప్రేమలో పడతాడు. ఆమెను ఆ కష్టాల నుంచి కాపాడాలని అనుకుంటాడు.

అయితే కైనాజ్ గురించిన ఒక చేదు నిజం తెలిసిన తర్వాత ఫ్రెడ్డీ ప్రేమ తీవ్రమైన పగగా, ప్రతీకారంగా మారుతుంది. కార్తీక్ ఆర్యన్ నటన ఈ సినిమాకు ప్రధాన ఆకర్షణగా నిలుస్తుంది.

గన్ గర్ల్ (Gone Girl)

గిలియన్ ఫ్లిన్ రాసిన ప్రసిద్ధ నవల ఆధారంగా తెరకెక్కిన హాలీవుడ్ థ్రిల్లర్ మూవీ 'గన్ గర్ల్'. తమ ఐదో పెళ్లిరోజున నిక్ డన్ (బెన్ అఫ్లెక్) భార్య అమీ డన్ (రోసముండ్ పైక్) అకస్మాత్తుగా మాయమవుతుంది. ఆచూకీ కోసం గాలిస్తున్న క్రమంలో పోలీసులు, మీడియా నిక్‌నే ప్రధాన అనుమానితుడిగా భావిస్తాయి. అయితే అమీ కనిపించకుండాపోవడం వెనుక ఉన్న అసలు రహస్యం వెలుగులోకి వచ్చాక కథ ఊహించని మలుపు తిరుగుతుంది.

దృశ్యం (Drishyam)

మలయాళంలో సంచలనం సృష్టించిన 'దృశ్యం' చిత్రానికి ఇది హిందీ రీమేక్. కేబుల్ ఆపరేటర్‌గా పనిచేసే విజయ్ సల్గాంకర్ (అజయ్ దేవగణ్) సాధారణ జీవితం ఒక ఐజీ కొడుకు అనుమానాస్పద మరణంతో తలకిందులవుతుంది. ఐజీ మీరా దేశ్‌ముఖ్ (టబు) తన కొడుకు అదృశ్యంపై దర్యాప్తు వేగవంతం చేస్తుంది.

క్రైమ్ సినిమాలు, విచారణ పద్ధతులపై ఉన్న పరిజ్ఞానంతో విజయ్ తన కుటుంబాన్ని కాపాడుకోవడానికి ఒక పక్కా సాక్ష్యం సృష్టిస్తాడు. పోలీస్ విచారణకు, విజయ్ తెలివితేటలకు మధ్య సాగే పోరాటమే ఈ సినిమా.

షట్టర్ ఐలాండ్ (Shutter Island)

ప్రఖ్యాత దర్శకుడు మార్టిన్ స్కోర్సెసే తెరకెక్కించిన మాస్టర్‌పీస్ సైకలాజికల్ థ్రిల్లర్ 'షట్టర్ ఐలాండ్'. ఒక మానసిక వైద్యశాల నుంచి అదృశ్యమైన రోగి ఆచూకీ కనుగొనడానికి యుఎస్ మార్షల్ టెడ్డీ డానియల్స్ (లియోనార్డో డికాప్రియో) తన భాగస్వామ్యితో కలిసి ఒక ఒంటరి ద్వీపానికి వెళ్తాడు.

అక్కడ దర్యాప్తు సాగిస్తున్న కొద్దీ విస్తుపోయే నిజాలు బయటపడతాయి. భ్రమలకు, వాస్తవాలకు మధ్య ఉండే వ్యత్యాసాన్ని వివరిస్తూ సాగే ఈ సినిమా క్లైమాక్స్ ప్రతి ఒక్కరినీ షాక్‌కు గురిచేస్తుంది.

ఏ వెడ్నెస్డే (A Wednesday)

నీరజ్ పాండే దర్శకత్వంలో వచ్చిన 'ఏ వెడ్నెస్డే' ఒక ఐకానిక్ ఇన్వెస్టిగేటివ్ థ్రిల్లర్. మాజీ ముంబై పోలీస్ కమీషనర్ ప్రకాష్ రాథోడ్ (అనుపమ్ ఖేర్) తన కెరీర్‌లో ఎదురైన ఒక విచిత్రమైన కేసును గుర్తుచేసుకుంటారు. ఒక సాధారణ పౌరుడు (నసీరుద్దీన్ షా) నగరంలో పలుచోట్ల బాంబులు అమర్చానని బెదిరిస్తూ, నలుగురు తీవ్రవాదులను విడుదల చేయాలని డిమాండ్ చేస్తాడు.

అతడి డిమాండ్ వెనుక ఉన్న అసలు ఉద్దేశం ఏమిటి? న్యాయం, ఉగ్రవాదంపై ఆయన లేవనెత్తిన ప్రశ్నలు ఏమిటనేది ఈ చిత్రంలో అత్యంత ఆసక్తికరంగా చూపించారు.