OTT Crime Thriller: మలయాళ విలక్షణ నటి నిమిషా సజయన్ మెయిన్ లీడ్గా నటించిన పవర్ఫుల్ క్రైమ్ ఇన్వెస్టిగేటివ్ థ్రిల్లర్ 'బబితా సింగ్ రిపోర్టింగ్' (Babita Singh Reporting) అఫీషియల్ ట్రైలర్ను అమెజాన్ ప్రైమ్ వీడియో గ్రాండ్గా రిలీజ్ చేసింది. యంగ్ పోలీస్ ఆఫీసర్ అవతార్లో నిమిషా నటన, కేస్ ఇన్వెస్టిగేషన్ చుట్టూ తిరిగే సస్పెన్స్ ఎలిమెంట్స్ డిజిటల్ ఆడియెన్స్లో విపరీతమైన క్యూరియాసిటీని పెంచేస్తున్నాయి.
చిన్ననాటి ఫ్రెండ్ మర్డర్.. పర్సనల్గా మారిన ఇన్వెస్టిగేషన్
ఈ క్రైమ్ థ్రిల్లర్ సినిమా నేరుగా ఓటీటీలోకే వస్తోంది. ఇందులో నిమిషా సజయన్ పవర్ఫుల్ పోలీస్ ఆఫీసర్ బబితా సింగ్ (అందరూ ప్రేమగా 'బేబీ' అని పిలుస్తారు) పాత్రలో కనిపించారు. ఆమె చిన్ననాటి స్నేహితుడు బన్సీ (బరుణ్ సోబ్టి) దారుణ హత్యకు గురవ్వడంతో కథ ఊహించని మలుపు తిరుగుతుంది.
తన ప్రాణస్నేహితుడిని చంపిన హంతకుడిని పట్టుకోవడానికి బేబీ దర్యాప్తు ప్రారంభించగా, అనేక రహస్యాలు బయటపడతాయి. మామూలు మర్డర్ మిస్టరీగా మొదలైన ఈ కేస్, చివరకు ఆమె వ్యక్తిగత జీవితానికి ప్రమాదకరంగా మారుతుంది. తను నమ్మిన సొంత మనుషుల నిజస్వరూపాలు బయటపడటంతో ఆమె ఏ నిర్ణయం తీసుకుందనేది ఈ థ్రిల్లర్ మెయిన్ పాయింట్.
నిమిషా సజయన్, బరుణ్ సోబ్టి మైండ్ బ్లోయింగ్ పెర్ఫార్మెన్స్
సౌత్ అండ్ నార్త్ ప్రాజెక్ట్లలో ఇంటెన్స్ రోల్స్ చేస్తూ ప్రశంసలు అందుకుంటున్న నిమిషా సజయన్.. బబితా క్యారెక్టర్లో జీవించేశారు. పోలీస్ డ్యూటీకి, ఫ్రెండ్ను కోల్పోయిన పర్సనల్ ఎమోషన్కు మధ్య నలిగిపోయే ఆఫీసర్గా ఆమె పండించిన హావభావాలు అద్భుతంగా ఉన్నాయి.
ఇక టీవీ, ఓటీటీ వరల్డ్లో తనకంటూ క్రేజ్ తెచ్చుకున్న బరుణ్ సోబ్టి, అన్షుమాన్ పుష్కర్ కీలక పాత్రల్లో కనిపించి కథకు మరింత బలాన్నిచ్చారు. 'పాతాళ్ లోక్', 'కోహ్రా' లాంటి కల్ట్ ఓటీటీ సిరీస్లను అందించిన ప్రసిద్ధ ఎగ్జిక్యూటివ్ ప్రొడ్యూసర్ సుదీప్ శర్మ ఈ ప్రాజెక్ట్కి నేతృత్వం వహించడం విశేషం.
మర్డర్ మిస్టరీ దాటిన ఎమోషనల్ డెప్త్
కేవలం హంతకుడు ఎవరనేది చూపించడమే కాకుండా, నిజం బయటపడినప్పుడు అనుబంధాల్లో వచ్చే ఎమోషనల్ పరిణామాలను గ్రిప్పింగ్గా తెరకెక్కించినట్లు డైరెక్టర్ అంబికా పండిట్ తెలిపారు. సమాజంలో మహిళలు తమ భావోద్వేగాలను అణచుకుంటూ ఎలా రాజీ పడాల్సి వస్తుందో ఈ మూవీ టచ్ చేస్తుందని ఆమె వివరించారు.
{{/usCountry}}కేవలం హంతకుడు ఎవరనేది చూపించడమే కాకుండా, నిజం బయటపడినప్పుడు అనుబంధాల్లో వచ్చే ఎమోషనల్ పరిణామాలను గ్రిప్పింగ్గా తెరకెక్కించినట్లు డైరెక్టర్ అంబికా పండిట్ తెలిపారు. సమాజంలో మహిళలు తమ భావోద్వేగాలను అణచుకుంటూ ఎలా రాజీ పడాల్సి వస్తుందో ఈ మూవీ టచ్ చేస్తుందని ఆమె వివరించారు.
{{/usCountry}}నిమిషా సజయన్ మాట్లాడుతూ.. తన కెరీర్లోనే బబితా క్యారెక్టర్ ఎంతో ప్రత్యేకమైనదని పేర్కొన్నారు. షూటింగ్ పూర్తయ్యాక కూడా ఈ పాత్ర తన మనసులో ఉండిపోయిందని, ప్రతీ ఒక్కరూ తమ జీవితాల్లో ఎంతలా రాజీపడతారో ఆలోచించేలా చేస్తుందని చెప్పారు.
ప్రైమ్ వీడియోలో ఆగస్టు 28 నుంచి స్ట్రీమింగ్
ఫిల్మ్ స్క్వాడ్ ప్రొడక్షన్స్ బ్యానర్పై ఆక్ట్ త్రీ భాగస్వామ్యంతో సౌరభ్ మల్హోత్రా, మనుజ్ మిత్రా, టీనా థర్వాణి ఈ విభిన్న చిత్రాన్ని నిర్మించారు. అమిత వ్యాస్ రాసిన కథను డైరెక్టర్ అంబికా పండిట్ రా అండ్ రస్టిక్ మేకింగ్తో రూపొందించారు.
ఈ మోస్ట్ అవైటెడ్ ఇన్వెస్టిగేటివ్ థ్రిల్లర్ ఆగస్టు 28 నుంచి అమెజాన్ ప్రైమ్ వీడియోలో హిందీ ఆడియోతో పాటు ఇంగ్లీష్ సబ్టైటిల్స్తో స్ట్రీమింగ్కు రానుంది. క్రైమ్ థ్రిల్లర్ లవర్స్కు ఇది పర్ఫెక్ట్ డిజిటల్ ట్రీట్గా నిలవడం ఖాయంగా కనిపిస్తోంది.