E-Paper
బిగ్ బాస్ నుంచి ఇవాళ భరణి శంకర్ ఎలిమినేట్- అందరికంటే ఎక్కువ రెమ్యునరేషన్- 6 వారాల్లో ఈ సీరియల్ విలన్ ఎంత సంపాదించాడంటే?
బిగ్ బాస్ తెలుగు 9 సీజన్లో ఆరో వారం ఊహించని ఎలిమినేషన్ జరగనుంది. ఇవాళ బిగ్ బాస్ 9 తెలుగు నుంచి భరణి శంకర్ ఎలిమినేటర్ కానున్నాడు. అయితే, టాప్ 2 కంటెస్టెంట్గా పేరు తెచ్చుకున్న భరణి శంకర్కు అందరికంటే ఎక్కువ రెమ్యునరేషన్ ఇచ్చారు. మరి 6 వారాల్లో భరణి శంకర్ ఎంత సంపాదించాడో ఇక్కడ తెలుసుకుందాం.
బిగ్ బాస్ 9 తెలుగు సీజన్ బాగానే సాగుతోంది. అయితే, హౌజ్లో గొడవలు, ఊహించని ఎలిమినేషన్స్తో ఇంట్రెస్టింగ్గా మారుతోంది. వైల్డ్ కార్డ్స్ ఎంట్రీ తర్వాత ఆట మరింత జోరందుకుంది. అయితే, వైల్డ్ కార్డ్ ఎంట్రీ తర్వాత మొదటి వారం షాకింగ్ ఎలిమినేషన్ చోటు చేసుకుంది.
ఆరో వారం నామినేషన్స్
బిగ్ బాస్ తెలుగు 9 సెప్టెంబర్ 7న ప్రారంభమై ఇప్పటికి ఆరు వారాలు పూర్తి చేసుకుంది. గత ఐదు వారాల్లో కొంతమంది ఎలిమినేషన్, మరికొంతమంది వైల్డ్ కార్డ్స్ ఎంట్రీతో సాగింది. బిగ్ బాస్ 9 తెలుగు గ్రాండ్ లాంచ్ 2.O తర్వాత హౌజ్లో మొత్తంగా 16 మంది కంటెస్టెంట్స్ ఉన్నారు. వారికి ఆరో వారం నామినేషన్ ప్రక్రియ పెట్టారు.
బిగ్ బాస్ తెలుగు 9 ఆరో వారం నామినేషన్స్లో తనూజ పుట్టస్వామి, సుమన్ శెట్టి, దివ్య నిఖితా, డిమోన్ పవన్, భరణి శంకర్, రాము రాథోడ్ ఆరుగురు ఉన్నారు. వీరికి ఓటింగ్ పోల్స్ పెట్టారు. అయితే, వీరిలో చివరి రెండు ప్లేసుల్లో డేంజర్ జోన్లో రాము రాథోడ్, భరణి శంకర్ ఇద్దరు ఉన్నారు. వీరిలో ఊహించని విధంగా భరణి శంకర్ ఎలిమినేట్ అయ్యారు.
రాము రాథోడ్-భరణి శంకర్ మధ్య
బిగ్ బాస్ తెలుగు 9 ఈవారం ఎలిమినేషన్కు సంబంధించిన షూటింగ్ శనివారం (అక్టోబర్ 18) నాడే పూర్తయిపోయింది. ఇవాళ (అక్టోబర్ 19) బిగ్ బాస్ 9 తెలుగు ఆరో వారం ఎలిమినేషన్ ప్రసారం చేయనున్నారు. రాము రాథోడ్, భరణి శంకర్ ఇద్దరి మధ్య ఎలిమినేషన్ ప్రక్రియ సాగింది. వారిలో రాము రాథోడ్ సేఫ్ కాగా భరణి శంకర్ ఎలిమినేట్ అయ్యాడు.
ఈ నేపథ్యంలో భరణి శంకర్ బిగ్ బాస్ రెమ్యునరేషన్ ఇంట్రెస్టింగ్గా మారంది. ఈ సీజన్లో అందరికంటే ఎక్కువగా అధికంగా రెమ్యునరేషన్ తీసుకున్న కంటెస్టెంట్ భరణి శంకరే. ఆయనకు రోజుకు సుమారు రూ. 50 వేలు పారితోషికం ఇచ్చినట్లు సమాచారం. అంటే, వారానికి దాదాపుగా రూ. 3 లక్షల 50 వేలు.
భరణి శంకర్ రెమ్యునరేషన్
ఈ లెక్కన ఆరు వారాల్లో భరణి శంకర్కు బిగ్ బాస్ ద్వారా రూ. 21 లక్షల రెమ్యునరేషన్ అందుకున్నాడు. అంటే, హౌజ్లోనే అందరికంటే అత్యధికంగా భరణి శంకర్ పారితోషికం ఉంది. ఇకపోతే భరణి శంకర్ బుల్లితెర సీరియల్స్లో విలన్గా చాలా మంచి పేరు తెచ్చుకున్నారు.
విలన్గానే కాకుండా ఇతర పాత్రలతో మొత్తంగా 30కిపైగా సీరియల్స్ చేశారు భరణి శంకర్. అంతేకాకుండా బ్లాక్ బస్టర్ హిట్స్ బాహుబలి 1, బాహుబలి 2 సినిమాల్లో సహాయక పాత్రల్లో కూడా మెరిశారు భరణి శంకర్.
భరణి శంకర్ సీరియల్స్, సినిమాలు
సీతామహాలక్ష్మి, తరంగాలు, కుంకుమ రేఖ, అమ్మకోస, త్రిశూలం వంటి ఎన్నో సీరియల్స్తో మంచి గుర్తింపు తెచ్చుకున్నారు భరణి శంకర్. ఇవే కాకుండా ఆవిరి, క్రేజీ అంకుల్స్, ధీర, గీతా సాక్షిగా, సీడీ క్రిమినల్ ఆర్ డెవిల్ వంటి సినిమాల్లోనూ నటించారు బిగ్ బాస్ నుంచి ఇవాళ ఎలిమినేట్ అయిన భరణి శంకర్.
