తల్లి చనిపోయిన విషయాన్ని చెప్పకుండా షూటింగ్ చేశాడు.. హీరో తిరువీర్‌పై పలాస డైరెక్టర్ కరుణ కుమార్ ప్రశంసలు

వరుస సినిమాలతో దూసుకుపోతున్న యంగ్ హీరో తిరువీర్ నటించిన లేటెస్ట్ మూవీ ది గ్రేట్ ప్రీ వెడ్డింగ్ షో. రాహుల్ శ్రీనివాస్ దర్శకత్వం వహించిన ది గ్రేట్ ప్రీ వెడ్డింగ్ షో ట్రైలర్‌ను ఇవాళ రిలీజ్ చేశారు. ఈ సందర్భంగా నిర్వహించిన ఈవెంట్‌లో పలాస డైరెక్టర్ కరుణ కుమార్ ఇంట్రెస్టింగ్ విషయాలు చెప్పారు.

వెర్సటైల్ యాక్టర్ తిరువీర్, టీనా శ్రావ్య జంటగా నటించిన చిత్రం ‘ది గ్రేట్ ప్రీ వెడ్డింగ్ షో’. బై 7పీఎమ్, పప్పెట్ షో ప్రొడక్షన్స్ బ్యానర్లపై సందీప్ అగరం, అశ్మితా రెడ్డి సంయుక్తంగా నిర్మించారు. రాహుల్ శ్రీనివాస్ దర్శకత్వం వహించిన ఈ సినిమాకు కల్పనా రావు సహ నిర్మాతగా వ్యవహరించారు.

తల్లి చనిపోయిన విషయాన్ని చెప్పకుండా షూటింగ్ చేశాడు.. హీరో తిరువీర్‌పై పలాస డైరెక్టర్ కరుణ కుమార్ ప్రశంసలు

ది గ్రేట్ ప్రీ వెడ్డింగ్ షో ట్రైలర్

ది గ్రేట్ ప్రీ వెడ్డింగ్ షో మూవీ నవంబర్ 7న గ్రాండ్‌గా థియేటర్లలో రిలీజ్ కానుంది. ఇప్పటికే రిలీజ్ చేసిన టీజర్, గ్లింప్స్, టైటిల్ పోస్టర్లు సినిమాపై అంచనాలు పెంచేశాయి. ఈ క్రమంలో మంగళవారం (అక్టోబర్ 28) నాడు ది గ్రేట్ ప్రీ వెడ్డింగ్ షో ట్రైలర్‌ను విడుదల చేశారు.

అతిథులుగా తెలుగు డైరెక్టర్స్

ఈ మేరకు నిర్వహించిన ది గ్రేట్ ప్రీ వెడ్డింగ్ షో ట్రైలర్ లాంచ్ ఈవెంట్ నిర్వహించారు. ఈ కార్యక్రమానికి దర్శకులు కరుణ కుమార్, యదు వంశీ, ఆదిత్య హాసన్, రామ్ అబ్బరాజు, సన్నీ, దుశ్యంత్, ఉదయ్ గుర్రాల, రూపక్, తేజ, నంద కిషోర్ వంటి వారు ముఖ్య అతిథులుగా విచ్చేశారు. ఈ కార్యక్రమంలో హీరో తిరువీర్‌ డెడికేషన్‌ను పలాస డైరెక్టర్ కరుణ కుమార్ ప్రశంసించారు.

ఓ నాటకంలో చూశాను

పలాస దర్శకుడు కరుణ కుమార్ మాట్లాడుతూ .. "తిరువీర్‌ను నేను ఓ నాటకంలో చూశాను. నేను మూవీ తీస్తే తిరువీర్‌కి పాత్ర ఇవ్వాలని ఫిక్స్ అయ్యాను. ‘పలాస’లో మూడు పాత్రలు అనుకున్నప్పుడు అందులో తిరువీర్ ఉండాలని అనుకున్నాను" అని అన్నారు.

డెబ్యూగా తీసినప్పుడు కష్టాలు

"‘పలాస’ కోసం మేం ఎన్నో కష్టాలు ఎదుర్కొన్నాం. తల్లి చనిపోయినా కూడా తిరువీర్ ఆ విషయాన్ని మాకు చెప్పకుండా షూటింగ్‌లో సీన్‌ చేశాడు. అలా తిరువీర్ మాకు ఎంతో సహకరించారు. డెబ్యూగా సినిమాలు తీసేటప్పుడు మేకర్లకు ఉండే కష్టాలు మా అందరికీ తెలుసు" అని డైరెక్టర్ కరుణ కుమార్ తెలిపారు.

వంద శాతం బ్లాక్ బస్టర్ హిట్

"ఈ ది గ్రేట్ ప్రీ వెడ్డింగ్ షో చిత్రం వంద శాతం బ్లాక్ బస్టర్ హిట్ అవుతుంది. రూటెడ్ కథల్నే ఆడియెన్స్ ఎక్కువగా ఇష్టపడుతున్నారు. నవంబర్ 7న ఈ చిత్రం రాబోతోంది. అందరూ తప్పకుండా చూడండి" అని దర్శకుడు కరుణ కుమార్ తన స్పీచ్ ముగించారు.

అందరికీ కనెక్ట్ అయ్యే కథ

అనగనగా దర్శకుడు సన్నీ మాట్లాడుతూ .. "‘పరేషాన్’లో తిరువీర్ యాక్టింగ్ నాకు చాలా ఇష్టం. అన్ని రకాల ఎమోషన్స్‌ను తిరు అద్భుతంగా పలికిస్తారు. తనకంటూ ఓ మార్క్‌ను తిరు క్రియేట్ చేసుకున్నారు. అందరికీ కనెక్ట్ అయ్యే కథతో తీసిన ఈ ‘ది గ్రేట్ ప్రీ వెడ్డింగ్ షో’ అందరినీ ఆకట్టుకుంటుంది" అని అన్నారు.

ఎంతో సపోర్ట్‌గా నిలిచారు

ఈ సినిమా నిర్మాత సందీప్ అగరం మాట్లాడు తూ.. "‘ది గ్రేట్ ప్రీ వెడ్డింగ్ షో’ ఈవెంట్‌కు వచ్చిన దర్శకులందరికీ థాంక్స్. మా హీరో తిరువీర్ ఈ ప్రయాణంలో ఎంతో సపోర్ట్‌గా నిలిచారు. దర్శకుడు రాహుల్ ఈ మూవీని అద్భుతంగా తీశారు. నవంబర్ 7న మా చిత్రం రాబోతోంది. అందరూ చూసి సపోర్ట్ చేయండి" అని కోరారు.

ఆన్ స్క్రీన్-ఆఫ్ స్క్రీన్‌లో

"‘ది గ్రేట్ ప్రీ వెడ్డింగ్ షో’ సినిమాకి ఆన్ స్క్రీన్, ఆఫ్ స్క్రీన్‌లో హీరో తిరువీర్. మా ట్రైలర్ అందరికీ నచ్చిందని భావిస్తున్నాను. ట్రైలర్‌కు వంద రెట్లు అనేట్టుగా సినిమా ఉంటుంది. అందరినీ ఎంటర్టైన్ చేసేలా మా చిత్రం ఉంటుంది. నవంబర్ 7న మా సినిమాను అందరూ చూడండి" అని మూవీ డైరెక్టర్ రాహుల్ శ్రీనివాస్ పేర్కొన్నారు.