OTT Release:టీజరే ఇలా ఉంటే ఇక సిరీస్ ఎలా ఉంటుందో? మిస్ట‌రీ, స‌స్పెన్స్ వేరే లెవ‌ల్‌-ఓటీటీలోకి సూపర్ హిట్ సిరీస్ సీజ‌న్ 2

OTT Release: నెక్స్ట్ లెవల్ మిస్టరీ, సస్పెన్స్ తో ఓటీటీ ఆడియన్స్ కు అదిరే థ్రిల్ అందించేందుకు బ్లాక్ బస్టర్ వెబ్ సిరీస్ సీజన్ 2 రాబోతుంది. రీసెంట్ గా రిలీజ్ అయిన ఈ సిరీస్ టీజర్ గూస్ బంప్స్ తెప్పిస్తోంది. టీజరే ఇలా ఉంటే, ఇక సిరీస్ ఏ రేంజ్ లో ఉంటుందోననే కామెంట్లు వస్తున్నాయి.

OTT Release: కన్నడ డిజిటల్ స్క్రీన్‌పై సంచలనం సృష్టించిన బిగ్గెస్ట్ సైకలాజికల్ క్రైమ్ థ్రిల్లర్ 'అయ్యన మనే' (Ayyana Mane) ఇప్పుడు సరికొత్త మిస్టరీతో మన ముందుకు వస్తోంది. రమేష్ ఇందిరా దర్శకత్వంలో, శృతి నాయుడు నిర్మాణంలో తెరకెక్కిన ఈ సిరీస్ సెకండ్ సీజన్ అక్టోబర్ 23, 2026 నుంచి ప్రముఖ ఓటీటీ ప్లాట్‌ఫారమ్ జీ5 (ZEE5) ఓటీటీలో ఎక్స్‌క్లూజివ్‌గా స్ట్రీమింగ్ కానుంది.

టీజరే ఇలా ఉంటే ఇక సిరీస్ ఎలా ఉంటుందో? మిస్ట‌రీ, స‌స్పెన్స్ వేరే లెవ‌ల్‌-ఓటీటీలోకి సూపర్ హిట్ సిరీస్ సీజ‌న్ 2

సీజన్ 1 లో ఏం జరిగింది?

అయ్యన మనే వెబ్ సిరీస్ మొదటి సీజన్ మొత్తం ఆడియన్స్‌ను ఊపిరి బిగబట్టుకునేలా చేసింది. కథ విషయానికొస్తే.. జేజీ (ఖుషీ రవి) అనే యువతి దుష్యంత్ (అక్షయ్ నాయక) అనే వ్యక్తిని పెళ్లి చేసుకుని 'అయ్యన మనే' అనే ఒక పురాతనమైన, రహస్యాలు దాగి ఉన్న పెద్ద ఇంట్లోకి అడుగుపెడుతుంది.

అయితే ఆ ఇంట్లోకి వచ్చిన ముగ్గురు కోడళ్లు అంతకుముందే వింత పరిస్థితుల్లో చనిపోయి ఉంటారు. జేజీ ఆ ఇంట్లోని నాల్గవ కోడలు. ఆ ఇంట్లో ఉన్న పవిత్రమైన 'కొండయ్య' విగ్రహం చుట్టూ, ఆ వంశం చుట్టూ ఉన్న శాపం ఏంటి? ఆ ముగ్గురు కోడళ్లు ఎలా చనిపోయారు? అనే నిజాలను తెలుసుకోవడానికి జేజీ చేసే సాహసమే మొదటి సీజన్. ఓటీటీలో ఈ సైకలాజికల్ మిస్టరీ థ్రిల్లర్ అప్పుడు అదరగొట్టింది.

సీజన్ 2లో మైండ్ బ్లోయింగ్ ట్విస్ట్‌లు

ఈ వెబ్ సిరీస్ లో సీజన్ 1 ముగిసే సమయానికి కొన్ని నిజాలు తెలిసినప్పటికీ, అసలైన పెద్ద మిస్టరీ అలాగే ఉండిపోయింది. ఇక సీజన్ 2 లో 'రహస్యం వెనుక ఉన్న అసలు రహస్యాన్ని' బట్టబయలు చేయబోతున్నారు. ఆ ఇంట్లో అడుగుపెట్టిన ప్రతి ఒక్కరినీ వెంటాడే ఆ అదృశ్య శక్తి ఏంటి?

వంశస్థుల చావుల వెనుక ఉన్న అసలు మాస్టర్ మైండ్ ఎవరు? అనే సరికొత్త ట్విస్టులతో ఈ సీజన్ సాగనుంది. ప్రతి ఎపిసోడ్ ఊహించని మలుపులతో మైండ్ ఫ్రీజ్ చేయడం ఖాయం.

లేటెస్ట్ టీజర్‌లో ఏం చూపించారు?

ఇటీవల విడుదలైన అయ్యన మనే వెబ్ సిరీస్ లేటెస్ట్ టీజర్ సోషల్ మీడియాలో విపరీతమైన హైప్ క్రియేట్ చేస్తోంది. టీజర్‌లో చీకటితో నిండిన ఆ పురాతన బంగ్లా, భయపెట్టే బ్యాక్‌గ్రౌండ్ స్కోర్, వింత శబ్దాలు ఒళ్లు గగుర్పొడిచేలా ఉన్నాయి.

జేజీ కి ఎదురయ్యే కొత్త ప్రమాదాలు, కొండయ్య విగ్రహం ముందు జరిగే కొన్ని భయానక పూజల సీన్లు టీజర్‌లో హైలైట్‌గా నిలిచాయి. "నిజం అనుకున్నదంతా నిజం కాదు.. దాని వెనుక ఇంకో ఘోరం ఉంది" అనే రేంజ్‌లో టీజర్ కట్ చూపిస్తూ అంచనాలను పెంచేశారు.

ఓటీటీలో ఎందుకు చూడాలి?

సస్పెన్స్, క్రైమ్, సైకలాజికల్ మిస్టరీ జానర్లను ఇష్టపడేవారు అస్సలు మిస్ అవ్వకూడని సిరీస్ ఇది. కేవలం హారర్ ఎలిమెంట్స్ మాత్రమే కాకుండా, మనుషుల మైండ్ గేమ్స్, ఎమోషన్స్, అద్భుతమైన విజువల్స్ ఈ అయ్యన మనే సిరీస్ సొంతం. థ్రిల్లింగ్ సౌండ్ ఎఫెక్ట్స్‌తో ఇంట్లోనే కూర్చుని ఒక బెస్ట్ థ్రిల్లర్ ఎక్స్‌పీరియన్స్ పొందడానికి అక్టోబర్ 23న జీ5లో ఈ సరికొత్త సీజన్‌ను వాచ్ చేయండి.