సస్పెన్స్ క్రైమ్ థ్రిల్లర్ ‘భగవత్ చాప్టర్ 1-రాక్షస్’ మూవీ డైరెక్ట్ గా ఓటీటీలోకి వచ్చింది. జీ5 లో ఇది స్ట్రీమింగ్ అవుతుంది. మంచి హైప్ తో డిజిటల్ స్ట్రీమింగ్ కు వచ్చిన ఈ మూవీ ఎలా ఉందో రివ్యూలో చూసేద్దాం.
భగవత్ చాప్టర్ 1 రివ్యూ
ఒక యువతి అదృశ్యం అవ్వడంతో భగవత్ చాప్టర్ 1 కథ మొదలవుతుంది. ఆ తర్వాత అలాంటి కేసులే వరుసగా బయటపడతాయి. ఈ కేసులను భగవత్ (అర్షద్ వార్సీ) దర్యాప్తు చేస్తుంటాడు. అతను ఆ అమ్మాయి తండ్రికి 15 రోజుల్లో తన కూతురిని వెతికి పట్టుకొస్తానని మాట ఇస్తాడు. ఇది ఓటీటీ విడుదల కాబట్టి, ఇందులో విరామాలు ఉండవు. కానీ స్పష్టత కోసం మనం దీనిని మొదటి, రెండవ భాగాలుగా విభజిద్దాం.
మొదటి భాగంలో సమీర్ (జితేంద్ర కుమార్) వరకు దారితీసే సెర్చ్ ఆపరేషన్ను చూపిస్తారు. మధ్యమధ్యలో వచ్చే ఉత్కంఠభరితమైన సన్నివేశాలు మిమ్మల్ని కథలో లీనమయ్యేలా చేస్తాయి. క్రైమ్ థ్రిల్లర్ అనుభూతినిస్తాయి.
నిజ జీవిత కథతో
'భగవత్' చిత్రం పెళ్లి కావడం లేదని ఆందోళన చెందుతున్న మహిళలను లక్ష్యంగా చేసుకుని ఘోరమైన నేరాలకు పాల్పడిన 'సైనైడ్ మోహన్' నిజ జీవిత కథ ఆధారంగా తెరకెక్కింది. మహిళలను ఆకర్షించడం, వారిని లైంగికంగా, ఆర్థికంగా దోచుకోవడం, గర్భనిరోధక మాత్ర అని చెప్పి సైనైడ్ మాత్ర ఇవ్వడం, ఆపై వారిని పబ్లిక్ రెస్ట్రూమ్లలో చనిపోయేలా వదిలేయడం.. ఇదీ అతని పద్ధతి. అయితే ఇదే కథతో గతంలోనూ ఓ సినిమా వచ్చింది.
ఇదే కథతో
అవును సైనైడ్ మోహన్ జీవిత కథతో రీమా కగ్తీ 2023 లో దహాద్ సిరీస్ రూపొందించింది. భగవత్ కంటే ఇది ఎంతో ప్రభావవంతంగా తెరకెక్కింది. విజయ్ వర్మ, సోనాక్షి సిన్హా అద్భుతమైన క్రిమినల్-పోలీస్ జంటగా నటించిన ఆ సిరీస్ అందించిన ఉత్కంఠను 'భగవత్' నిలబెట్టుకోలేకపోయింది. ఈ చిత్రంలో రెండవ భాగం పూర్తిగా పట్టు కోల్పోతుంది. ఎక్కడా ఉత్కంఠ ఎక్కడా పెరగదు, ముగింపు చాలా పేలవంగా అనిపిస్తుంది.
ఎవరెలా చేశారంటే?
{{/usCountry}}అవును సైనైడ్ మోహన్ జీవిత కథతో రీమా కగ్తీ 2023 లో దహాద్ సిరీస్ రూపొందించింది. భగవత్ కంటే ఇది ఎంతో ప్రభావవంతంగా తెరకెక్కింది. విజయ్ వర్మ, సోనాక్షి సిన్హా అద్భుతమైన క్రిమినల్-పోలీస్ జంటగా నటించిన ఆ సిరీస్ అందించిన ఉత్కంఠను 'భగవత్' నిలబెట్టుకోలేకపోయింది. ఈ చిత్రంలో రెండవ భాగం పూర్తిగా పట్టు కోల్పోతుంది. ఎక్కడా ఉత్కంఠ ఎక్కడా పెరగదు, ముగింపు చాలా పేలవంగా అనిపిస్తుంది.
ఎవరెలా చేశారంటే?
{{/usCountry}}నటన విషయానికొస్తే జితేంద్ర కుమార్ తనకున్న 'మంచి అబ్బాయి' ఇమేజ్ను పూర్తిగా మార్చుకునే అవకాశం దక్కించుకున్నాడు. మానసిక స్థితి సరిగా లేని సమీర్గా, అతని సౌమ్యమైన ముఖం భయంకరమైన అనుభూతిని కలిగిస్తుంది, ముఖ్యంగా అతను ఇరుక్కుపోయిన ఒక భయానక సన్నివేశంలో అదరగొట్టాడు. కానీ 'భగవత్' ముగింపు చాలా అమెచ్యూర్గా ఉండటంతో ఆ ప్రభావం మొత్తం వృధా అయిపోతుంది. అర్షద్ తన పాత్రకు సరిపోయినప్పటికీ, గతం వెంటాడుతున్న ఒక సాధారణ పోలీసు అధికారి పాత్రను దాటి ఎదగలేకపోయాడు.
అవసరం లేని పాటలు
ఈ కథలో రెండు పాటలను ఇరికించడానికి కూడా సందర్భాలను వెతికారు, కానీ వాటి అవసరం అస్సలు లేదు. నిజానికి క్లైమాక్స్కు ముందు వచ్చే పాట సినిమా వేగాన్ని పూర్తిగా తగ్గించేసింది. మీరాగా అయేషా కడుస్కర్ నటన ఫర్వాలేదు. మొత్తం మీద సినిమా ముగిసే సమయానికి, 'భగవత్: చాప్టర్ వన్ రాక్షస్' మిమ్మల్ని భయపెట్టడం కంటే ఎక్కువగా అలసిపోయేలా చేస్తుంది.
ఒక పకడ్బందీ థ్రిల్లర్కు కావాల్సిన అన్ని అంశాలు.. ఆసక్తికరమైన నిజ జీవిత నేర కథ, సమర్థులైన నటులు ఉన్నప్పటికీ వాటన్నింటినీ సరిగ్గా కలపడంలో మూవీ విఫలమైంది. ఒక కిరాతకుడి మనస్తత్వాన్ని లోతుగా చూపించగల అవకాశం ఉన్నప్పటికీ, ఇది కేవలం పైపైన దర్యాప్తులా మిగిలిపోయింది. చివరగా కాస్త థ్రిల్ కోసం జీ5లో స్ట్రీమింగ్ అవుతున్న భగవత్ చాప్టర్ 1ను చూడొచ్చు.