నీకు ఏజ్ పెరిగింది కానీ బుర్ర పెరగలా, మనుషులను పంపించే దేవతవి.. బిగ్ బాస్‌లో సీరియల్ హీరోయిన్‌పై రమ్య మోక్ష అరుపులు

బిగ్ బాస్ 9 తెలుగు సీజన్ జోరుగా సాగుతోంది. ఇటీవలే ఆరో వారంలో భరణి శంకర్ ఎలిమినేట్ అయి వెళ్లిపోయాడు. ఇప్పుడు బిగ్ బాస్ తెలుగు సీజన్ 9 ఏడోవారంలోకి అడుగుపెట్టింది. ఇక ఏడో వారం నామినేషన్స్ ప్రక్రియను ప్రారంభించారు. ఈ క్రమంలో సీరియల్ హీరోయిన్ తనూజ గౌడపై రమ్య మోక్ష అరుపులు వైరల్ అవుతున్నాయి.

బిగ్ బాస్ తెలుగు 9 సీజన్ రంజుగా సాగుతోంది. నిత్యం నామినేషన్స్, అరుపులు, గొడవలు, లవ్ ట్రాక్‌లు, బాండిగ్స్‌తో జోరుగా సాగుతోంది. అక్టోబర్ 19న బిగ్ బాస్ 9 తెలుగు ఆరో వారంలో భరణి శంకర్ ఎలిమినేట్ అయి ఇంటికి వెళ్లిపోయాడు. దీంతో ప్రస్తుతం హౌజ్‌లో 15 మంది కంటెస్టెంట్స్ మిగిలారు.

నీకు ఏజ్ పెరిగింది కానీ బుర్ర పెరగలా, మనుషులను పంపించే దేవతవి.. బిగ్ బాస్‌లో సీరియల్ హీరోయిన్‌పై రమ్య మోక్ష అరుపులు

బిగ్ బాస్ నామినేషన్స్ ఈ వారం

ఇక ఏడో వారంలోకి బిగ్ బాస్ తెలుగు 9 సీజన్ అడుగుపెట్టింది. కాబట్టి, ఈ వారం కూడా ఒకరు ఎలిమినేట్ అయ్యేందుకు బిగ్ బాస్ నామినేషన్స్ ప్రక్రియ ప్రారంభించారు. ఈ వారం ఫేస్ టు ఫేస్ నామినేషన్స్ జరుగుతున్నాయి. నామినేట్ చేయాలనుకుంటున్న కంటెస్టెంట్‌ మొహానికి ఫోమ్ రాసి కారణాలు చెప్పాలి.

దీనికి సంబంధించిన బిగ్ బాస్ 9 తెలుగు అక్టోబర్ 20 ఎపిసోడ్ నాటి ప్రోమోను తాజాగా రిలీజ్ చేశారు. ఈ ప్రోమోలో మొదటగా యాక్టర్ సాయి శ్రీనివాసను దివ్య నిఖితా నామినేట్ చేసింది. "నీదే రైట్ ఒపినీయన్ అనే అభిప్రాయంలో ఉంటారనిపిస్తుంది" అని దివ్య నిఖితా అంటే.. "ఒక సిచ్చువేషన్ చెప్పండి" అని సాయి శ్రీనివాస అన్నాడు.

దివ్య వల్ల ఎలిమినేట్

"నేను చెప్పను సాయి. నాకు అవసరం లేదు" అని దివ్య అంటే.. సాయి ఆశ్చర్యపోయాడు. తర్వాత "మీ వల్ల పైన ఉన్నవాళ్లు ఇలా కిందకు పడి నామినేట్ అయిపోయారు" అని సాయి అన్నాడు. "దివ్య వల్ల ఎలిమినేట్ అయ్యారని ఎవరు చెప్పలేదు" అని దివ్య అంది. మీరు చెప్పిన కారణం వాలిడిటీగా లేదు" అని గట్టిగా అరిచాడు సాయి శ్రీనివాస.

తర్వాత సింగర్ రాము రాథోడ్‌ను జబర్దస్త్ బ్యూటీ రీతూ చౌదరి నామినేట్ చేస్తూ "నువ్వు ఎక్కడ కనిపించట్లేదు" అంది. "కళ్లు చెకప్ చేసుకుంటే బెటర్" అని రాము పంచ్ వేశాడు. "నన్ను ఇలా ఒక్కడిని చేసేశారు అన్నట్లు అనిపించింది" అంటూ రీతూ చౌదరి అంటే.. "నీకు అనిపించింది కాదు ప్రూఫ్ చూపించు" అని రాము రాథోడ్ అరిచాడు.

డ్రామా క్వీన్‌వి

"అలా అయింటే నేను కెప్టెన్ అయ్యేవాన్ని కాదు" అని రాము అంటే.. "నీకు ఏ సపోర్ట్ లేకుండానే ఫోర్త్ కెప్టెన్ అయ్యావా" అని రీతూ అంది. "నీకే సపోర్ట్ లేదు. నాకు సపోర్ట్ చేయండి అని నేను ఎవరినైనా అడిగానా" అంటూ ఒక్కొక్కరిని రాము అడిగాడు. దానికి అయేషా జీనత్ లేదు అని చెప్పింది. అందరూ కూడా లేదని తల ఊపారు.

"నాకు గేమ్ ఆడే సత్తా ఉంది ఆడుతా" అని రాము అన్నాడు. తర్వాత సీరియల్ హీరోయిన్ తనూజ గౌడను చిట్టి అలేఖ్య పికిల్స్ సిస్టర్ రమ్య మోక్ష నామినేట్ చేసింది. "నువ్వు ఒక ముసుగులో ఉన్నావ్. బయటకు రా. నువ్ ఒక డ్రామా క్వీన్. నువ్వు నటిస్తున్నావ్. నువ్వు ఫేక్" అని రమ్య అంది.

వచ్చి దర్శనం చేసుకో

"ఇది నా గేమ్. నన్ను పాయింట్ అవుట్ చేయడానికి నువ్వెవరు. ఫస్ట్ నీ ఏజ్‌కు తగ్గట్లు బిహేవ్ చేయు" అని తనూజ అంది. "నీకు ఏజ్ పెరిగింది కానీ బుర్ర పెరగల. మనుషులను పంపించడానికి వచ్చిన దేవతవి" అని రమ్య మోక్ష అంది. దానికి "ఓ యా థాంక్యూ వచ్చి నేను దేవత వచ్చి దర్శనం చేసుకో. వెళ్లవమ్మా" అని తనూజ రియాక్షన్ ఇచ్చింది.