E-Paper
ఓటీటీలోకి వచ్చిన హార్ట్ టచింగ్ రొమాంటిక్ ఫ్యామిలీ డ్రామా మూవీ- పెళ్లయిన రోజే భార్యను వదిలేసే భర్త- 7 రేటింగ్- ఎక్కడంటే?
ఓటీటీలోకి రొమాంటిక్ ఫ్యామిలీ డ్రామా చిత్రం గృహప్రవేశ్ స్ట్రీమింగ్ వచ్చేసింది. పెళ్లయిన రోజే భర్త వదిలేసి వెళ్తే అత్తింట్లో భార్య ఎలా గడిపిందనే కాన్సెప్ట్తో గృహప్రవేశ్ సినిమా తెరకెక్కింది. ఐఎమ్డీబీ నుంచి 7 రేటింగ్ సాధించిన గృహప్రవేశ్ ఓటీటీ స్ట్రీమింగ్ ప్లాట్ఫామ్ ఏంటో ఇక్కడ తెలుసుకుందాం.
ఓటీటీలు విపరీతంగా పెరిగిపోవడంతో ఇతర భాషా సినిమాలు సైతం మంచి క్రేజ్ తెచ్చుకుంటాయి. ఆ భాషా, ఈ లాంగ్వెజ్ అనే తేడా లేకుండా ఓటీటీ ఆడియెన్స్ అన్ని రకాల సినిమాలు, జోనర్స్ను చూసేందుకు ఆసక్తి చూపిస్తున్నారు. కంటెంట్ బాగుంటే ఏ భాష అయిన సరే ఓటీటీ వాచ్ చేస్తున్నారు ప్రేక్షకులు.
ఓటీటీ రిలీజెస్
ఇక ఎప్పటికప్పుడు సరికొత్త సినిమాలు, డిఫరెంట్ జోనర్ వెబ్ సిరీస్లు ఓటీటీ స్ట్రీమింగ్ అవుతుంటాయి. అలా ఈ వారం కూడా ఓటీటీ రిలీజెస్ ఎక్కువగా అయ్యాయి. అందులో అన్ని రకాల జోనర్స్ ఉన్నాయి. అయితే, వీటిలో నుంచి ఓటీటీ స్ట్రీమింగ్కు వచ్చిన సరికొత్త సినిమా గృహప్రవేశ్.
ఇది ఒక బెంగాలీ మూవీ. గృహ ప్రవేశ్ అంటే తెలుగులో గృహ ప్రవేశం అనే అర్థం వస్తుంది. పెళ్లయిన రోజే భర్త వదిలేసి వెళ్లిపోతే ఆ భార్య అత్తింట్లో ఎలా గడిపిందో అనే కథాంశంగా ఈ సినిమా తెరకెక్కింది. హార్ట్ టచింగ్ సీన్లతో రొమాంటిక్ ఫ్యామిలీ డ్రామాగా గృహప్రవేశ్ రూపొందింది.
గృహప్రవేశ్ నటీనటులు
గృహప్రవేశ్ సినిమాకు ఇంద్రదిప్ దస్గుప్తా దర్శకత్వం వహించారు. ఈ మూవీలో కౌశిక్ గంగూలీ, శుభ శ్రీ గంగూలీ, జీతూ కమల్, రుద్రనీల్ ఘోష్, సోహిని సెన్గుప్తా, స్నేహా ఛటర్జీ, అబీర్ ఛటర్జీ ముఖ్య పాత్రలు పోషించారు. సిమ్రన్ దాస్ ఈ సినిమాను నిర్మించారు.
జూన్ 13న థియేటర్లలో విడుదలైన గృహప్రవేశ్ సినిమా మంచి రెస్పాన్స్ తెచ్చుకుంది. రొమాంటిక్, ఫ్యామిలీ, మ్యూజికల్, ఎమోషనల్ డ్రామా ఎలిమెంట్స్తో సాగే గృహప్రవేశ్ సినిమాకు ఐఎమ్డీబీ నుంచి 7 రేటింగ్ వచ్చింది. అలాంటి గృహప్రవేశ్ ఓటీటీలోకి వచ్చేసింది. హోయ్చోయ్లో అక్టోబర్ 24 నుంచి గృహప్రవేశ్ ఓటీటీ స్ట్రీమింగ్ అవుతోంది.
గృహప్రవేశ్ ఓటీటీ ప్రీమియర్
అయితే, ప్రస్తుతం బెంగాలీ భాషలో మాత్రమే నిన్నటి నుంచి గృహప్రవేశ్ ఓటీటీ ప్రీమియర్ అవుతోంది. కాకపోతే ఇంగ్లీష్ సబ్టైటిల్స్తో గృహప్రవేశ్ సినిమాను ఓటీటీలో చూడొచ్చు. ఇకపోతే ఈ సినిమా కథ అంతా ఉత్తర కలకత్తాలోని రాజ్బరి ప్రాంతంలో జరుగుతుంది.
అక్కడ రాజవంశానికి చెందిన అప్రతిమ్కు గొప్ప పేరు ఉంటుంది. అప్రతిమ్కు భార్య, ఇద్దరు పనివాళ్లు బిలు, మినాటి ఉంటారు. అప్రతిమ్ కొడుకు షాన్కు టిట్లీ అనే యువతితో పెళ్లి చేస్తారు. అయితే, పెళ్లి రోజునే షాన్ ఎవరికి చెప్పకుండా వెళ్లిపోతాడు. కానీ, భార్య టిట్లితో మాత్రం మూడు నెలల్లో కచ్చితంగా వస్తానని ప్రామిస్ చేసి షాన్ వెళ్లిపోతాడు.
గృహప్రవేశ్ కథ, ట్విస్టులు
భర్త కోసం ఎదురుచూస్తు టిట్లీ జీవనం సాగిస్తుంటుంది. ఈ క్రమంలో దుర్గా దేవి పూజ ఫెస్టివల్ తర్వాత అప్రతిమ్ ఇంటికి మొదటి గెస్ట్గా డాక్టర్, ఫొటోగ్రాఫర్ మేఘదూత్ వస్తాడు. అతనితో టిట్లీకి మంచి పరిచయం ఏర్పడి స్నేహం పెరుగుతుంది. ఇద్దరి మధ్య సాన్నిహిత్యం ఏర్పడుతుంది.
టిట్లీ, మేఘదూత్ స్నేహం, రిలేషన్షిప్ గురించి ఊరంతటా పాకుతుంది. ఆ తర్వాత ఏమైంది? అసలు మేఘదూత్ ఎవరు? అతను తీసుకొచ్చి సందేశం ఏంటీ? మామ అప్రతిమ్తో టిట్లీతో జరిగే కాన్ఫ్లిక్ట్ ఏంటీ? టిట్లీ భర్త షాన్ తిరిగి వచ్చాడా? అనేది తెలియాలంటే ఓటీటీ స్ట్రీమింగ్ మూవీ గృహప్రవేశ్ చూడాల్సిందే.
