Nani Success Lessons: సినీ పరిశ్రమలో విజయం ఎవరికీ ఊరికే రాదు. గాడ్ఫాదర్ల మద్దతు లేకుండా, ఎలాంటి సినీ నేపథ్యం లేకుండా పరిశ్రమలోకి అడుగుపెట్టి.. స్వయంకృషితో టాలీవుడ్లో ‘నేచురల్ స్టార్’గా ఎదిగిన నాని (Nani) సినీ ప్రయాణం ఒక అద్భుతమైన స్ఫూర్తి కథనం.
నితిన్ తో సినిమా
తాజాగా నితిన్ హీరోగా మురళీకాంత్ దర్శకత్వంలో తెరకెక్కనున్న ‘అలియాస్ రుక్మిణీ’ (Alias Rukmini) చిత్రం హైదరాబాద్లో వైభవంగా ప్రారంభమైంది. నాని సమర్పణలో యూనానిమస్ ప్రొడక్షన్స్ (Unanimous Productions) ఈ చిత్రాన్ని నిర్మిస్తోంది.
అప్పుడు క్లాప్ బాయ్
ఇందులో అత్యంత విశేషమైన అంశం ఏంటంటే.. సరిగ్గా 21 ఏళ్ల క్రితం (2005లో) కె.రాఘవేంద్రరావు దర్శకత్వంలో నితిన్ హీరోగా నటించిన ‘అల్లరి బుల్లోడు’ చిత్రానికి నాని క్లాప్ అసిస్టెంట్గా పనిచేశాడు. కాలం చక్రంలా తిరిగి, నేడు అదే నితిన్ చిత్రానికి నాని క్లాప్ కొట్టి, నిర్మాతగా నిలవడం సోషల్ మీడియాలో సంచలనంగా మారింది.
ఏలాంటి అంచనాలు లేకుండా వచ్చి, నేడు పాన్-ఇండియా రేంజ్లో తన మార్కెట్ వాల్యూను పెంచుకుంటున్న నాని సక్సెస్ ప్రయాణం నుంచి ప్రతిఒక్కరూ నేర్చుకోవాల్సిన 5 కీలకమైన లైఫ్ లెసన్స్ ఇవే.
1. పని చిన్నదైనా నైపుణ్యాన్ని పెంచుకోవడం
నాని తన కెరీర్ను నేరుగా హీరోగా ప్రారంభించలేదు. ఆర్జేగా, అసిస్టెంట్ డైరెక్టర్గా, క్లాప్ బాయ్గా సెట్స్పై క్రమశిక్షణతో పనిచేశాడు. పని చిన్నదా పెద్దదా అని చూడకుండా, సినిమా నిర్మాణానికి సంబంధించి ప్రతి విభాగంపై అవగాహన పెంచుకున్నారు.
- పాఠం: మీరు ఏ రంగంలో ఉన్నా.. ఆరంభంలో లభించే అవకాశం చిన్నదైనా సరే, నిరాశపడకుండా ఆ పనిని పర్పెక్ట్ గా నేర్చుకోవడంపై దృష్టి పెట్టాలి. ఆ నైపుణ్యమే మిమ్మల్ని ముందుకు నడిపిస్తుంది.
2. సున్నా బ్యాక్గ్రౌండ్ను బలంగా మార్చుకోవడం
ఇండస్ట్రీలో గాడ్ఫాదర్లు లేకపోవడం ఒక ప్రతికూలతగా చాలామంది భావిస్తారు. కానీ నాని దానిని తన అతిపెద్ద బలంగా మార్చుకున్నాడు. సాధారణ మధ్యతరగతి యువకుడిలా కనిపిస్తూనే, తన సహజ నటనతో ప్రేక్షకులకు అత్యంత దగ్గరయ్యాడు.
- పాఠం: వెనుక సపోర్ట్ లేదని బాధపడటం కంటే.. మీ స్వయంకృషి, కష్టం, కంటెంట్నే మీ బ్రాండ్గా మార్చుకోవడమే నిజమైన విజయం.
3. కంఫర్ట్ జోన్ను దాటి ప్రయోగాలు
{{/usCountry}}ఇండస్ట్రీలో గాడ్ఫాదర్లు లేకపోవడం ఒక ప్రతికూలతగా చాలామంది భావిస్తారు. కానీ నాని దానిని తన అతిపెద్ద బలంగా మార్చుకున్నాడు. సాధారణ మధ్యతరగతి యువకుడిలా కనిపిస్తూనే, తన సహజ నటనతో ప్రేక్షకులకు అత్యంత దగ్గరయ్యాడు.
- పాఠం: వెనుక సపోర్ట్ లేదని బాధపడటం కంటే.. మీ స్వయంకృషి, కష్టం, కంటెంట్నే మీ బ్రాండ్గా మార్చుకోవడమే నిజమైన విజయం.
3. కంఫర్ట్ జోన్ను దాటి ప్రయోగాలు
{{/usCountry}}‘అష్టా చమ్మా’, ‘అలా మొదలైంది’ వంటి లైట్-హార్టెడ్ రొమాంటిక్ కామెడీలతో గుర్తింపు తెచ్చుకున్న నాని అక్కడితో ఆగిపోలేదు. ‘ఈగ’, ‘జెర్సీ’, ‘శ్యామ్ సింగరాయ్’, ‘దసరా’ నుంచి ఇటీవలి సినిమాల వరకు ప్రతి సినిమాలో తన పాత్రను మార్చుకుంటూ, నటుడిగా తన పరిధిని విస్తరించుకున్నాడు.
- పాఠం: ఒకసారి విజయం సాధించిన తర్వాత ఆ కంఫర్ట్ జోన్లోనే ఉండిపోకూడదు. ఎప్పటికప్పుడు కొత్త ప్రయోగాలు చేస్తూ, మిమ్మల్ని మీరు రీ-ఇన్వెంట్ చేసుకుంటూ ఉండాలి.
4. వినయం వీడకపోవడం
21 ఏళ్ల క్రితం నితిన్ సెట్స్పై క్లాప్ కొట్టిన సహాయ దర్శకుడిగా ఉన్న నాని, నేడు అదే నితిన్ చిత్రానికి నిర్మాతగా మారిన సమయంలో ఎక్కడా అహంకారం ప్రదర్శించలేదు. ఎంతో వినయంతో, గౌరవంతో ఆ ప్రాజెక్ట్ను లాంచ్ చేశాడు.
- పాఠం: ఎంత ఎదిగినా ఒదిగి ఉండటం సక్సెస్ను సుస్థిరం చేస్తుంది. మీరు దాటి వచ్చిన దారిని, పడిన కష్టాన్ని గుర్తుంచుకున్నప్పుడే సమాజంలో నిజమైన గౌరవం లభిస్తుంది.
5. ఇతరులను ప్రోత్సహించడం
హీరోగా తానొక్కడే సంపాదించుకోవడం కాకుండా, ‘వాల్ పోస్టర్ సినిమా’, ‘యూనానిమస్ ప్రొడక్షన్స్’ ద్వారా కొత్త దర్శకులను, వినూత్న కథలను నాని ప్రోత్సహిస్తున్నాడు. ‘అ!’, ‘హిట్’, ‘కోర్ట్’ వంటి వైవిధ్యమైన చిత్రాలను నిర్మించి, పరిశ్రమలో సరికొత్త లీడర్షిప్ క్వాలిటీస్ను చూపించాడు.
- పాఠం: నిజమైన నాయకుడు లేదా విజేత అంటే తాను మాత్రమే ఎదగడం కాదు.. తనతో పాటు ఇతరులకు అవకాశాలు కల్పిస్తూ, కొత్త ప్రతిభను ప్రోత్సహించడం.