బ్రహ్మముడి మే 21 ఎపిసోడ్: కంపెనీ సీఈవోగా రాజు.. బోర్డు సభ్యులను బోల్తా కొట్టించి.. రేఖతో ఆడుకుంటున్న ఇందు..

బ్రహ్మముడి మే 21 ఎపిసోడ్: బ్రహ్మముడి సీరియల్ మే 21 ఎపిసోడ్ లో రేఖతో ఇందు రివర్స్ గేమ్ మొదలు పెడుతుంది. రాజును అడ్డం పెట్టుకొని ఓ ఆటాడుకుంటుంది. అటు కంపెనీకి సీఈవో అయిపోవడానికి రాజు ప్లాన్స్ వేస్తుంటాడు.

బ్రహ్మముడి మే 21 ఎపిసోడ్: బ్రహ్మముడి సీరియల్ ఈరోజు ఎపిసోడ్ లో రేఖకు మరో షాక్ తగులుతుంది. ఆమె చేతుల్లో నుంచి కంపెనీని పూర్తిగా లాగేసుకోవడానికి రాజును ముందు పెట్టి ఇందు గేమ్ ఆడుతుంది. అందులో రేఖ పూర్తిగా చిక్కుకుపోయేలా కనిపిస్తోంది.

కారు చూసి మురిసిపోయిన భ్రమరాంబ

బ్రహ్మముడి మే 21 ఎపిసోడ్: కంపెనీ సీఈవోగా రాజు.. బోర్డు సభ్యులను బోల్తా కొట్టించి.. రేఖతో ఆడుకుంటున్న ఇందు..

బ్రహ్మముడి సీరియల్ గురువారం (మే 21) ఎపిసోడ్ రాజు, ఇందు రాగానే తన కారును చూసి భ్రమరాంబ మురిసిపోయే సీన్ తో మొదలవుతుంది. మీ కారు బాగానే ఉందని రాజు అంటాడు. మళ్లీ ఎప్పుడూ తన కారు తీసుకెళ్లొద్దని భ్రమరాంబ అంటుంది. దీంతో రాజు తన చేయి చూపిస్తూ వార్నింగ్ ఇస్తాడు. తనకు బాగా నచ్చిన దాన్ని వదలబోనని అంటాడు. అప్పుడే రాజుకు చలపతి ఫోన్ చేయడంతో అతడు వెళ్లిపోతాడు.

వెంకీకి అమ్మాయిలను చూసి పెట్టిన నందు

ఇటు వెంకీని ఎలాగైనా వదిలించుకోవాలని చూస్తున్న నందు అతని కోసం అమ్మాయిలను చూస్తుంది. బ్రహ్మముడి డేటింగ్ యాప్ ద్వారా ముగ్గురిని చూశానని, వాళ్లతో మాట్లాడి ఎవరినో ఒకరిని సెట్ చేసుకోవాలని వెంకీకి చెబుతుంది. ఇద్దరూ ఓ రెస్టారెంట్ లో ఉంటారు.

వరుసగా ఒక్కో అమ్మాయి వస్తుందని, నీకు కావాల్సిన వాళ్లను సెలెక్ట్ చేసుకోమని నందు చెబుతుంది. సరే అని మొదటగా వచ్చిన అమ్మాయితో వెంకీ మాట్లాడతాడు. స్వచ్ఛమైన ప్రేమ కోసం చూస్తున్న వెంకీ.. ఆ అమ్మాయికి అప్పటికే రెండు బ్రేకప్స్ ఉన్నాయని తెలిసి వద్దని పంపిచేస్తాడు.

రాజుకు చలపతి, లక్ష్మీ వీడియో కాల్

అప్పుడే వెనుక నుంచి అపర్ణ రావడం చూసి రాజు షాక్ తింటాడు. ఆమె ఎమోషనల్ అవుతూ రాజు దగ్గరికి వస్తుంది. నిన్ను చూస్తే చాలా సంతోషంగా ఉంది.. ఇందుని తీసుకొని ఆఫీసుకు వెళ్లడం మాకు ధైర్యాన్ని ఇచ్చింది.. మా కన్నీళ్లు తుడవడానికే వచ్చినట్లుగా ఉంది.. నువ్వు ఎప్పుడూ ఇలాగే మా మనవరాలికి అండగా ఉంటావు కదా అని రాజుని అపర్ణ అడుగుతుంది. ఈమె మరీ ఇంతలా ఎమోషనల్ అయిపోయిందేంటి అనుకున్న రాజు.. అలాగే ఉంటానని అంటాడు.

అల్లుడికి మర్యాద ఎక్కడ అంటూ ఇంట్లో రాజు హంగామా

ఆ తర్వాత రాజు ఇంట్లో వెళ్లి నానా హంగామా చేస్తాడు. చేతిలో బ్యాగు విసిరేస్తాడు. టీపాయ్ మీద ఉన్న ఫ్లవర్ వాజ్ నేలకేసి కొడతాడు. దీంతో అందరూ పరుగెత్తుకుంటూ వస్తారు. ఏం జరిగిందని అడిగితే.. నేను ఈ ఇంటికి అల్లుడి అన్న విషయం మరచిపోయారా.. నేను, నా భార్య అలాంటి గదిలో ఉండాలా.. నాకు కింగ్ సైజ్ బెడ్, ఏసీ ఉన్న గది కావాలని డిమాండ్ చేస్తాడు. రేఖ సరే అంటూ అతనికి ఐశ్వర్య రూమ్ ఇస్తుంది.

ఆ తర్వాత రేఖకు ఎసరు పెట్టేలా కంపెనీ సీఈవో పదవి కోసం నువ్వు పోటీ పడాలని రాజుకి చెబుతుంది ఇందు. దానికోసం బోర్డు సభ్యుల ఓట్లు కావాలని, ముందు వాళ్లను బుట్టలో వేసుకోవాలని ఇందు చెప్పడంతో రాజు అదే పనిలో ఉంటాడు. ఇటు రేఖ దగ్గరికి వెళ్లి రాజు ఏం చేస్తున్నాడో చెబుతుంది. దీంతో రేఖ షాక్ తింటుంది. రాజుని అడ్డం పెట్టుకొని రేఖతో ఇందు ఆడుకుంటుంది. అక్కడితో బ్రహ్మముడి సీరియల్ ఈరోజు ఎపిసోడ్ ముగుస్తుంది.