Divi: గుర్తుపట్టలేనంతగా మారిపోయిన బిగ్ బాస్ బ్యూటీ దివి.. క్యాస్ట్ మూవీ నుంచి పవర్ పుల్ లుక్.. పోస్టర్ వైరల్

Divi: ఓ వైపు సినిమాల్లో యాక్టింగ్ తో, మరోవైపు సోషల్ మీడియాలో అందాలతో అదరగొట్టే దివి గుర్తుపట్టలేనంతగా మారిపోయింది. ఈ బిగ్ బాస్ బ్యూటీ నటిస్తున్న కొత్త మూవీ ‘క్యాస్ట్’ నుంచి రిలీజ్ చేసిన ఆమె పోస్టర్ వైరల్ గా మారింది. దివి బర్త్ డే సందర్భంగా రిలీజ్ చేసిన లుక్ అదిరిపోయింది.

Divi: విభిన్నమైన క్యారెక్టర్లు చేస్తూ, నటిగా తనకంటూ ఓ ప్రత్యేక గుర్తింపు తెచ్చుకునే దిశగా బిగ్ బాస్ బ్యూటీ దివి సాగిపోతోంది. తాజాగా ఆమె నటిస్తున్న ‘క్యాస్ట్’ మూవీ నుంచి దివి ఫస్ట్ లుక్ రిలీజైంది. ఇందులో ఆమె గుర్తుపట్టలేనంతగా మారిపోయింది. ఈ పోస్టర్ సోషల్ మీడియాలో తెగ వైరల్ గా మారింది.

దివి ఫస్ట్ లుక్ (x/GoldenProdns)

దివి ఫస్ట్ లుక్

కుల వ్యవస్థ, సమాజంలో కులం పేరుతో జరుగుతున్న దారుణాలను కళ్లకు కట్టే విధంగా తెరకెక్కిస్తున్న మూవీ ‘క్యాస్ట్’. ఇందులో దివి ఓ హీరోయిన్ గా నటిస్తోంది. ఇవాళ (ఏప్రిల్ 25) దివి బర్త్ డే సందర్భంగా ఈ సినిమా నుంచి ఆమె పవర్ ఫుల్ లుక్ ను మేకర్స్ రిలీజ్ చేశారు.

పెద్ద బొట్టుతో

పెద్ద బొట్టుతో, మెడలో పులి గోర్లతో ఆమె రూపం భయపెట్టేలా ఉంది. క్యాస్ట్ సినిమాలో ఆమె ధూమవతి క్యారెక్టర్ ప్లే చేస్తుందని కూడా అనౌన్స్ చేశారు. ‘‘టాలెంటెడ్ నటి దివికి క్యాస్ట్ మూవీ టీమ్ తరపున జన్మదిన శుభాకాంక్షలు. క్యాస్ట్ సినిమాలో ధూమవతిగా ఆమె భయంకరమైన అవతారాన్ని చూసేందుకు రెడీ అయిపోండి. ఈ లుక్ చాలా కాలం గుర్తుండిపోతుంది’’ అని మేకర్స్ ఎక్స్ లో పోస్టు చేశారు.

నలుగురు హీరోలు

కులం కాన్సెప్ట్ ఆధారంగా తెరకెక్కుతున్న ‘క్యాస్ట్’ మూవీలో నలుగురు హీరోలుగా నటిస్తున్నారు. వరుణ్ సందేశ్, సత్యం రాజేష్, గగన్, యాంకర్ రవి ఇందులో లీడ్ రోల్స్ ప్లే చేస్తున్నారు. ఇటీవల ఈ మూవీ టైటిల్ గ్లింప్స్ వీడియోను రిలీజ్ చేశారు. ఇందులో నాలుగు సింహాలను ఓసీ, బీసీ, ఎస్సీ, ఎస్టీ అనే కులాలుగా చూపించారు. ఈ సినిమాకు ఏకే జంపన్న డైరెక్టర్.

నాగబాబు లుక్

‘క్యాస్ట్’ మూవీలో మెగా బ్రదర్ నాగబాబు కూడా ఓ ప్రధాన పాత్ర పోషిస్తున్నాడు. ఈ సినిమాలో అతను రంగరాజన్ క్యారెక్టర్ ప్లే చేస్తున్నట్లు మేకర్స్ అనౌన్స్ చేశారు. స్వామి మాలలో సీరియస్ లుక్ లో ఉన్న నాగబాబు పోస్టర్ ను కూడా ఇప్పటికే రిలీజ్ చేశారు. సమాజంలోని ప్రస్తుత పరిస్థితులను, కుల వ్యవస్థలోని లోపాలను ఎత్తి చూపేలా ఈ సినిమా ఉండబోతుందని తెలిసింది.

గోల్డెన్ ప్రొడక్షన్స్ బ్యానర్ నిర్మిస్తున్న ‘క్యాస్ట్’ మూవీ షూటింగ్ శరవేగంగా సాగుతోంది. త్వరలోనే ఈ సినిమా రిలీజ్ డేట్ ను మేకర్స్ అనౌన్స్ చేసే అవకాశముంది.